Iwe Ọhụhị Imosiisi ana aa hị́ Ọyịvatụrọda 12:2 - IWE ỌNỊNỊ

² Anẹkụra irenyi-irenyi ana ra ịzọọ vị ana hẹkẹ ori ẹnịnị. Ịjị ẹ̀ẹ raa dọ ẹtẹ ọnọọ, e du avaba aha ana a yaa hẹkẹ ori ene hi ịrẹsụ ataba ọnịrị ịrẹsụ otutu irenyi-irenyi a vị iruvo ọchị ẹbanyị-ẹbanyị ịzị ẹẹ̄ mẹ ori.

Iwe Ọhụhị Imosiisi ana aa hị́ Ọyịvatụrọda 12:2 ပူးပေါင်းရင်းမြစ်များ

1 Ohinọyị 14:23

Ẹnị ẹ rẹ da aha ọnẹba, di e hi ọhẹ, dị ẹ rẹ nyị ori ana aā hi Asẹra hi avaba ịnị ataba ọnẹba ọnịrị hi avaba iruvo ọchị ana avị anị vị ohwoohu nị.

1 Ohinọyị 3:2

Ama aza ẹnẹẹ vị ana a mịị mẹ̀ ịsọvọ aha ọnẹba agụvị ka ịnị ụmẹ ọnọọ ọza ộ yị dà irehi yị Ẹnẹyịmavara.

2 Ohinọyị 11:18

Dị aza ẹnẹnị nọ irehi Ịbaarị, di e wú ọ ha nị. Ụta ịsọvọ ọnịrị uyi ana a mẹ hi ịzọọ vị ẹnẹ ẹ chaka ha, dị ẹ wụ̀ Ịmatanị, ohirẹsụ irehi Ịbaarị tụ ọvịdị ụta ịsọvọ ẹnẹẹ nị. Ijehoyada ộ kụ aza kara irehi Ohomorihi ka ee sere e.

2 Ohinọyị 16:4

Ahazi ộ mẹ̀ ịsọvọ ịzị aza anaā hẹkẹ ori nịnị yaā mẹ ori ịrẹsụ ataba ọnịrị iruvo avaba ọchị ana nyị ihuhu.

2 Ohinọyị 23:13

Avọọ Ohinọyị Ijosaya mẹ rẹ du aha ori irenyi-irenyi ọnị Isoromọnị dà hi ịrẹsụ ataba ene hi eyi ịzị ọyịị̄ vẹ Ijerusarẹmị akẹtẹ ataba Orivi. Ịrẹsụ ataba ẹnẹẹ a yaa hẹkẹ Asịtọrẹtị, ori ọnẹẹ Anịsayịdọnị ọnịrị Ichemosi, ori Animowabi ne beri Imorẹkị, ori Anamọnị nịnị.

Ahẹ Ụgama 78:58

Ẹnịnị ệ mẹ ayị kụ́ Ohomorihi agụvị aha ahẹkẹ ori ẹnị ẹ dà hi ịrẹsụ ataba irenyi-irenyi. Ori ẹnịnị vị ana mẹ̀ ẹ kụ́ ụhị.

Ọyịkụra 23:24

Asị u ku ẹtẹ yi ori ẹnịnị, asị ụ rẹ mẹ wa. Asị ụ saasa ịsị ẹ yaa mẹ. Ori ẹnẹẹ vị ọnị ụ vaa chakaa ha, dị ụ gara ịrẹta ịzị a yàa mẹ wa.

Ayịsaya 36:7

Dị ọga isoja Anasiriya rẹ ka vi Anijuda wáá ka Ẹnẹyịmavara ana vị Ohomorihi ẹnịnị ẹnị sị ayị tụra nị? Ọ kà àa vị avọọ yọ, ẹ́ẹ́ yẹ ka Ihezekaya o reè wu avaba ịzị a yàa hẹkẹ ẹ, dị ọ ka Anijerusarẹmị ọnịrị Anijuda ẹ kụkụụ hẹkẹ ẹ aha ọnya nị?

Ijeremaya 17:2

Aza awụ nịnị anaa mẹ ahẹkẹ ịzị ụta ọnọọ yà, dị ụ raa nọ iruvo avaba ọchị ọnịrị ịrẹsụ ataba ịzị asị ụmọmọ ori ọnyẹnẹẹ ana aā hị́ Asẹra tụ nịnị nị.

Ijeremaya 2:20

Ẹnẹyịmavara ene hu kere-kere ka, Anisirẹrị, o si ku ọnị ụ hụrẹ ka a sị mị kụkụ mẹ ọda tụra wụ nịnị, Ụ ka wẹ yị kụkụ saasa ịrẹyị amị nịnị, dị ụ wẹ̀ yị rẹ kụkụ hẹkẹ mị nịnị nị. Dị ụ naa hẹkẹ ori nịnị ịrẹsụ avaba ataba ọnịrị avaba iruvo ọchị ohwoohu nịnị nị.

Ijeremaya 3:13

Ẹnẹyịmavara kà dọ nịnị kẹnẹ ka waa rị ịvị nịnị, dị ụ kụ̀ hịrẹ ọnị ana vị Ohomorihi awụ nịnị nị. Dọ irenu nịnị ka waa mẹ̀ ebira ịrẹka ọyị sẹ, dị ụ naa hẹkẹ ori nịnị iruvo ọchị ohwoohu nịnị nị. Dọ irenu nịnị ka wẹ yị wụ́ chire Ohomorihi awụ nịnị.

Ijeremaya 3:2

Ẹnẹyịmavara kà, kana eyi tụ ẹba dị we ré ịrẹsụ ataba nịnị. Ịzị ẹ vọ ọnị wẹ yị ya sẹ̀ ịrẹka nịnị da? Ụtọ oze vị ọnị ụụ yaatụ zi onyeehi nịnị anka Anaaravụ enee zi ọza ịnị ụnọmị avọọ. Wa raa sẹ̀ ịrẹka ọyị sẹ awụ nịnị du ẹkụra va hi ẹtẹ.

Ijeremaya 3:6

Ijeremaya ka, Ẹnẹyịmavara ộ ka ẹ yị ọnị, ụmẹ ọnị Ijosaya sị vị ohinọyị ka, ọnị oo rẹ ịsị Anisirẹrị nịnị mẹ? Anisirẹrị nịnị vị ọnyẹnẹẹ ẹnẹẹ yị nyị ịzẹyịza. Ọ sị ịrẹma và ka ọnị, dị ọ naa sẹ̀ ịrẹka ngụ ịrẹsụ ataba ọnịrị iruvo avaba ọchị ohwoohu zị nị.

Ihoseya 4:13

Ẹ yaa mẹ̀ ịsọvọ ịrẹsụ ataba ọnịrị otutu zịịzị, ẹ yaa mẹ̀ iruvo ọchị oki ọnịrị aha tụra aha ọnị uhuhu anị zoza. Agụvị avọọ, ezi ẹnịnị anẹẹ ọnịrị ose ezi ẹnịnị aa sẹ̀ ịrẹka nị.

Ịrịka 22:41

Eyinẹhẹ anị, dị Ịbarakị sị Ịbaraamị nọ ịnị ataba Ibamoti Ịbaarị. Ịrẹsụ ataba ọnọọ vị ana va ịzị Anisirẹrị ya chire.

Iwe Ọhụhị Imosiisi ana aa hị́ Ọyịvatụrọda 7:5

Èe tu ịzọọ, e wu ụta ori ẹnịnị ha, ẹ chaka ịrẹta ori ẹnịnị rugurugu va ha, ẹ dà ọchị ana a sị mẹ uyi yị ori Asẹra, dị ẹ rị wa ịra.

Ọdọvịdị 2:2

Ộ kà a yị wa ka asị ẹnịrị aza ana raa hi ịzọọ hị́ eku ẹnyẹnyị yị ẹngụ. Ẹnịnị wu ụta ori ene hi ịzọọ ha. Ama ẹnịnị ẹ yị vaa saasa ọda anị. Ẹnịnị ee re ịsị ẹ mẹ aanị.