Iwe Ọhụhị Imosiisi ana aa hị́ Ọyịvatụrọda 11:2 - IWE ỌNỊNỊ

² Tamayị ajịnị, ịsa ụ raà kọsẹ anị ịnị oze Ẹnẹyịmavara ịnị ẹhẹ awụ beri ọ, ẹ yị vị ezi ewu nịnị ama ẹwụ nịnị o re ịsa ẹnịnị nị. Ẹwụ nịnị ô re ụbanyị Ẹnẹyịmavara, ọnịrị ụkata anị beri ụzụ anị,

Iwe Ọhụhị Imosiisi ana aa hị́ Ọyịvatụrọda 11:2 ပူးပေါင်းရင်းမြစ်များ

Ahẹ Ụgama 136:12

Ụkata-ụkata ọ vavọọ sị kụ́ wa jịnẹ nị. Vi óō sì ịrẹyị ọza pooro zịna-zịna nị.

Ọyịkụra 6:6

Dị ọ rẹ ka agụvị avọọ ọ̀ na kà a yị Anisirẹrị nịnị ka ọnị ka ọnị ọ̀ vị Ẹnẹyịmavara nị. Ka ọnị vaa kụ́ wa jịnẹ dị ẹ yị kụkụ vị ọrịhị Anijipiti nịnị. Ọ kà ọnị aa dọ wa tụ́, ama ọnị vaa sị ụyaa rị Anijipiti nịnị ẹtẹẹtẹrẹ.

Ụhịrẹyị 22:19

Maa sị ịrẹyị ẹnẹẹ zụ́ wu ajịnị agụvị wa sị ayị tụra Ẹnẹyịmavara.

Ayịsaya 53:5

Ama agụvị ịvị ọnị rị a sị tọ ọ ụnava nị, Ê tụ́ ọ agụvị ebira odivi ọnị ị mẹ. Ụya ọnị ọ rị asị sị mẹ yị ụkụ nị. Upono ene e tụ́ ọ, ọ mẹ ka ẹngụ ayị ọ̀ nịya nị.

Odeyi 26:22

Ama Ohomorihi ộ mẹ̀ ọgụvọ mị pooro ve tù ajịnị, dị mị jẹẹ dị maa kà enube anịị yị onosiye ọnịrị azọbanyị nị. Mẹ yị kà ịrẹyị ọsa, ẹ̀ yị vị ịsị Imosiisi ọnịrị ọnịsẹ nịnị vịdị kà a ka ọ vaa mẹ.

Iwe Ọhụhị Imosiisi ana aa hị́ Ọyịvatụrọda 29:10

Ajịnị avaba awụ nịnị ọ jẹẹ ọvịdị Ẹnẹyịmavara Ohomorihi ẹnịnị, avaba ẹnịnị azọkụ ọnịrị ọdọvịdị ne beri avaba anọrụ.

Iwe Ọhụhị Imosiisi ana aa hị́ Ọyịvatụrọda 3:24

Taarụ! Ẹnẹyịmavara Ohomorihi, ozi ahụ awụ ộ yẹ ka u nyima kẹnẹ aa sị ọnị ịsa ọbanyị-ọbanyị ọnịrị ohyozirenu ọnị u vaa mẹ zụ̀ ọnị aanị nị. Ẹ yị nyị ori ọnyọọnyị ẹbẹẹba a vị ịrẹsụ ẹtẹ ana zụ mẹ avaba ịsa avụna-avụna ọnị ọ raà mẹ.

Iwe Ọhụhị Imosiisi ana aa hị́ Ọyịvatụrọda 4:34

Áá nyị ori ana nyayịnẹ nọ ẹkụra ọsa na kụ aza, dị ọ mẹ wa aza anị anka Ẹnẹyịmavara Ohomorihi ẹnịnị mẹẹ mẹ wa ịnị ẹtẹ Ijipiti? Imosiisi kà a eyi ẹnịnị Ohomorihi sị kụ akanya ọnịrị ịrẹkụ tu Anijipiti nị. Ộ sị ụkata ọbanyị anị mẹ ịvọpa beri apọtẹrẹwa ọrụrụ-ọrụrụ ene chire aza angwa.

Iwe Ọhụhị Imosiisi ana aa hị́ Ọyịvatụrọda 5:24

Dị ẹ̀ ka, Ẹnẹyịmavara ana vị Ohomorihi ẹnịnị ọ̀ raa zẹ ka eni e re ọ mẹmẹ nyị ụbanyị. Ẹnị ẹ raa wụ́ ọngwẹ hụụnị ịra. Ajịnị eni e ree re ka Ohomorihi ọ̀ zụ pe ọza ka ịrẹyị dị ọ yị su.

Iwe Ọhụhị Imosiisi ana aa hị́ Ọyịvatụrọda 7:19

Tamayị ụya edivi-edivi ẹnẹ ẹ rị, dị ụ sị eyi awụ nịnị re e. Tamayị ịvọpa ọnịrị ohyozirenu, ọnịrị ụkata ọbanyị ọnị Ẹnẹyịmavara Ohomorihi awụ nịnị sị ngwara wụ nịnị tịtẹ. Ọ́ mẹmẹ vu Anijipiti nịnị ẹtẹ gẹdẹ-gẹdẹ avọọ, avọọ ọ́ mẹ̀ rẹ vee vu aza ọnị u wee hí angwa anị nịnị aanị ẹtẹ nị.

Iwe Ọhụhị Imosiisi ana aa hị́ Ọyịvatụrọda 8:19

Wèe ne hi ayị Ẹnẹyịmavara naa dụ ori zị, mee hu wu ụvọ ọyaanị ka we yị vaa rị ọ.

Iwe Ọhụhị Imosiisi ana aa hị́ Ọyịvatụrọda 9:26

dị ọnị da ịpẹ yị Ẹnẹyịmavara kà asị ọ vu aza ẹtẹ. Ọnị ộ sị ụkata anị dọ wa ha hụrẹ ụvọ Anigipiti nịnị, dị ọ wara wa áanị nị.

Ijosuwa 24:31

Anisirẹrị nịnị ệ hẹkẹ Ẹnẹyịmavara ịnị avaba ụmẹ ọnị Ijosuwa yara, ịrẹma anị ẹnịnị ệ vavọọ hẹkẹ Ẹnẹyịmavara ẹyị ọdọvịdị nịnị ene re ịsa ọnị Ẹnẹyịmavara mẹ̀ yị Anisirẹrị.