Iwe Ọhụhị Imosiisi ana aa hị́ Ọyịvatụrọda 11:1 - IWE ỌNỊNỊ

¹ Sì ịrẹyị Ẹnẹyịmavara Ohomorihi awụ nịnị, mẹ avaba ịsa ọnị ọ ka yị wụ, saasa avaba ọda anị ịnị ụmẹ tụra ụmẹ.

Iwe Ọhụhị Imosiisi ana aa hị́ Ọyịvatụrọda 11:1 ပူးပေါင်းရင်းမြစ်များ

Ahẹ Ụgama 105:45

Ohomorihi ộ vavọọ mẹ agụvị aza anị ẹ̀ zụ sị eyi pè ọda anị, dị ẹ̀ẹ saasa a. À vẹ vị yaa kụ́ Ẹnẹyịmavara.

Ahẹ Ụgama 116:1

Mê sì ịrẹyị Ẹnẹyịmavara, agụvị ka m mè nowu ka ọ̀ vayị amị, ộ wụ́.

Ezikẹẹrị 20:19

Ọ kà, ọnị Ẹnẹyịmavara ọ vị Ohomorihi awụ nịnị, waa saasa ịrẹyị anị nịnị, dị wa tangwa sị ụvọ za ọda anị nịnị o.

Ireevi 18:30

Ẹnẹyịmavara kà, ẹnịnị ẹẹ saasa ọda ọnị ọnị mẹ yị wa; à sị ẹ saasa ebira ọnị aza ana vịdị ra hi ịnị ẹtẹ ọnị ọnị kụ wa aa nọ aa mẹ. À sị ẹ mẹ ịsị ẹnẹnị ọnyọọnyị dị è sị du ẹngụ ẹnịnị ẹngụ. Ọnị ọ vị Ẹnẹyịmavara, Ohomorihi ẹnịnị nị.

Ireevi 22:9

Ẹnẹyịmavara kà, avaba ohirẹsụ irehi Ohomorihi ẹẹ saasa ọda ọnị ọnị sị yị wa. Ẹ̀ yị vị avọọ, ẹnịnị va mẹ̀ ịvị, di e su agụvị ka ẹnịnị ee sị ahụ jịnẹ ọda ọnị Ohomorihi, Ẹnẹyịmavara ana nyị wa tụ irenyi yị ẹngụ anị nị.

Ireevi 8:35

Enoze ajẹngụ Ẹnẹyịmavara ụ́ vaa yà nịnị ọọdụ ọnịrị ịrahụ pooro dị ẹkụhị ịhịmba ọ mẹ nị, dị waa mẹ ịsị ọnị Ẹnẹyịmavara mẹ ọda anị yị wụ nịnị. Wẹ̀ yị vavọọ mẹ̀ ẹ nịnị, u wee sú nịnị nị o. Aanị Ẹnẹyịmavara mẹ mẹ̀ ẹ ọda yị mị nị.

Ịzakaraya 3:7

Ịsị ọnị Ẹnẹyịmavara Ochẹtẹẹngụ kà yị, Ọ kà Ijosuwa ọ̀ọ zị ụsẹ ịnị avaba oze anị, dị ọ mẹ̀ ịsa ọnị ọnị sì nị, ọ vaa mẹ ịjọva tụra irehi anị ịrẹsụ, dị ọ vị ọga tụra avaba ohweje ene hi ini irehi anị nị. Ọnị vaa sị ọ tụ́ udi ịnị akakana aza ene hi ịzọọ.

Iwe Ọhụhị Imosiisi ana aa hị́ Ọyịvatụrọda 10:12

Booro aanị, ẹwụ nịnị Anisirẹrị batọ, dị waa wụ̀ ịsị ọnị Ẹnẹyịmavara Ohomorihi ee si hụụnị ụvọ awụ nịnị. Hi angwa Ẹnẹyịmavara Ohomorihi awụ nịnị kẹnẹ, zị ụsẹ ịnị avaba oze anị, sì ịrẹyị anị, sị avaba ayị awụ ọnịrị ivehu awụ hẹkẹ Ẹnẹyịmavara Ohomorihi awụ.

Iwe Ọhụhị Imosiisi ana aa hị́ Ọyịvatụrọda 11:13

Imosiisi kà ẹnịnị ẹ saasa ọda ọnị raà sị yị wa ajịnị. E sì ịrẹyị Ẹnẹyịmavara Ohomorihi ẹnịnị, dị ẹ sị avaba ayị ẹnịnị hẹkẹ ẹ.

Iwe Ọhụhị Imosiisi ana aa hị́ Ọyịvatụrọda 11:22

Imosiisi ka ẹnịnị ẹ̀ẹ sị ịzẹyịza saasa avaba ọda ọnị ọnị aa sị yị wa aanị, èe sì ịrẹyị Ẹnẹyịmavara Ohomorihi ẹnịnị, ẹ̀ẹ sị ụvọ za ịrẹyị anị dị ẹ sị mẹ̀ ebira mẹ nị,

Iwe Ọhụhị Imosiisi ana aa hị́ Ọyịvatụrọda 13:4

Saasa Ẹnẹyịmavara Ohomorihi awụ, di we hí angwa anị. Wụ́ chire e, dị ụ wa sị ụvọ za avaba ọda anị, dị ụ wa hẹkẹ ẹ, dị ụ wa jẹẹ gere-gere pe e.

Iwe Ọhụhị Imosiisi ana aa hị́ Ọyịvatụrọda 27:10

Agụvị avọọ, ẹ wụ́ chire e, dị ẹ sị ụvọ za avaba ọda anị ọnị ọnị aa sị yị wa ajịnị.

Iwe Ọhụhị Imosiisi ana aa hị́ Ọyịvatụrọda 30:6

Ẹnẹyịmavara ana vị Ohomorihi ẹnịnị vaa sị ayị yị ẹnịrị ụnanka ẹ nịnị dị ẹ wụ́ chire e, dị ẹ sị avaba ayị ẹnịnị sị ịrẹyị anị agụvị dị ẹ ra ịnị ẹtẹ ọnọọ.

Iwe Ọhụhị Imosiisi ana aa hị́ Ọyịvatụrọda 4:1

Ụmẹ ọnọọ Imosiisi ộ hị́ Anisirẹrị, dị ọ̀ ka, Ẹwụ nịnị Anisirẹrị navọ wa saasa avaba ọda Ẹnẹyịmavara ọnị maa sị zụ wụ nịnị aanị, wàa dọ ọ, eyi awụ Ẹnẹyịmavara ana vị Ohomorihi ohiku awụ nịnị aa sị ẹtẹ ọnọnị yị wụ, dị ọ̀ vị awụ nịnị nị.

Iwe Ọhụhị Imosiisi ana aa hị́ Ọyịvatụrọda 4:40

Imosiisi ka ẹ saasa avaba ọda anị ọnị ọnị raà sị yị wa ajịnị agụvị o ze yị wa ẹnịrị ezi ịrẹma-ịrẹma ẹnịnị. Ẹ vaa ra ịnị ẹtẹ ọnị Ẹnẹyịmavara Ohomorihi ẹnịnị aa sị yị wa ka ọ vị ẹẹnịnị pooro zịna-zịna.

Iwe Ọhụhị Imosiisi ana aa hị́ Ọyịvatụrọda 4:5

Imosiisi ka, ọnị ọ̀ ra sị avaba ọda zụ wa anka Ẹnẹyịmavara Ohomorihi anị mẹ ka yị ọnị. Ẹnịnị ẹ̀ saasa a ịzị ẹ̀ yaa va dọ dị ọ vị ẹ̀nịnị aanị.

Iwe Ọhụhị Imosiisi ana aa hị́ Ọyịvatụrọda 5:1

Imosiisi ộ hị́ avaba Anisirẹrị dị ọ̀ ka, “Ẹwụ nịnị Anisirẹrị batọ dị wa wụ́ ọda ọnị maa ka yị wụ nị ajịnị, kọsẹ anị dị wa sị ayị ọnya saasa a.

Iwe Ọhụhị Imosiisi ana aa hị́ Ọyịvatụrọda 5:29

Dị Ẹnẹyịmavara kà, àa vị ịzẹyịza ẹnịnị hí angwa anị, dị ẹ saasa avaba ọda anị nị, o vee zee yị wa ọnịrị evere anị pooro-pooro zịna-zịna nị.

Iwe Ọhụhị Imosiisi ana aa hị́ Ọyịvatụrọda 6:1

“Imosiisi ka Ẹnẹyịmavara ana vị Ohomorihi Ansirẹrị ka ọnị ọ̀ sị ọda anị zụ wa, agụvị dị e saasa a ẹ̀ẹ naa sị ngụ ịnị ẹtẹ ọnị ọnị vaa sị yị wa.

Iwe Ọhụhị Imosiisi ana aa hị́ Ọyịvatụrọda 6:5

Sị avaba ayị awụ sì ịrẹyị Ẹnẹyịmavara ana vị Ohomorihi awụ, beri avaba ivehu ọnịrị avaba ụkata awụ.