Iwe Ọhụhị Imosiisi ana aa hị́ Ọyịvatụrọda 10:8 - IWE ỌNỊNỊ

⁸ Ịrẹsụ ataba, Ẹnẹyịmavara ya nị Anireevi nịnị ka e si eyi pe apoti oto anị nị. Ẹnịnị ọ̀ nyị ka ẹ vị ohirẹsụ irehi anị nị. Ẹnị ẹ zụ mẹ̀ aduwa ka o zee yị aza dị ọ dọ rị nị ụkọrọ anaa sị yị wa pooro tu ajịnị ọ vị ọnọọ nị.

Iwe Ọhụhị Imosiisi ana aa hị́ Ọyịvatụrọda 10:8 ပူးပေါင်းရင်းမြစ်များ

1 Ohinọyị 8:6

Di ohirẹsụ irehi Ohomorihi nịnị sị apoti oto Ẹnẹyịmavara nọ ịnị aku ọdịrẹma keekere ini eehi ọnọọ nị. Ịzọọ ọ vị aha ọnịnị keekere nị. Dị ẹ sị apoti ọnọọ tụ́ uruvo avaka ikerubi ẹnẹẹ nị.

1 Ịtọpa 15:2

Dị Idevidi ka, ẹ̀ yị vị Anireevi nịnị ịnya, ẹ yị nyị aza ẹnẹsa ana vọrọ ka ẹ̀ sị apoti oto Ohomorihi nị, ka ẹnị Ẹnẹyịmavara nyị ka ẹẹ sị apoti anị, dị ẹ̀ rẹẹ mẹ ụkọrọọ yị ọnị pooro nị.

1 Ịtọpa 15:26

Ẹnịnị ệ wụ ụnọ ịhịmba beri ịdẹba ịhịmba ẹnẹ ẹ́ sị mẹ̀ ịsọvọ ka Ohomorihi ọ̀ mẹ ọgụvọ yị ẹnị Anireevi ana za apoti oto ọnọnị.

1 Ịtọpa 23:13

Amịramị ana vị ozi ọzọkụ anị ọ ma Eerọnị ọnịrị Imosiisi nị. Eerọnị ọnịrị avaba evere ezi anị vị ana a nyị tụ́ irenyi ka ẹ̀ sị eyi pe ịsa Ohomorihi pooro zịna-zịna. Ẹnị ẹ vaa rị eturare ịra àa hẹkẹ Ẹnẹyịmavara nị. Ẹnị ẹ vaa mẹ ụkọrọọ yị Ẹnẹyịmavara, dị ẹ yaa sị ịrẹha anịị mẹ̀ aduwaa yị aza anị nị.

1 Ịtọpa 23:26

Avọọ ẹ yị kụkụ nyị ka Anireevi nịnị ẹẹ kụ ajẹngụ ịzị Ẹnẹyịmavaraā yà ọnịrị avaba ẹnya ana a sịị̄ mẹ ahẹkẹ.

2 Ịtọpa 29:11

Ọ kà asị ẹnịnị ezi anị kụkụ sị ụvọ ụhwẹgẹ za ụkọrọ ẹnịnị. Ẹnẹyịmavara ọ raà nyị wa ka ẹnịnị ẹ jẹẹ ọvịdị anịị mẹ̀ ụkọrọ, dị ẹ kụ́ aza hẹkẹ ọnị, dị ẹẹ mẹ̀ ịsọvọ yị ọnị.

2 Ịtọpa 30:27

Dị ohirẹsụ irehi Ohomorihi ọnịrị Anireevi mẹ̀ aduwa ka Ẹnẹyịmavara ọ mẹ ka oze yị wa. Dị Ohomorihi ya ịneku dị wa aduwa ẹnịnị dị ịsọvọ ẹnịnị dọ̀ ọ rị nị.

Ahẹ Ụgama 134:1

Ẹwụ nịnị ezi ahụ Ẹnẹyịmavara, ana aa mẹ̀ ụkọrọ ini eehi anị ịrahụ-ịrahụ, waa kụ́ ọ avọ nịnị.

Ahẹ Ụgama 134:2

Sị ụvọ awụ nịnị tụ́ ẹba ini eehi anị dị waa kụ́ ọ avọ nịnị.

Ahẹ Ụgama 135:2

Ẹwụ nịnị ene hi ini ohweje ini eehi Ohomorihi, dị waa mẹ̀ ụkọrọ ini eehi Ẹnẹyịmavara, waa kụ́ ọ avọ nịnị.

Ijeremaya 15:19

Ọsọnị Ẹnẹyịmavara ve tu ọnị ohi anị dị ọ ka, ọnị ọ̀ọ vavẹ, ọnị Ẹnẹyịmavara vaa sị ọnị varẹma dị ọnị rẹ vị ozi ahụ anị. Ọnị ọ̀ọ hụụnị ịrẹyị kẹnẹ-kẹnẹ ọ̀yị kà dị ọnị aa kà ịrẹyị obooro nị, ọnị vaa varẹma vị ọnịsẹ anị. Aza ẹ vaa vẹ vee tu ọnị nị, ẹ yị vị ẹwụ o ve nee tu wa.

Ezikẹẹrị 44:11

Ẹnịnị yị vaa mẹ ụkọrọọ yị ọnị ịnị irehi anị, dị e yee sere oze ọbanyị ana ngụ ịnị irehi anị, dị ẹ rẹ yaa mẹ̀ ụkọrọ ana vọ ịnị irehi anị. Ẹnịnị ẹ nyẹngụ aa wụ ịsụpaa yị aza, ẹ̀ẹ yaa va mẹ̀ ịsọvọ enee hù ọnịrị ịsọvọ ana vọ. Ẹnịnị vaa zị azaa ụtụ bẹẹ.

Ezikẹẹrị 44:15

Ẹnẹyịmavara Ochẹtẹẹngụ ka, â nyị Anireevi nịnị ana vị ohirẹsụ irehi Ohomorihi; evere Ịzadọkị ẹ́ vị nị. Ụmẹ ọnị Anisirẹrị nịnị sị va hụụ ịrẹma anị, ohirẹsụ irehi anị ẹnẹnị vị ana yị sị eyi pe irehi anị tụ ịrẹsụ ịzẹyịza. Avọọ, ẹnị kẹnẹ ẹ kụkụ vaa mẹ̀ ụkọrọ anị, dị ẹ yaa sị ụhị ọnịrị ịsụpa ana a sị mẹ̀ ịsọvọ vẹ ọvịdị anị nị.

Ireevi 8:9

Ộ jị ọ ubobo, dị ọ sị igooru mẹ̀ ẹ ọvị ọvịdị nị, igooru ọnọọ ọ sị zụ ka â sị ọtirenyi yị Ohomorihi nị. Avọọ Ẹnẹyịmavara mẹ mẹ̀ ẹ ọda yị Imosiisi nị.

Ireevi 9:22

Ịjị Eerọnị sị avaba ịsọvọ ẹnẹnị mẹ ta, ộ tana ụvọ hị́ aza ana gụ, dị ọ mẹ̀ aduwa yị wa, dị o chi varẹma hụụ ịzị ụta ịsọvọ ya nị.

Ịrịka 3:31

Ẹnịnị e si eyi pe irehi Ohomorihi ịzị apoti oto, iteburu, ọchị ịra, ụta irenyi-irenyi ọnịrị ẹnya irenyi-irenyi ana a sị mẹ̀ ụkọrọ ịzọọ hi nị.

Ịrịka 3:6

Ọ nyị Anireevi nini dị ẹ vị ọnọgụvọ Eerọnị

Ịrịka 4:15

Eerọnị ọnịrị ezi anị ẹ sị mẹ ta dị ezi Ikoha va kú ẹnya ẹnẹẹ nọ ịzị a nọ. Ama ẹ yị nyị ọza ana nyayịnẹ sị ụvọ kanyị ẹnya ẹnẹẹ ẹ vị e si isu yị ẹngụ anị. Ezi Ikoha kẹnẹ ẹ zụ kú ẹnya ẹnẹẹ nị.

Ịjọọnụ 15:16

Ẹ yị vị ka ẹwụ nịnị ọ nyị mị nị, ama ẹma vị ana nyị wụ nịnị nị. Mâ nyị wụ nịnị ka wa zụ naa nyị ẹtụtụ nịnị ẹtẹẹtẹrẹ ana vaa yà pooro zịna-zịna, agụvị ịsa tụra ịsa ọnị ụ wàa họ̀ Ada amị use nịnị ịnị ịrẹha amị, dị ọ̀ sị yị wụ nịnị.

Odeyi 13:2

Ẹ màa mẹ ụkọrọọ yị Ananyị yị, dị ẹyaa za awẹ, dị Ụhwẹ Ọnịnị kà a yị wa ka, “Sị Ịbanabasị ọnịrị Ịsọọrụ tịtẹ mị nịnị, dị ẹ̀ na mẹ̀ ụkọrọ ọnị mị hị́ wa tụ́ ịnị anị!”

Aniroomi 1:1

Ẹma vị Ịpọọrụ ozi ahụ Ijeesu Ikirisiti nị. Ohomorihi ộ hị́ mị ka ma vị ozirẹma Ijeesu, dị ọ̀ rẹ nyị mị ka ma kà enube ọyịza anịị yị aza nị.

Aniroomi 12:7

Ohomorihi ọ̀ọ sị ụkata yị ka yaa mẹ ọgụvọọ yị ọza, à vẹ ya jẹẹ pe ọnọọ! Ọza ana àa zụ̀ aza ịsa, ọnị ọ̀ rẹ sị eyi pe ịsa ana aa zụ̀ aza!

2 Anịkọrịntị 6:17

Agụvị avọọ dị Ananyị yị rẹ kà a ka: Jịnẹ hụụ ịdị ẹnịnị, sị ẹngụ awụ nịnị tụ́ irenyi kwooze yị wa. Asị ụ sị ụvọ kanyị ịsa eneē du ọza ẹngụ nịnị. Ịjọnọọ ọnị vaa dọ wụ nịnịị pe ẹngụ.

Anigaratiya 1:15

Ama Ohomorihi ọ́ọ vayị amị, ọ́ọ nyị mị di a va yẹ ka aa ma mị, dị ọ hị́ mị ka maa hẹkẹ ọnị nị. Ịjị o zé Ohomorihi eyi,

Iwe Ọhụhị Imosiisi ana aa hị́ Ọyịvatụrọda 17:12

Ọza tụra ọza ene ro ka ọnị ọ zụ mẹ akamawụ hi ọmọkarẹyị, a vị ohirẹsụ irehi Ohomorihi nịnị, vị ana vaa wụ̀; agụvị ebira odivi ọ hụrẹ ẹtẹ Isirẹrị.

Iwe Ọhụhị Imosiisi ana aa hị́ Ọyịvatụrọda 18:5

Ẹnẹyịmavara Ohomorihi awụ nịnị ọ raà nyị Ireevi ọnịrị ezi anị hụụnị akakana awụ nịnị. Ọ kà ẹnịnị ẹẹ mẹ ụkọrọọ yị ọnị pooro.

Iwe Ọhụhị Imosiisi ana aa hị́ Ọyịvatụrọda 21:3

Ọdọvịdị ene hi ịnị ẹkụra ọnọọ ẹ sị ozi imaaru ọnị ọza ẹ yị vịdị sị mẹ̀ ụkọrọ daa.

Iwe Ọhụhị Imosiisi ana aa hị́ Ọyịvatụrọda 21:5

Ohirẹsụ irehi Ohomorihi vaa nọ ịzị agụvị ka ẹnị Ẹnẹyịmavara sị ọkarẹyị ịrẹyị chire ụvọ. Ẹnẹyịmavara ọ̀ nyị wa ka ẹẹ hẹkẹ ọnị, dị ẹ mẹ̀ aduwa yị aza ka o zee yị wa.

Iwe Ọhụhị Imosiisi ana aa hị́ Ọyịvatụrọda 31:9

Dị Imosiisi chẹrẹ ọda ẹnẹnị tịtẹ, dị ọ̀ sị yị ohirẹsụ irehi Ohomorihi nịnị ana vị ezi Ireevi, ana sị eyi pe apoti oto Ẹnẹyịmavara ọnịrị ọdọvịdị Anisirẹrị nịnị.