Iwe Ọhụhị Imosiisi ana aa hị́ Ọyịvatụrọda 10:2 - IWE ỌNỊNỊ

² Ẹnẹyịmavara kà ọnị e tenyi ọda anị chẹrẹ tụ ịnị ịrẹta ẹnẹẹ anka ẹngụ ọnị Imosiisi vịdị chaka. Dị a kụ wa hị́ ịnị apoti ọnọọ.

Iwe Ọhụhị Imosiisi ana aa hị́ Ọyịvatụrọda 10:2 ပူးပေါင်းရင်းမြစ်များ

1 Ohinọyị 8:9

Nyị ịsị ẹ yà ịnị apoti para ọparị ịrẹta oni Imosiisi sị tụ́ ịzọọ hu. Imosiisi vị ana kụ́ ịrẹta ẹnẹẹ hụrẹ ini ataba Ịhọrẹbị vẹ. Ịnị ịrẹta ẹnẹẹ Ẹnẹyịmavara chẹrẹ ịrẹyị ọnị ọnịrị Anisirẹrị hị́ eku anị yị ẹngụ tụ́ nị. Ịnị ụmẹ ọnọọ ọ sị kụ́ wa jịnẹ hụụnị ẹtẹ Anijipiti nị.

2 Ịtọpa 5:10

Nyị ịsị ẹ ya ịnị apoti oto ọnọọ ẹyị vị ịrẹta oku ẹẹva ọnị Imosiisi sị tụ ọ ịrẹsụ ataba Ịhọrẹbị ịnị ụmẹ ọnị Ẹnẹyịmavara ọnịrị Anisirẹrị sị hị́ eku yị ẹngụ ẹ mẹ hụrị Ijipiti.

Ọyịkụra 32:19

Imosiisi màa kà a gụrị ajẹngụ, di o re imaaru ana a mẹ jẹẹ, dị aza aa nyị ẹzẹ, ayị anị aa dà ọva. Di o ne ịrẹta ọnị ọ sị rị ụvọ aa vẹ nya ẹtẹ iruvo ataba ọnọọ, dị ẹ chaka rugu-rugu nị.

Ọyịkụra 34:1

Ẹnẹyịmavara ộ hị́ Imosiisi dị ọ ka, “Sị ịrẹta ẹẹva dụ wa bẹ wa anka ịpaapa ẹnẹẹ. Ịsa ọnị mị chẹrẹ tụ́ ịnị ịrẹta ịpaapa ọnị ụ chaka avọọ, mi ree tenyi ọ chẹrẹẹ tụ́ ịnị ịrẹta ọnị mị ka wa bẹ aanị.

Ọyịkụra 40:20

Imosiisi ộ sị ịrẹta ana a chẹrẹ ọda ẹẹwụ ọnọọ tụ́ dị ọ sị ọ tụ́ ịnị ịnẹ apoti oto nị. Dị ọ kụ́ okutẹ ana a bẹ dị ọ kà wa ngụ ịnị ịzị a mẹ aha ẹnịnị tụ́ ini apoti ọnọọ, dị ọ va sị òkú apoti ọnọọ di o si kú ọ nị.

Iwe Ọhụhị Imosiisi ana aa hị́ Ọyịvatụrọda 10:5

Ịjị Imosiisi chi hụrẹ ịrẹsụ ataba vẹ, dị ọ kụ ịrẹta ẹnẹẹ hi ịnị apoti anka a mẹẹ mẹ ọda yọ nị. Hụrẹ ịhị ọnọọ ịrẹta ẹnẹẹ vene hi ini apoti ọnọọ pooro tu ajịnị nị.”

Iwe Ọhụhị Imosiisi ana aa hị́ Ọyịvatụrọda 4:13

Ẹnẹyịmavara ộ ka yị wụ nịnị ịsị waa mẹ dị wa sị ụvọ za oto ọnịrị ọ mẹ̀; Dị waa mẹ̀ ịsị ọda ẹẹwụ ana a chẹrẹ tụ́ ịnị ịrẹta ụvọta ẹẹva ka.

Anihiburu 9:4

Ịsị a rẹ kụ́ hi ịnị ọnọọ yị: ụta ana a sị igooru mẹ ịzị a yàā rị eturare ịraa yị Ohomorihi, ọnịrị apoti ana aā hị́ apoti oto Ohomorihi ana a sị igooru kú avaba ịrẹma anị. Ini apoti ọnọọ â nyị ụnọkọ ana a sị igooru mẹ, dị a sị ịsọyịrị ana aā hị́ ịmana tụ́ ịnị ụnọkọ ọnọọ nị. Okutẹ Eerọnị ene nyị avị beri ịrẹta ẹẹva oni Ohomorihi chẹrẹ ọda tụ́ ịnị anị, rẹ yà ini apoti ọnọọ.