Iwe Ọhụhị Imosiisi ana aa hị́ Ọyịvatụrọda 10:18 - IWE ỌNỊNỊ

¹⁸ Ọọ̄ mẹ ịzẹyịza ka ozi oku ọnịrị osoku na, di o sì ịrẹyị azọga ana ra beri aza. Aa sị ịsọyịrị ọnịrị achị yị wa.

Iwe Ọhụhị Imosiisi ana aa hị́ Ọyịvatụrọda 10:18 ပူးပေါင်းရင်းမြစ်များ

2 Ịtọpa 19:7

Avọọ ẹnịnị ee hí angwa Ẹnẹyịmavara, di e si eyi pe ẹtẹ. Ẹnẹyịmavara e yi si irikiti, a vị dị ọza ọ dọ ochirerenu.

Ahẹ Ụgama 10:18

Ọnụyọrị ọnịrị ozi oku nịnị ene ee nowuu hị́ wụ ụ rẹ vaa ba wa owu. Vavọọ mẹ̀ ẹ agụvị asị ọzarẹyịrẹsụ rẹ kụkụ chire ẹtẹ angwa.

Ahẹ Ụgama 103:6

Ẹnẹyịmavara ọ ma mẹ eyida, ọọ̄ mẹ̀ ịsa ana vọrọọ yị aza ana aza aa mẹ ehunaa yị.

Ahẹ Ụgama 145:9

Ẹnẹyịmavara vị ana aa mẹ̀ ịsa ozozaa yị avaba aza. Avaba ọza ọnị ọ mẹ vị ọnị ọọ̄ vayị anị.

Ahẹ Ụgama 146:9

Ẹnẹyịmavara vi ene ree sere ọzọga, ọnị aa mẹ ọgụvọọ yị ozi oku ọnịrị osoku nị. Ama ịsa ana aza edivi ee ro vị ọnị ọ vaa dọ waa gara.

Ahẹ Ụgama 68:5

Ohomorihi ọ vị ada aza ẹnẹ ẹ̀ yị nyị ada nị, ọnị ọ rẹ ẹ̀ yị mā zẹẹ ka à chamayị yị ozi oku nịnị nị. Ọnị ọ vị Ohomorihi ana ra ini irehi anị ẹbẹẹba nị.

Ahẹ Ụgama 68:6

Ohomorihi ọọ̄ sị ọnị ịrịnya dị ọ mẹ ka ọ̀ nyị aza nị Ọ́ rẹ kụ́ aza ana a za hi ịnị ẹngwa dị ọ kụ́ wa jịnẹ ka ẹ̀ẹ zị hwana-hwana, dị ẹ̀ẹ jẹ ịrajẹ nị. Ama aza ana kwẹẹtẹ tù Ohomorihi vị ọnị kú ne hi ịnị ẹtẹ ụngwẹ.

Ọyịkụra 22:20

Ọza ọ̀ọ na mẹ̀ ịsọvọ yị ori dị ahịka ẹ yị vị ẹmị Ẹnẹyịmavara kẹnẹ aa mẹ ịsọvọọ yị nị, à wụ̀ ọza ọnọọ.

Ọyịkụra 22:21

Asị ụ chamayị yị ọzọga nịnị. Asị ụ rẹ mẹ ehuna yị wa nịnị. Wáā yẹ ka ẹwụ nịnị rẹ vịdị vị ọzọga tụ́ Ijipiti.

Ọyịkụra 22:22

Asị ụ mẹ osoku ọnịrị ozi oku rị nịnị.

Ọyịkụra 22:23

Wàa mẹ wa rị di e nowu va za mị nị, mị vaa ba wa owu.

Ayịsaya 1:17

dị waa mẹ̀ ebira ene zoza. Na sị ụvọ hụụnị amẹrị. Wèe re ka aa chamayịị yị ọza, ụ na gụ ọ ụvọ. Asị ụ rẹ mẹ ehuna yị ozi oku. Ọza aa mẹ ehunaa yi osoku dị ụ na dọ ọ tụ́.

Ijeremaya 49:11

Ọ kà wa navọ ezi-oku awụ nịnị hi ẹtẹ yị ọnị ka ọnị vaa sị eyi pe wa. Ese oku awụ nịnị ẹ̀ sị ayị tụra ọnị.

Ihoseya 14:3

Anasiriya nịnị ẹ yị zụ dọ ẹnị ha, a vị umaata ịrẹkụ zụ dọ ẹnị ha nị. Ẹnị ẹ yị kụkụ va hẹkẹ ori dọ ịrẹsụ Ohomorihi ẹnịnị nị. Ẹnẹyịmavara vaa vayị ozi oku ẹnẹ ẹ yị nyị ọza na va ẹngụ ya.

Ireevi 25:35

Ẹnẹyịmavara ộ kà a yị Anisirẹrị nịnị ka, Anda ẹnịnị Anisirẹrị ana ra gụrị wa èe re osiye, dị ẹ̀ yị zụ pá ẹngụ anị nị, ẹnịnị è sì ịsa yị ọza ọnọọ anka anẹkụra ọsa avọọ ụvị dị ọ̀ yị ra pe wa.

Ịrịka 10:32

Dị Imosiisi ka ọ vaa zụ ẹnị oze, dị ẹnị ga avaba ịsa ozoza ọnị Ẹnẹyịmavara vaa sị yị ẹnị.

Imatiwu 5:45

Wa vavọọ mẹ agụvị dị è re ka ezi Ada awụ ẹbẹẹba ụ vị nịnị nị, agụvị ka aa mẹ ka ọyị anị ọ̀ọ háa yị aza edivi ọnịrị aza ọyịza. Ọ raa zụ̀ orihii yị ọnịzẹyịza ọnịrị aza ẹnẹ ẹ̀yị nyị ịzẹyịza.

Odeyi 14:17

Ama aa yịị sịị zụ̀ wụ nịnị ka ọnị yà ịzọọ ini oze ịsa ozoza ọnị ọọ̄ mẹ̀. Ọọ̄ mẹ ka orihi ọ̀ọ zụ̀ụ hụrẹ ẹbẹẹba vẹ. Ịsa ịnị aarẹ aa mẹ ẹtẹẹtẹrẹ ịnị ụmẹ ẹnịnị. Ọọ̄ sị ịsọyịrịị wụ nịnị, ọ rẹẹ̄ mẹ ka ayị awụ nịnị òo hine.”

Iwe Ọhụhị Imosiisi ana aa hị́ Ọyịvatụrọda 27:19

O yi vee ze yị ọza tụra ọza ẹnẹ ẹ yị zẹ ka ọnị ọ sị ịsị vọrọ tụra azọga, ezi-oku ọnịrị esoku yị wa. Dị avaba aza ọ̀ ha aamị!