Iwe Ọhụhị Imosiisi ana aa hị́ Ọyịvatụrọda 10:11 - IWE ỌNỊNỊ

¹¹ Dị Ẹnẹyịmavara kà yị Imosiisi ka ọ̀ kwẹẹtẹ, dị ọ nyima ụsẹ, dị ọ kụ aza nọ ịnị ẹtẹ ọnị ọnị hị́ eku anị ka ọnị aa sị yị ohiku ẹnịnị, dị ẹ na dọ ẹtẹ ọnọọ.

Iwe Ọhụhị Imosiisi ana aa hị́ Ọyịvatụrọda 10:11 ပူးပေါင်းရင်းမြစ်များ

Ọyịkụra 32:34

Ama we chii na booro aanị dị wa na kụ́ aza ẹnẹẹ dụ wa nọ ịzị mị ka wa kụ́ wa nọ. Mị vaa tụ́ anggẹẹrị amị ka ọ̀ tụ́ ọvịdị awụ nịnị dị waa na nịnị. Ama òo si tù ụmẹ ana vọrọ ka ma sị sị ụya rị wa, mị vaa sị ụyaa rị wa agụvị ebira odivi ẹnị ẹ mẹ̀.”

Ọyịkụra 33:1

Ẹnẹyịmavara ộ kà a yi Imosiisi dị ọ ka ọ̀ kwẹẹtẹ dị ọ̀ kụ́ aza ọnị ọ kụ́ hụrẹ Ijipiti aa vẹ dị ẹ̀ẹ nọ ịnị ẹtẹ ọnị ọnị kà a ka ọnị hị́ eku ka ọnị vaa sịị yị Abụrahamị, Ayiziiki ọnịrị Ijekọvụ. Ọ kà ọnị ọ sị ọ kà ka ezi anị ịrẹma-ịrẹma ọnị vaa sị ẹtẹ ọnọọ yị nị.

Iwe Ọhụhị Imosiisi ana aa hị́ Ọyịvatụrọda 1:8

Ọ kà ọnị aa sị ẹtẹ ọnọọ yị ẹnị. Ọnị ọ̀ vịdị raà hị́ eku anị yị ohiku ẹnịnị Abụrahamị ọnịrị Ayiziiki ne beri Ijekọvụ. Ẹnịrị ezi ịrẹma ẹnịnị ana aa vẹ ẹ̀ nyị ẹtẹ ọnọọ nị.

Iwe Ọhụhị Imosiisi ana aa hị́ Ọyịvatụrọda 10:10

Imosiisi ka ọnị ộ ya ịrẹsụ ataba ọnọọ ọọdụ ọnịrị ịrahụ ẹkụhị ẹbẹẹba, anka ọnị mẹ vịdị mẹ̀ ịpaapa. Ịzẹyịza, dị Ẹnẹyịmavara wụ ịpọda anị dị ẹ yị vu Anisirẹrị ẹtẹ nị.

Iwe Ọhụhị Imosiisi ana aa hị́ Ọyịvatụrọda 10:12

Booro aanị, ẹwụ nịnị Anisirẹrị batọ, dị waa wụ̀ ịsị ọnị Ẹnẹyịmavara Ohomorihi ee si hụụnị ụvọ awụ nịnị. Hi angwa Ẹnẹyịmavara Ohomorihi awụ nịnị kẹnẹ, zị ụsẹ ịnị avaba oze anị, sì ịrẹyị anị, sị avaba ayị awụ ọnịrị ivehu awụ hẹkẹ Ẹnẹyịmavara Ohomorihi awụ.