Iwe Ọhụhị Imosiisi ana aa hị́ Ọyịvatụrọda 1:8 - IWE ỌNỊNỊ

⁸ Ọ kà ọnị aa sị ẹtẹ ọnọọ yị ẹnị. Ọnị ọ̀ vịdị raà hị́ eku anị yị ohiku ẹnịnị Abụrahamị ọnịrị Ayiziiki ne beri Ijekọvụ. Ẹnịrị ezi ịrẹma ẹnịnị ana aa vẹ ẹ̀ nyị ẹtẹ ọnọọ nị.

Iwe Ọhụhị Imosiisi ana aa hị́ Ọyịvatụrọda 1:8 ပူးပေါင်းရင်းမြစ်များ

Oyinyima 12:7

Di Ohomorihi ve tù Abụramị ịzọọ dị ọ kà a yọ ka Ezi anị ịrẹma-ịrẹma ọnị vaa sị ẹtẹ ọnọnịị yị nị. Di Abụramị hi mẹ aha ịsọvọ tụ́ ịzọọ yị Ẹnẹyịmavara ene ne tù ọ ịzọọ nị.

Oyinyima 15:16

Ọ rẹ ka ẹ vaa mẹ ẹhụụ ịrayị akava avọọ dị ẹ vavẹ ịzẹnị, agụvị ka Anamọrị nịnị ệ yị za ebira odivi ẹnịnị ịrẹsụ ne tụ̀ ụmẹ avọọ.

Oyinyima 15:18

Ịhị ọnọọ Ẹnẹyịmavara ô pè Abụramị kà ịrẹyị tịtẹ dị ọ kà a yọ ka: Ezi anị ịrẹma-ịrẹma ọnị sị ẹtẹ ọnọnịị yị nị. Ẹnị ẹ nyị hụrẹ ụtọ okuha ana ya ẹhwị Ijipiti na ngụ irehu Iyuhwuretisi nị, ẹnị ẹ nyị nị.

Inehemaya 9:15

Ọnị ọ sị ịsọyịrị hụrẹ ẹbẹẹba yi wa ịjị ụngwẹ aa kụ̀ wa nị. Dị ọ rẹ sị enyi yị wa hụụnị ịrẹta onyi maa kụ wa nị. Ọnị ọ kà a yị Anisirẹrị ka ẹ̀ na dọ ẹtẹ ọnị ọnị hị́ eku ka ọnị vaa sịị yị wa nị.

Ọyịkụra 23:31

Ẹhwị ẹtẹ awụ nịnị vaa nyima hụrẹ Oku ịkẹ-ịkẹ na ngụ Oku Anihwirisiti nị Ẹwụ nịnị ọ vavọọ vaa nyị ọ hụụnị ụnọmị na ngụ ini Oku nị. Mị vaa navọ ka aza ana vịdị ra hi ịnị ẹtẹ ọnọọ wa dụ wa kwooze nịnị.

Ọyịkụra 33:1

Ẹnẹyịmavara ộ kà a yi Imosiisi dị ọ ka ọ̀ kwẹẹtẹ dị ọ̀ kụ́ aza ọnị ọ kụ́ hụrẹ Ijipiti aa vẹ dị ẹ̀ẹ nọ ịnị ẹtẹ ọnị ọnị kà a ka ọnị hị́ eku ka ọnị vaa sịị yị Abụrahamị, Ayiziiki ọnịrị Ijekọvụ. Ọ kà ọnị ọ sị ọ kà ka ezi anị ịrẹma-ịrẹma ọnị vaa sị ẹtẹ ọnọọ yị nị.

Ijeremaya 32:22

Wâ sị ẹtẹ ozoza, ẹtẹ ize ọnọnị yị Anisirẹrị anka ụ mẹ hị́ eku anị yị ohiku ẹnịnị ka ụ vaa mẹ.

Ezikẹẹrị 47:14

Ọ kà ọnị ộ vịdị sị eku hị́ ka ọnị vaa sị ẹtẹ ọnọnịị yị ohiku awụ nịnị. Ẹwụ nịnị ọ vanaa nyị nị. Gà a ẹbẹẹbẹ yị ẹngụ nịnị.

Ịrịka 14:23

Ẹnịnị ẹ yị vee re ẹtẹ ọnị ọnị hị́ eku anị yị ohiku ẹnịnị. Ẹ yị vaa nyị ọza ana sị eyi wụ ọnị ana vaa ngụ ịzọọ.

Ịrịka 32:11

ẹ yị vaa nyị ọza ẹhụ ịrayị oohu da a va hịrẹ ịnị ẹngụ ẹnịnị ana hụrị Ijipiti ene vee re ẹtẹ ọnị ọnị wo oto anị yị Abụrahamị, ọnịrị Ayiziiki ne beri Ijekọvụ. Ịrẹyị ọ́ maanị tu wa agụvị ka ẹnịnị ẹ yị sị ayị ọnya saasa ọnị.

Iwe Ọhụhị Imosiisi ana aa hị́ Ọyịvatụrọda 1:11

Dị ọ ka ọ maa navọ Ẹnẹyịmavara ana vị Ohomorihi ohiku ẹnịnị ọ̀ vaa mẹ̀ ẹnị rụrụ oze akahị-akahị, dị o zee yị ẹnị anka ọ̀ mẹ vịdị ka a.

Iwe Ọhụhị Imosiisi ana aa hị́ Ọyịvatụrọda 1:35

dị ọ ka ẹ yị nyị ọza ịnị ẹngụ aza edivi ẹnẹnị ana vaa sị eyi re ọyịza ịnị ẹtẹ ọnị ọnị raà hị́ eku anị yị ohiku ẹnịnị.

Iwe Ọhụhị Imosiisi ana aa hị́ Ọyịvatụrọda 10:11

Dị Ẹnẹyịmavara kà yị Imosiisi ka ọ̀ kwẹẹtẹ, dị ọ nyima ụsẹ, dị ọ kụ aza nọ ịnị ẹtẹ ọnị ọnị hị́ eku anị ka ọnị aa sị yị ohiku ẹnịnị, dị ẹ na dọ ẹtẹ ọnọọ.

Iwe Ọhụhị Imosiisi ana aa hị́ Ọyịvatụrọda 11:24

Aha tụra aha ọnị ẹ sị ahụ ẹnịnị hi, ọ vaa vị ẹnịnị nị. Ịsị ẹ sị ọ hụrị ụnọmị eyi ụvẹtẹ na ngụ ịrẹsụ ataba Ịrẹbanọnị, hụrị irehu Iyuhwuretisi na ngụ Òkū Imeditareniya.

Iwe Ọhụhị Imosiisi ana aa hị́ Ọyịvatụrọda 11:9

ọnị Ẹnẹyịmavara hị́ eku anị yị ohiku ẹnịnị ọnịrị ezi anị ka ẹ vaa ra a gọdọ. Ẹtẹ ọnọọ oo zoza ẹtẹẹtẹrẹ.

Iwe Ọhụhị Imosiisi ana aa hị́ Ọyịvatụrọda 2:29

anka Anedomi ene hi Ịsẹyị ọnịrị Animowabi mẹ sị oze yị ẹnị parahu ịnị ẹtẹ ẹnịnị.

Iwe Ọhụhị Imosiisi ana aa hị́ Ọyịvatụrọda 26:15

Kana eyi hụrị aha ọnịnị awụ ẹbẹẹba dị wa mẹ̀ aduwa yị aza awụ Isirẹrị. Sị ụvọ pe ẹtẹ ozoza ọnị ụ sị yị anka u me wo oto yị ohiku ayị nịnị.

Iwe Ọhụhị Imosiisi ana aa hị́ Ọyịvatụrọda 26:3

Ne tu ohirẹsụ irehi Ohomorihi ana ya oze ụkọrọ ịzọọ ịnị ụmẹ ọnọọ. Kà a yọ ka wâ sị yẹ ka wa raà ngụ ịnị ẹtẹ ọnị Ẹnẹyịmavara Ohomorihi awụ nịnị wo oto anị yị ohiku awụ nịnị ka ọnị a sị wụ nịnị.

Iwe Ọhụhị Imosiisi ana aa hị́ Ọyịvatụrọda 28:11

Ẹnẹyịmavara vaa mẹ ka wa ma ezi rụrụ nịnị, dị imaaru awụ nịnị rẹ rụrụ. Ịsị ịnị aarẹ awụ nịnị vaa mẹ ẹtẹẹtẹrẹ ịnị ẹtẹ ọnị ọ wo oto anị yị ohiku awụ nịnị ka ọnị vaa sịị yị wụ nịnị.

Iwe Ọhụhị Imosiisi ana aa hị́ Ọyịvatụrọda 29:12

Ụ ya ịzẹnị ajịnị ka ẹwụrị Ẹnẹyịmavara Ohomorihi ọ mẹ ọkatịtẹ, dị wa hị́ eku tụ ọ ya ẹngụ.

Iwe Ọhụhị Imosiisi ana aa hị́ Ọyịvatụrọda 30:20

Sì ịrẹyị Ẹnẹyịmavara Ohomorihi awụ nịnị, wụ́ chire e, dị ụ waa mẹ ịzẹyịza ka a na, dị ẹwụrị evere ọ zụ ku orubo ịnị ẹtẹ ọnị ọ hị́ eku anị yị ohiku ẹnịnị Abụrahamị, Ayiziiki ọnịrị Ijekọvụ.

Iwe Ọhụhị Imosiisi ana aa hị́ Ọyịvatụrọda 31:7

Ịjọnọọ, dị Imosiisi hị́ Ijosuwa eyi avaba Anisirẹrị nịnị, dị ọ̀ kà yọ ka ọ̀ nyị ọtụtụrụma, dị ọ̀ sị ayị vị ọnya ẹtẹẹtẹrẹ; ka ọnị ọ vaa kụ Anisirẹrị nịnị na dọ ẹtẹ ọnị Ẹnẹyịmavara hị́ eku anị yị ohiku ẹnịnị nị.

Iwe Ọhụhị Imosiisi ana aa hị́ Ọyịvatụrọda 34:4

Dị Ẹnẹyịmavara kà yị Imosiisi ka, ẹtẹ ọnọnị ọnị hị́ eku anị ka ọnị vaa sị yị evere Abụrahamị, Ayiziiki ọnịrị Ijekọvụ. Ọnị ọ̀ navọ ka Imosiisi o re e ama ẹ yị vaa ngụ ịzọọ.

Iwe Ọhụhị Imosiisi ana aa hị́ Ọyịvatụrọda 4:1

Ụmẹ ọnọọ Imosiisi ộ hị́ Anisirẹrị, dị ọ̀ ka, Ẹwụ nịnị Anisirẹrị navọ wa saasa avaba ọda Ẹnẹyịmavara ọnị maa sị zụ wụ nịnị aanị, wàa dọ ọ, eyi awụ Ẹnẹyịmavara ana vị Ohomorihi ohiku awụ nịnị aa sị ẹtẹ ọnọnị yị wụ, dị ọ̀ vị awụ nịnị nị.

Iwe Ọhụhị Imosiisi ana aa hị́ Ọyịvatụrọda 6:10

“Ẹnẹyịmavara vaa sị ụ vẹ ịnị ẹtẹ ọnị ọ hị́ eku anị yị ohiku awụ nịnị Abụrahamị ọnịrị Ayiziiki ne beri Ijekọvụ. Ẹtẹ ọnọọ vaa nyị ẹkụra ẹbanyị-ẹbanyị ọnị we yị sị ụvọta awụ nịnị da.

Iwe Ọhụhị Imosiisi ana aa hị́ Ọyịvatụrọda 7:12

“Wàa wụ ọda ẹnẹnị nịnị, dị ụ sị ịzẹyịza aa saasa wa nịnị nị, ịjọnọọ, Ẹnẹyịmavara, Ohomorihi awụ nịnị vaa jẹẹ ịrẹsụ oto oni o wo yị wụ nịnị. O vee sì ịrẹyị awụ nịnị pooro anka ọ́ mẹ̀ wo oto yi ohiku awụ nịnị.

Iwe Ọhụhị Imosiisi ana aa hị́ Ọyịvatụrọda 7:13

O vee sì ịrẹyị awụ nịnị, dị ọ mẹ ka ò ze wụ nịnị. Ụ vaa ma ozi nịnị, dị ụ waa rụrụụ hu avọọ nịnị. Ọ va mẹ ka ò ze yị aarẹ awụ nịnị, dị akụ awụ nịnị, eche ọnịrị angwẹ orivi awụ nịnị aa mẹ; ọ vaa mẹ ka ò ze wu nịnị, dị ọ sị ịsụpa ọnịrị atẹmẹ tatarataa wụ nịnị. Ọ vaa mẹ avaba ize ẹnẹnịị yị wụ nịnị ịnị ẹtẹ oni o wo oto yị ohiku awụ nịnị ka ọnị vaa sịị yị wụ nịnị.

Iwe Ọhụhị Imosiisi ana aa hị́ Ọyịvatụrọda 7:8

Ama Ẹnẹyịmavara o sì ịrẹyị awụ nịnị, dị o si ka ọnị ọ sị ahụ ku ịrẹyị ọnị ọ hị́ eku anị yị ohiku awụ nịnị nị. Agụvị avọọ ọ sị ụkata anị dọ wụ nịnị ha, dị ọ tụ̀ wụ nịnị hụụnị udi ọrịhị ọnị ohinọyị Ijipiti sị wụ nịnị tụ.

Iwe Ọhụhị Imosiisi ana aa hị́ Ọyịvatụrọda 8:1

“Re ka wa sị ụvọ za avaba ọda anaa ka yị wụ aanị agụvị dị wa zụ ra, dị waa rụrụ hu avọọ, dị wa na dọ ẹtẹ ọnị Ẹnẹyịmavara raa hị́ eku anị ka ọnị ọ sị yị ohiku ẹnịnị.

Iwe Ọhụhị Imosiisi ana aa hị́ Ọyịvatụrọda 9:5

Ẹ yị vị agụvị ịnẹ ọyịza ọnịrị ebira ozoza awụ nịnị aa sị navọ ka wa dọ ẹtẹ ẹnịnị. Ama agụvị ebira odivi ẹnịnị Ẹnẹyịmavara Ohomorihi awụ nịnị vaa sị dụ wa jịnẹ eyi awụ nịnị nị. Ộ vavọọ mẹ̀ agụvị dị ọ sị ahụ ku ịrẹyị ọnị ọ ka yị ohiku ẹnịnị, Abụrahamị, Ayiziiki, ọnịrị Ijekọvụ.

Anihiburu 6:13

Óhomorihi me wo oto yị Abụrahamị, ẹ yị nyị ịsị e huna Ohomorihi ọnị ọ zụ sị hị́ eku, agụvị avọọ dị Ohomorihi sị ẹngụ anị hị́ eku nị.

Anihiburu 6:14

Ọ kà, Ịzẹyịza, ọnị vaa mẹ ka ò ze yọ, dị ọnị mẹ ka evere anị ẹ̀ rụrụ.

Ijosuwa 1:6

Ẹnẹyịmavara kà Ijosuwa ọ̀ nyị ọtụtụrụma, dị ọ sị ayị vị ọnya, ka ọnị ọ vaa kụ́ aza ẹnẹẹ dị ẹ̀ na dọ ẹtẹ ọnọọ nị. Ọ kà ọnị ọ́ọ vịdị raà hị́ eku yi ohiku ẹnịnị ka ọnị aa sịị yị wa.

Ọdọvịdị 2:1

 nyị ụmẹ ọnya aanị ọnị anggẹẹrị Ẹnẹyịmavara sị hụrị Igirigari na ngụ Ibokimi. Ộ kà a ọnị ọ̀ kụ wa hụrị ẹtẹ Ijipiti na ngụ ịnị ẹtẹ ọnị ọnị hị́ eku anị ka ọnị aa sị yị ohiku ẹnịnị nị. Ộ kà a ọnị ẹ yị vaa sị ahụ jịnẹ eku ọnị ọnị hị́ yị wa.