Iwe Ọhụhị Imosiisi ana aa hị́ Ọyịvatụrọda 1:11 - IWE ỌNỊNỊ

¹¹ Dị ọ ka ọ maa navọ Ẹnẹyịmavara ana vị Ohomorihi ohiku ẹnịnị ọ̀ vaa mẹ̀ ẹnị rụrụ oze akahị-akahị, dị o zee yị ẹnị anka ọ̀ mẹ vịdị ka a.

Iwe Ọhụhị Imosiisi ana aa hị́ Ọyịvatụrọda 1:11 ပူးပေါင်းရင်းမြစ်များ

Oyinyima 15:5

Di Ohomorihi sị Abụramị jịnẹ nọ ẹhẹ dị ọ kà a yọ ka: Ò Re ẹbẹẹba di a re, ọ̀ọ zụ za ụzọmị ẹnẹẹ ịrịka ọ za a. Dị ọ rẹ kà a yọ ka avọọ ezi anị ịrẹma-ịrẹma mẹ̀ vaa rụrụ nị.

Oyinyima 22:17

Ọ kà ọnị vaa mẹ ka ezi anị ịrẹma-ịrẹma ẹ̀ rụrụ anka ụzọmị avọọ ọnịrị ààrẹ ene hi ụtọ òkū. Ọ kà ụnaka anị e vee huna ọnịvị ẹnịnị nị dị ẹ dọ wa ẹkụra ẹnịnị.

Oyinyima 26:4

Ọ rẹ ka ọnị vaa mẹ ka ezi anị ịrẹma-ịrẹma ẹ̀ rụrụ anka ụzọmị ene hi ini eguhi. Ọ rẹ ka Ezi anị ọnị vaa sị avaba ẹtẹ ẹnẹnị yị nị. Anẹkụra vị ana vaa kà a ka ò zee yị ẹnị anka o mè zee yọ.

Oyinyima 49:25

Ohomorihi amị ọnọọ re vee sere wu. Ohomorihi Ochẹtẹẹngụ vaa mẹ ka ò zee wu. Ọ vaa mẹ ka orihi ọ̀ zụ̀ wụ dị ọ rẹ sị enyi ini eteesu yị wụ. Ese ewu va ma ezi dị ịsụpa awụ ẹnị rẹ ma ezi.

2 Ịsamụwẹrị 24:3

Dị Ijowabi tụ́ ohinọyị ohi dị ọ ka, “Ẹnẹyịmavara Ohomorihi ohinọyị vị ana vaa nyị tụ́ ịnị aza ẹnẹnẹ oze ẹchẹhị. Taarụ, ịhị eyi awụ ọ vaa vị nị. Sị ẹ vẹ dị wee si ka wa maanị mẹ?”

1 Ịtọpa 21:3

Dị Ijowabi tụ́ ohi ka, Ẹnẹyịmavara ọ̀ navọ Anisirẹrị nịnị ẹ vaa rụrụ huna ọpa ẹnẹ ẹ vị aanị o. Ọ kà, ohinọyị ọ̀ taarụ! Avaba Anisirẹrị vị ezi ahụ anị. Sị ẹ vẹ di ee sì ka ọnị ọ̀ maanị mẹ, dị ọnị ọ sị kụ ẹngụkata tu avaba ẹkụra kẹ?

Ahẹ Ụgama 115:14

Ẹnẹyịmavara ọ̀ navọ dị ẹwụrị ezi ewu ẹ̀ vaa rụrụụ hu avọọ.

Ọyịkụra 32:13

Tamayị ịrẹyị ezi ahụ awụ ẹnẹnị, Abụrahamị, Ayiziiki ọnịrị Ijekọvụ. Tamayị ka wa raà sị ụbanyị ẹngụ awụ hị́ eku ka ụ vaa mẹ ka ezi ẹnịnị ẹ̀ rụrụ anka ụzọmị ene hi ẹbẹẹba. Ụ ka ezi anị ụ vaa sị avaba ẹtẹ ọnọnịị yị nị. Ụ ka wa sị ọ ka ka ẹ yị zụ nyị ka wẹ yị vaa sịị yị wa dị ọ̀ vị ẹẹnịnị pooro na.”

Ezikẹẹrị 16:7

Ọnị ộ mẹ̀ ka wa hụ anka ịsị ozoza ene e chire tụ ịnị aarẹ avọọ nị. Waa hụ, dị ụ kụkụ tịtẹ gagaràgà anka ozwoorihi avọọ nị. Ịrẹva o si hi wu ịrachị kakaràkà, dị ẹyị awụ ta gọdọ nị, ama ahwaahụụ ụ yịị vị nị.

Ịrịka 22:12

Ohomorihi ộ ka yị Ịbaraamị ka asị ọ saasa ọnụtụ ẹnẹẹ, dị asị ọ rẹ chi hi Anisirẹrị agụvị ka aza ọnị ọnị raà mẹ̀ ka o zee yị ẹ vẹ nị.

Ịrịka 6:27

Dị Ẹnẹyịmavara kà Eerọnị ọnịrị ezi anị ẹ̀ẹ ka ọnị ọ mẹ ka o zee yị Anisirẹrị, ọnị vaa mẹ̀ ka o zee yị wa.

Iwe Ọhụhị Imosiisi ana aa hị́ Ọyịvatụrọda 1:10

Ẹnẹyịmavara ana vị Ohomorihi ẹnịnị, ộ raa mẹ̀ wa rụrụ anka ụzọmị ịnị eguhi.

Iwe Ọhụhị Imosiisi ana aa hị́ Ọyịvatụrọda 1:12

Dị Imosiisi ka ọnị ịnyara ẹ yị zụ mẹ̀ ọkarẹyị ịrẹyị ana yị ịnị akakana ẹnịnị.

Iwe Ọhụhị Imosiisi ana aa hị́ Ọyịvatụrọda 1:8

Ọ kà ọnị aa sị ẹtẹ ọnọọ yị ẹnị. Ọnị ọ̀ vịdị raà hị́ eku anị yị ohiku ẹnịnị Abụrahamị ọnịrị Ayiziiki ne beri Ijekọvụ. Ẹnịrị ezi ịrẹma ẹnịnị ana aa vẹ ẹ̀ nyị ẹtẹ ọnọọ nị.

Iwe Ọhụhị Imosiisi ana aa hị́ Ọyịvatụrọda 10:22

Ohiku awụ nịnị ana nọ Ijipiti vị ẹnị ẹtarẹwụ. Ama booro anị, Ẹnẹyịmavara ọ raà mẹ̀ wa rụrụ ẹtẹẹtẹrẹ anka ụzọmị ịnị eguhi.

Iwe Ọhụhị Imosiisi ana aa hị́ Ọyịvatụrọda 28:62

Ọ̀ọ daka vị ka wâ vịdị rụrụ nịnị anka ụzọmị nịnị, aza chee ọ̀ vanaa vẹtẹ ịnị awụ nịnị nị, agụvị ka wẹ yị wụ́ chire Ẹnẹyịmavara Ohomorihi awụ nịnị.