Iwe Ọhụhị Imosiisi ana aa hị́ Ọyịvatụrọda 1:10 - IWE ỌNỊNỊ

¹⁰ Ẹnẹyịmavara ana vị Ohomorihi ẹnịnị, ộ raa mẹ̀ wa rụrụ anka ụzọmị ịnị eguhi.

Iwe Ọhụhị Imosiisi ana aa hị́ Ọyịvatụrọda 1:10 ပူးပေါင်းရင်းမြစ်များ

Oyinyima 15:5

Di Ohomorihi sị Abụramị jịnẹ nọ ẹhẹ dị ọ kà a yọ ka: Ò Re ẹbẹẹba di a re, ọ̀ọ zụ za ụzọmị ẹnẹẹ ịrịka ọ za a. Dị ọ rẹ kà a yọ ka avọọ ezi anị ịrẹma-ịrẹma mẹ̀ vaa rụrụ nị.

Oyinyima 22:17

Ọ kà ọnị vaa mẹ ka ezi anị ịrẹma-ịrẹma ẹ̀ rụrụ anka ụzọmị avọọ ọnịrị ààrẹ ene hi ụtọ òkū. Ọ kà ụnaka anị e vee huna ọnịvị ẹnịnị nị dị ẹ dọ wa ẹkụra ẹnịnị.

Oyinyima 28:14

Ọ rẹ ka ezi anị ịrẹma-ịrẹma vị ana vaa rụrụ anka ezi ini eteesu avọọ. Ọ kà vị ọ vaa yara ngụ avaba ẹhẹẹ zị nị. Anẹhẹ vị ana va mẹ̀ aduwa ka ò zee yị ẹnị anka o mè zee yọ.

1 Ịtọpa 27:23

Ohinọyị Idevidi ẹ yị za aza ẹnẹ ẹ̀ yị gụ ịrayị oohu ịrịka, agụvị oto ọnị Ẹnẹyịmavara wo ka ọnị va mẹ ka ezi Anisirẹrị ẹ̀ rụrụ anka ụzọmị ene hi ẹbẹẹba.

Inehemaya 9:23

Ọnị ọ mẹ ka ezi ẹnịnị ẹ̀ rụrụ anka ụzọmị ịnị eguhi, dị ọ kụ wa na ngụ ẹtẹ ọnị ọ vịdị wo oto anị yị ohiku ẹnịnị ka ọnị vaa sị yị wa nị.

Ahẹ Ụgama 107:38

Ohomorihi ộ mẹ̀ ka ò zee yị wa, ẹnịnị ệ rụrụ ẹtẹẹtẹrẹ. Ọ yị hyakụ zẹẹ ka ịsụpa ẹnịnị ẹ̀ jị ha.

Ọyịkụra 12:37

Anisirẹrị nịnị vị ana aa na anka isoja anaā sịị ahụ zị. Oze Iramesisi ẹ zi jịnẹ, di e zi oze Isukoti aa na nị. Ẹnị ana na vị akahị-akahị oze akata (600,000). Ẹnị anọrụ ana sị hụ ọmụha kẹnẹ ọ vị ọnọọ nị. Ọza ọ yị za anyẹnẹẹ ọnịrị ezweyi tụ́ ọ.

Ọyịkụra 32:13

Tamayị ịrẹyị ezi ahụ awụ ẹnẹnị, Abụrahamị, Ayiziiki ọnịrị Ijekọvụ. Tamayị ka wa raà sị ụbanyị ẹngụ awụ hị́ eku ka ụ vaa mẹ ka ezi ẹnịnị ẹ̀ rụrụ anka ụzọmị ene hi ẹbẹẹba. Ụ ka ezi anị ụ vaa sị avaba ẹtẹ ọnọnịị yị nị. Ụ ka wa sị ọ ka ka ẹ yị zụ nyị ka wẹ yị vaa sịị yị wa dị ọ̀ vị ẹẹnịnị pooro na.”

Ayịsaya 51:2

Ịzẹyịza, tamayị ka Abụrahamị ọnịrị Isera ẹ vị ohiku awụ nịnị. Ẹnẹyịmavara ộ mẹ̀ ka Abụrahamị ọ́ ma ozi ọrụrụ ịzị ụ chị hụrẹ vẹ nị.

Ezikẹẹrị 16:7

Ọnị ộ mẹ̀ ka wa hụ anka ịsị ozoza ene e chire tụ ịnị aarẹ avọọ nị. Waa hụ, dị ụ kụkụ tịtẹ gagaràgà anka ozwoorihi avọọ nị. Ịrẹva o si hi wu ịrachị kakaràkà, dị ẹyị awụ ta gọdọ nị, ama ahwaahụụ ụ yịị vị nị.

Ịrịka 1:46

Avaba ẹnịnị vị akawụ-akawụ oze ịrẹkẹchẹhị tụra ọnya tụra akahị tụra akavarẹchẹhị tụra akahị (603,550).

Ịrịka 10:36

Ama ụmẹ ọnị e si chi apoti oto hi ẹtẹ, dị Imosiisi rẹ mẹ̀ aduwa ka Ẹnẹyịmavara ọ vaa ka ẹnị vẹ ụpẹ otomiroku.

Iwe Ọhụhị Imosiisi ana aa hị́ Ọyịvatụrọda 1:11

Dị ọ ka ọ maa navọ Ẹnẹyịmavara ana vị Ohomorihi ohiku ẹnịnị ọ̀ vaa mẹ̀ ẹnị rụrụ oze akahị-akahị, dị o zee yị ẹnị anka ọ̀ mẹ vịdị ka a.

Iwe Ọhụhị Imosiisi ana aa hị́ Ọyịvatụrọda 10:22

Ohiku awụ nịnị ana nọ Ijipiti vị ẹnị ẹtarẹwụ. Ama booro anị, Ẹnẹyịmavara ọ raà mẹ̀ wa rụrụ ẹtẹẹtẹrẹ anka ụzọmị ịnị eguhi.

Iwe Ọhụhị Imosiisi ana aa hị́ Ọyịvatụrọda 26:5

Vatụra ịrẹyị ẹnẹnị ọvịdị Ẹnẹyịmavara: Ohiku amị vị Anarami ana aa doodo zị, ẹ yị nyị irehi. Ộ kụ́ aza nọ ẹtẹ Ijipiti. Ẹnị chee ẹ vị ẹ mẹ ngụ ẹkụra ọnọọ nị. Ama ẹ vaa sị rụrụ, dị ẹ vị Anẹkụra ana nyị ụkata nị.

Iwe Ọhụhị Imosiisi ana aa hị́ Ọyịvatụrọda 28:62

Ọ̀ọ daka vị ka wâ vịdị rụrụ nịnị anka ụzọmị nịnị, aza chee ọ̀ vanaa vẹtẹ ịnị awụ nịnị nị, agụvị ka wẹ yị wụ́ chire Ẹnẹyịmavara Ohomorihi awụ nịnị.

Iwe Ọhụhị Imosiisi ana aa hị́ Ọyịvatụrọda 7:7

Ẹnẹyịmavara sì ịrẹyị wụ nịnị kẹnẹ, dị ọ nyị wụ ka wa vị aza anị nị. Ẹ yị vị agụvị ka ẹwụ nịnị ọ rụrụ hụụnị anẹkụra ana vọ nị. Ẹwụ nịnị ọ hyakụ weyi hu nị.