Iwe Ọhụhị Imosiisi ana aa hị́ Ọyịvatụrọda 1:1 - IWE ỌNỊNỊ

¹ Â nyị ụmẹ ọ nya aanị ọnị Anisirẹrị nịnị sị jẹẹ tụ́ ụhwọ́ inozi ụnọmị Araba akẹnẹ irehu Ijodani. Ịzọọ ọ̀ gụrị Isuhwi ana ya ịnị akakana Iparani ọnịrị Ịtọhwẹrị. Ẹkụra ẹsa ana gụrị ịzọọ ẹ vị Ịrabanị, Ihazeroti ọnịrị Idizahabi. Ịzọọ Imosiisi ya pe Anisirẹrị nịnị kà ịrẹyị nị.

Iwe Ọhụhị Imosiisi ana aa hị́ Ọyịvatụrọda 1:1 ပူးပေါင်းရင်းမြစ်များ

Oyinyima 21:21

Ọ mè yà ịnị ụnọmị ịzị aā hị́ Ịparanị, dị ọnyị anị nọ ẹkụra Ijipiti dị ọ na nyị ọnẹẹ hụụ ịzọọ va yọ nị.

1 Ohinọyị 11:18

Ẹnịnị mẹ̀ kwẹẹtẹ hụrẹ Imidiyani, dị ẹ va ngụ Ịparanị nị. Dị ẹ sị aza ẹnyị hụụ ịzọọ saasa ẹngụ, dị ẹ na ngụ Ijipiti nị. Ẹnịnị ệ nọ ịda Ihwarawo ana vị ohinọyị Anijipiti. E mè tù ịzọọ di Ihwarawo si irehi yị Ihadadi, dị ọ rẹ sị ịsọyịrị yọ, dị ọ rẹ sị ẹtẹ yọ nị.

Ihabaku 3:3

Ohomorihi ọnịnị ô chi vẹ hụrẹ ịrẹsụ ataba Itemani ọnịrị ataba Ịparanị. Dị ụbanyị anị va ku ẹbẹẹba, dị avaba anẹhẹ aa ga a nị.

Ịrịka 10:12

avọọ, dị Anisirẹrị nịnị kụ ẹnya ẹnịnị kwẹẹtẹ hụrẹ ụnọmị Ịsịnayị na ngụ ụnọmị Ịparanị nị.

Ịrịka 11:35

Dị Anisirẹrị nịnị kwẹẹtẹ hụụ ịzọọ na ngụ Ihazeroti nị.

Ịrịka 12:16

Ọ mẹ zị vẹ kwooze, dị avaba ẹnịnị kwẹẹtẹ hụrị Ihazeroti na jị udi tụ inoze Ịparanị nị.

Ịrịka 13:26

Ẹnịnị vị ene ve tu Imosiisi ọnịrị Eerọnị ne beri ịragụ Anisirẹrị Íkadesi ịnị ụnọmị Ịparanị. É kà enube, dị ẹ kụ ẹtụtụ ọchị ẹnẹ ha hụụnị ẹtẹ ịzọọ va zụ wa nị.

Ịrịka 13:3

Dị Imosiisi tụ́ anọrụ ẹnẹẹ hụụ ịnị ụnọmị Ịparanị anka Ẹnẹyịmavara mẹ mẹ̀ ọda yọ nị. Avaba ẹnịnị vị ọdọvịdị Anisirẹrị.

Ịrịka 32:19

Ẹnị ẹ yị vaa nyị tụ́ ịnị ẹtẹ ana ya akẹnẹ Okuha Ịjọdanị agụvị ka ẹnị ẹ raà nyị ẹnịnị tụ́ eyi akẹnẹ Ijodani ọsa.

Ịrịka 32:32

Ẹ ka ẹnị vaa jịnẹ Ijodani na akẹnẹ ne beri Anikenaani kụ́ ịrẹkụ, ama asị a dọ ẹnị ẹtẹ ana vị ẹnịnị aanị.

Ịrịka 32:5

Dị ẹnịnị da ịpẹ yị Imosiisi ọnịrị Eriyaza ne beri ọdọvịdị ẹkụra nịnị ka ẹ sị ẹtẹ ọnọnị yị ẹnị. Asị ẹ kà a ka ẹnị ẹ jịnẹ tụ́ akẹnẹ okuha Ijodana.

Ịrịka 33:20

Dị ẹ hụrị Irimoni Ịpẹrẹzị na jị udi tụ́ Irisa nị.

Ịrịka 33:21

Dị ẹ hụụ ịzọọ na jị udi tụ́ Irisa nị.

Ịrịka 34:15

Ẹtẹ ana ya akẹnẹ Okuha Ịjọdanị eyi ịzị ọyị zị kwẹẹtẹ ana va eyi ka Ijeriko ọ vị ẹnịnị nị.

Ịrịka 35:14

Ẹtẹẹta a vaa ga hi akẹnẹ Okuha Ịjọdanị eyi ọnyị ọsa nị.

Iwe Ọhụhị Imosiisi ana aa hị́ Ọyịvatụrọda 2:8

Dị Anisirẹrị para Ịsẹyị hu sị oze ana hụrẹ Erati ngụ Ezayọnị-Ịgẹba tịtẹ, dị ẹ va eyi ka oze ịnị ụnọmị Animowabi nị.

Iwe Ọhụhị Imosiisi ana aa hị́ Ọyịvatụrọda 27:1

Imosiisi ọnịrị azọkụ Anisirẹrị nịnị ệ hu ịragụ Anisirẹrị ana gụ ụvọ ka, ẹ̀ saasa avaba ọda ọnị ọnị aa ka yị wa aanị.

Iwe Ọhụhị Imosiisi ana aa hị́ Ọyịvatụrọda 29:1

Ẹsẹnị ẹ vị ebira ọnị Ẹnẹyịmavaraa kà yị Imosiisi ka Anisirẹrị ẹ̀ mẹ agụvị ọta ọnị ọnịrị wa mẹ yị ẹngụ ịnị ẹtẹ Imowabi nị. Ịrẹyị ẹnẹnị vị irenyi ịsa ọnị ọ vịdị kà yị wa ịrẹsụ ataba Ịhọrẹbị.

Iwe Ọhụhị Imosiisi ana aa hị́ Ọyịvatụrọda 31:1

Imosiisi ộ kà ịrẹyị yị avaba Anisirẹrị

Iwe Ọhụhị Imosiisi ana aa hị́ Ọyịvatụrọda 33:2

Imosiisi kà a, Ẹnẹyịmavara ô chi hi ẹtẹ hụụ ịrẹsụ ataba Ịsịnayị va gụ ẹnị ụvọ. Ộ kwẹẹtẹ anka ọyị avọọ, dị ụbanyị anị zẹtẹ ku aza anị hụụnị ataba Ịsẹyị ana ya Edomi nị. Etohweyi anị ộ zẹtẹ hụụnị ataba Ịparanị, dị anggẹẹrị otomiroku ya pe e nị, dị ịra aa da wụụrụ hụụnị ụvọ anị nị.

Iwe Ọhụhị Imosiisi ana aa hị́ Ọyịvatụrọda 4:46

na ngụ ịnị upoporo ana gụrị Ịbẹtịpowa eyi ịzị ọyịị̄ zịị vẹ akẹnẹ Ijodani, ịnị Isihoni ohinọyị Anamọrị ana ya Ịhẹsịbọnị aa mẹ̀ ịjọva. Imosiisi ọnịrị Anisirẹrị nịnị ẹ nyị ẹbẹẹba ẹnịnị ẹ mẹ jịnẹ tụ ẹhẹ hụrị Ijipiti.

Iwe Ọhụhị Imosiisi ana aa hị́ Ọyịvatụrọda 5:1

Imosiisi ộ hị́ avaba Anisirẹrị dị ọ̀ ka, “Ẹwụ nịnị Anisirẹrị batọ dị wa wụ́ ọda ọnị maa ka yị wụ nị ajịnị, kọsẹ anị dị wa sị ayị ọnya saasa a.

Ijosuwa 22:4

Booro anị, Ẹnẹyịmavara Ohomorihi awụ nịnị ọ raà mẹ ẹngwọọrọ yị anda awụ nịnị anka o mè wo oto yị wa. Agụvị avọọ, varẹma wa nọ eehi awụ nịnị ịnị ẹtẹ ọnị Imosiisi ozi ahụ Ẹnẹyịmavara sị yị wụ nịnị akẹnẹ Ijodani eyi ọsọọ.

Ijosuwa 22:7

Imosiisi ộ vịdị raà sị ẹtẹ Ịbasanị yị achẹva ezi Ịmanasẹ nịnị; ama achẹva ẹnịnị ana vọ vị ọnị Ijosuwa sị ẹtẹ yị tụ eyi ọnị ọyịị̄ zị naa ngụ ẹtẹ Íjodani. Ịjị Ijosuwa ka ẹẹ nọ eehi ẹnịnị, ộ mẹ̀ aduwa yị wa,

Ijosuwa 3:16

Ẹ mẹ jị ahụ ngụ ọ kẹnẹ enyi ana kụ́ ọhara chi vẹ jẹẹ saka-saka nị. Dị enyi ka jẹẹ anka ugene hụrẹ ẹkụra ana a hị́ Adamị ọ gụrị Izaretani. Dị Anisirẹrị zị ụsẹ ịrẹsụ ẹtẹ ọyịwụ jịnẹ ịrẹhụ ọ gụrị Ijeriko nị.

Ijosuwa 9:1

Ịnị ụmẹ ọnọọ avaba ohinọyị anẹkụra nịnị ene hi ịrẹsụ ataba ọnịrị iruvo ataba akẹnẹ irehu Ijodani nịnị ệ wụ́ ọ Ijosuwa mẹmẹ aa nyị ehuna. Ẹkụra ẹnẹẹ ẹ vị Anihiti, Anamọrị, Anikenaani, Aniperi, Anihivi ọnịrị Anijebusi.

Ijosuwa 9:10

ọnịrị ohinọyị Anamọrị ẹẹva ana ya akẹnẹ Ijodani eyi ịzị ọyịị̄ hụrẹ vẹ. Avọọ ọ mẹ rẹ mẹ̀ Isihoni ohinọyị Ịhẹsịbọnị ọnịrị Ọgị ohinọyị Ịbasanị ana ra Asịtarọtị.

1 Ịsamụwẹrị 25:1

Ịnị ụmẹ ọnya, dị Ịsamụwẹrị wusu nị, dị avaba Anisirẹrị kụ́ gụ, dị ẹ jị òrèrè anị nị. Dị ẹ sị ọ, di e ne e tụ́ ini eehi anị Iraama nị. Di Idevidi kwẹẹtẹ, di o si hu aa nọ ịnị ụnọmị ịzị aā hị́ Ịparanị nị.