Ayịsaya 9:3 - IWE ỌNỊNỊ

³ Wa raà mẹ ka aza ẹnẹẹ ẹ̀ rụrụ, avọọ ụ mẹ̀ rẹ mẹ ka inohine ẹnịnị ọ̀ rẹ dẹngụ nị. Ayị ẹnịnị ô hine é mè re ịsị ụ mẹ̀, ẹ yaa jẹ anka aza ana aa kụ ịsa ọyịna ịnị aarẹ gụ avọọ. Ịnẹ ẹnịnị ee hine anka aza ana nyị ẹbẹẹba ịrẹkụ dị ẹ yaa gà ogu ẹnị ẹ kụ́ ózee eyi ịrẹkụ avọọ.

Ayịsaya 9:3 ပူးပေါင်းရင်းမြစ်များ

Inehemaya 9:23

Ọnị ọ mẹ ka ezi ẹnịnị ẹ̀ rụrụ anka ụzọmị ịnị eguhi, dị ọ kụ wa na ngụ ẹtẹ ọnị ọ vịdị wo oto anị yị ohiku ẹnịnị ka ọnị vaa sị yị wa nị.

Ijoovu 12:23

Ọnị ọọ̄ sị ụkata yị ẹkụra nịnị ọnị ọ rẹẹ tụ́ wa ọkụmị nị.

Ahẹ Ụgama 107:38

Ohomorihi ộ mẹ̀ ka ò zee yị wa, ẹnịnị ệ rụrụ ẹtẹẹtẹrẹ. Ọ yị hyakụ zẹẹ ka ịsụpa ẹnịnị ẹ̀ jị ha.

Ahẹ Ụgama 119:162

Ịsa ọnị ụ ka ụ vaa mẹ vị ana aa sị ayị amii hine. Maa jẹ anka ọza ene ne hèé ogu ọbanyị avọọ nị.

Ahẹ Ụgama 4:7

Wâ mẹ ka ịnẹ amị o hine huna aza ana nyị akụ ọnịrị ẹnị eche ozoza gwẹtẹ yị.

Ayịsaya 10:26

Ẹnẹyịmavara Ochẹtẹẹngụ vee tụ́ wa ịjapa anka ọ mẹ̀ sị ụya rị Animidiya ịnị anị ịnị ịda ana aā hị́ Orebi. Ọ rẹ vaa sị okutẹ anịị mẹ̀ ụkọrọ ịvọpa anka ọ́ mẹ̀ mẹ tụ́ ịrẹsụ enyi Anijipiti ịnị anị.

Ayịsaya 12:1

Ụmẹ ọnyara aa vẹ ana aza vaa jị ahẹ dị ẹ yaa Kụ Ẹnẹyịmavara avọ! Ịzẹyịza wâ vịdị kụ́ ayị hi mi, ama booro aanị, wẹ yị kụkụ kụ́ ayị. Wa raà sị ayị amị hunẹnẹ.

Ayịsaya 14:5

Ẹnẹyịmavara ọ raà dọ ụkata hụụnị ụvọ aza edivi ana aa mẹ ịjọva.

Ayịsaya 25:9

Ịjị ụmẹ ọnọọ ọ̀ọ vẹ, avaba aza vaa kà a ka Ohomorihi ayị yọ. Yâ sị ayị tụra a, dị ọ dọ yị tụ́ nị. Ọnị ọ vị Ẹnẹyịmavara nị, ọnị ị sị ayị tụra nị. Ọ sị yị dọ ha; agụvị avọọ à vẹ vị yaa jẹ ịrajẹ.

Ayịsaya 26:15

Ẹnẹyịmavara, wa raà mẹ ka ẹkụra ayị ọ̀ yara ẹtẹẹtẹrẹ. Wâ mẹ ka ọ̀ gana eyi okiri-okiri. Ọnọọ ộ mẹ̀ ka aza ẹ̀ẹ sị ụbanyịị yị wụ.

Ayịsaya 35:10

Ẹnịnị vaa sị ayohine na ngụ Ijeruasarẹmị, dị ẹ yaa jẹ ịrajẹ, dị ẹ yaa jị ahẹ naa pooro. Ẹnịnị vaa jẹ pooro, dị ẹ mā vana yẹ ịsị aā hị́ orere ọnịrị ayodu pàá.

Ayịsaya 35:2

Mị ka ụnọmị ẹnẹẹ vee hunẹnẹ, dị ẹngụ avaba ọchị ene hi ịnị anị tịtẹ hụtụ-hụtụ. Ịrẹbanọnị rẹ vanaa vàa nọ udi ụbanyị anị. Ataba Ịkamẹrị ọnịrị Ịsarọnị re venee hunẹnẹ di e zoza. Avaba aza vee re ụbanyị ọnịrị ụkata Ẹnẹyịmavara ana vị Ohomorihi ayị.

Ayịsaya 54:1

Ẹnẹyịmavara kà: Ẹwụ ọbọrị, waa jị ahẹ. Ẹwụ ẹnẹ ẹ̀ yị barẹẹ da, wa jị ahẹ booboro, dị ụ waa jẹ. Agụvị ka ụ vaa nyị ezii huna ọnẹẹ ana và ọnọrụ.

Ayịsaya 55:12

Ịrajẹ ụ vaa sị hụrẹ Ịbabịrọnị nịnị nị; ẹngwọọrọ a vaa sịị kụ́ wụ nịnị varẹma hụrẹ ẹkụra ọnọọ nị. Ataba ẹbanyị ẹnịrị ataba eweyi vee nyima aa jị ahẹ, dị avaba ọchị ịnị avị aa kụ̀rà ụvọ ẹnịnị.

Ayịsaya 61:10

Ayị amị vị ana nyayịnẹ hine ịnị Ẹnẹyịmavara Ohomorihi amị. Ọ raà sị ẹdọha yị mị anka a mẹẹ kụ ẹnya hi ọza ẹngụ avọọ. Awuru ịzẹyịza ene e chire mi vị ana hụ mị enyi Mị sị mẹẹ anka ọnọrụ ene chi awuuru ana nyị ọnẹẹ avọọ nị. Mị sị mẹẹ anka ọnẹẹ ana a za oze ana kụ ọmọ hi ẹngụ avọọ nị.

Ayịsaya 61:7

Agụvị ụhị oze ẹẹva ene tu wa ịnị ẹtẹ ẹnịnị. Ẹnịnị vaa ra aha ọbanyị oze ẹẹva dọ ịrẹsụ. Ẹ vaa nyị ogu oze ẹẹva ịnị ẹtẹ ẹnịnị, Ẹ vaa jẹ ịrajẹ pooro-pooro-pooro nị.

Ayịsaya 65:14

Ayị ezi ahụ amị vee hine, dị ẹyaa jị ahẹ, ama ẹwụ nịnị vị ana ayị anị vee du, dị u we nowu. Ayị awụ nịnị vaa vazi, di u wee sú ùnè.

Ayịsaya 65:18

Ama waa jẹ agụvị ịsị maa mẹ̀ aanị, dị ayị awụ oo hine. Agụvị ka maà vaa mẹ Ijerusarẹmị ọwọọwa. Ọ vaa mẹ ka ayị awụ oo hine, dị aza anị aa jẹ.

Ayịsaya 66:10

Ọ kà ẹnịnị ee beri Ijerusarẹmị jẹ, avọọ aza ene sì ịrẹyị ẹkụra ọnọọ, ee hine ayị beri wa booro aanị. Avaba aza ana vịdị raà jị òrèrè yị Ijerusarẹmị.

Ijeremaya 31:7

Ẹnẹyịmavara kà, hụ̀ agụvị Anisirẹrị waa jẹ ịrajẹ dị waa jị ahẹ nịnị. Hụ agụvị Anisirẹrị wee nowu nịnị agụvị ka ẹnị ẹ vị ohirẹsụ avaba anẹkụra nịnị nị. Wee gono Ẹnẹyịmavara boro-boro, dị waa kà a nịnị ka, ọ sị aza anị ana vẹtẹ dọ ha.

Ihoseya 4:7

Ẹnị ohirẹsụ irehi anị maa rụrụ hu avọọ, avọọ ịvị ẹnịnị maa banyị hu avọọ nị. Agụvị avọọ Ẹnẹyịmavara kà ọnị aa vara ịsị ẹ vị ụbanyị ẹnịnị ụhị yị wa.

Ireevi 26:13

Ọ kà ọnị, Ẹnẹyịmavara Ohomorihi ẹnịnị ọ kụ́ wa hụrị ẹtẹ Ijipiti ka à sị ẹ kụkụ vị ọrịhị ẹnịnị nị. Ọnị ộ dọ wa hụrị aza ana sị ụkata za wa hi ẹtẹ, dị ọnị mẹ kụ̀ra ịrẹsụ tụ ẹba dị ẹẹ zị ụsẹ nị.

Ịzakaraya 10:8

Ẹnẹyịmavara kà ọnị vaa hị́ anị, dị ọnị kụ́ wa gụ, dị ọnị dọ wa ha, dị ọnị mẹ̀ wa ka ẹ varẹma rụrụ anka ẹ mẹ vịdị ya.

Ịzakaraya 2:11

Ụmẹ ọnọọ, anẹkụra ọrụrụ vaa vẹ ịda Ẹnẹyịmavara, dị ẹ vị aza anị, dị ọ ra beri wa. Ẹnịnị vaa yẹ ka Ẹnẹyịmavara Ochẹtẹẹngụ ọ tụ́ oni hí wa nị.

Ịzakaraya 8:23

Ẹnẹyịmavara Ochẹtẹẹngụ ka, ịnị ụmẹ ọnọọ anẹkụra ọsa nịnị vaa vẹ vee tụ́ Aniju, dị ẹ sị ụvọ za ụtọ awuru anị, dị ẹ ka ẹnị a saasa a agụvị ka ẹnị ẹ wụ́ ka Ohomorihi ya pe e.

Iruuku 11:22

Ama ọza ana nyị ụkata hu ọọ, ọ̀ọ vẹ, dị ọ sị ẹbẹẹba anị nyị nị, dị ọ dọ ọ ẹnya ịrẹkụ anị ọnị ọ sị ayị tụra, dị ọ kụ́ ọọ ẹnya, dị ẹ na gà a.

Odeyi 8:8

Dị Anịsamarịya nịnị aa jẹ ẹtẹẹtẹrẹ nị.

Anihwiripi 4:4

Waa jẹ nịnị ụmẹ tụra ụmẹ agụvị Ananyị yị. Me re tenyi ọ kà, mị ka waa jẹ nịnị.

1Ipita 1:8

Wẹẹ̀ yị daka sị eyi awụ nịnị re Ijeesu Ikirisiti da, ama we yi sì ịrẹyị anị nịnị. We yi si eyi ree nịnị booro aanị, ama wáa sị ayị tụra a nịnị, ana ahịka ayị awụ nịnị ee hine ẹtẹẹtẹrẹ oni irenu ọ̀ yị zụ kà.

Ọdọvịdị 5:3

Batọ, ẹwụnị ohinọyị! Sị ụtọ pe ẹtẹ ẹwụnị ọdọvịdị Mị vaa jị ahẹ, dị mị hu ịsa tụ́ ọ yị Ẹnẹyịmavara Ohomorihi Anisirẹrị.

Ọdọvịdị 7:22

Ịjị ịkakanchị akavarẹchẹhị ẹnẹẹ sụ ịrẹyị, dị Ẹnẹyịmavara mẹ ka isoja Animidiya nịnị ẹ sị ụhwọ vara eyi tu ẹngụ nị. Di e zwe zị eyi Izaretani na ngụ Ịbẹtị Isita, ne tu Ẹba Imehora ana gụrị Itabati.

Ọdọvịdị 8:12

Dị ẹnị ohinọyị Animidiya nịnị, Ịzẹba ọnịrị Izarimuna kụ zwe nị. Dị Igidiyọnị dụ wa dị ọ za ẹnị ẹyịva nị. Ịjị ọ sị wa za, dị ivovo sị avaba isoja ẹnịnị za nị.

1 Ịsamụwẹrị 30:16

Ịzẹyịza dị ọ sị Idevidi na zụ̀ aza ẹnẹẹ nị. Di Idevidi ne tù ka aza ẹnẹẹ ệ chaka hi ịnị avị ịzọọ, ẹ yaa rị, eyee hu, dị ẹ yaa mẹ chavaa kẹnẹ nị. Ẹnịnị vavọọ aa mẹrị agụvị ogu ene e re kụ́ hụụnị ẹtẹ Anihwirisiti ọnịrị Ijuda.