Ayịsaya 8:9 - IWE ỌNỊNỊ

⁹ Ẹwụ nịnị anẹkụra, wàa zụ wa kụ́ vabẹ nịnị, vị a vaa gara wụ nịnịị ha nị. Batọ nịnị, o ẹwụ nịnị ana hụrẹ ụtọ ẹhẹ vẹ. Gù ịrẹkụ awụ nịnị ẹtẹẹtẹrẹ, mị ka vị aa gara wụ nịnịị ha nị.

Ayịsaya 8:9 ပူးပေါင်းရင်းမြစ်များ

1 Ohinọyị 20:11

Di ohinọyị Anisirẹrị tụ́ ohi dị ọ ka, “Kà ẹ yị wa ka ẹ yị vọrọ ka ọza ana hara ụhwọ ọ̀ọ nyị irenu anka ọza ana vaa ngwa a.”

Ụhịrẹyị 11:21

Ọza ẹ yị jị ọ ịrẹka ka aza ọhịmị vaa rị ụya, ama ezi ọnịrẹyịzẹyịza vị ana vaa ha.

Ayịsaya 28:13

Agụvị avọọ ịsa ọnyọọnya Ohomorihi vaa kịị kà a yị wa nị, dị aa vaa tụra ịrẹyị ọnyaa yị wa pooro. Dị ahịka ịsa ọnị ọ sị zụ̀ wa ẹẹrị ọ raa sịị zụ̀ wa ajịnị nị. Ẹnịnị vị ana vaa na dị ẹ na hyẹdụ, dị ẹ và angga ịrẹma-ịrẹma, dị ẹ tụ̀ ụnava. Avọọ ẹ mẹ̀ vaa ngụ ịnị ịrẹma ọnịvị ẹnịnị, dị ịrẹkụ kụ́ wa na nị.

Ayịsaya 37:36

Ịrahụ ịhị ọnọọ anggẹẹrị Ẹnẹyịmavara ọnya, ộ nọ udi Anasiriya nịnị, dị ọ wụ̀ isoja akawụ-akawụ oze ẹnarẹwụ tụra ẹẹva beri akahị (185,000) nị. Etumeyọnị eyinẹhẹ anị, dị avaba ẹnịnị vavọọ su vẹẹrẹ hi ẹtẹ nị.

Ayịsaya 54:15

Àa nyị ọza anaa kụ́ ịrazịị tu wu, mẹ yị tụ ọza ọnọọ ụtụ. Ọza tụra ọza ana àa kụ ịrazị ve tu wu vị ana vaa hyẹdụ.

Ijeremaya 42:11

Ẹnẹyịmavara kà, asị ụ re kuku hí angwa ohinọyị Ịbabịrọnị ọnị wee hí angwa anị nịnị aanị. Ọ kà ọnị jẹẹ pe wu nịnị, ọnị vaa dọ wụ nịnịị hụrẹ ụvọ.

Ijeremaya 46:3

Ẹnẹyịmavara kà, ọdọvịdị ọkụrẹkụ Anijipiti nịnị ê nowu ka, ọzọza ọ̀ sị ogonto anị, dị aa nọ ịrẹkụ o!

Ijeremaya 46:4

Ẹ ka, ọzọza ò tenyi umaata anị ẹngụ, dị ẹ̀ tụra a. Ẹnịnị è tò, dị ọzọza ò kú amu enyusẹ-enyusẹ anị. Ọzọza ọ̀ sị ọha anị dị ò ne e, dị ẹ kụ ẹnya ịrẹkụ ẹnịnị hi ẹngụ.

Ijeremaya 51:20

Ẹnẹyịmavara kà, ẹwụ nịnị Anibabironi, ẹwụ nịnị ọ vị ana sị mẹ ịhama (ọkụkụ) ọnịrị ẹnya ọnị sịị kụ ịrẹkụ avọọ. Ẹwụ nịnị ọnị sị gara ẹkụra-ẹkụra ọnịrị ohinọyị nịnị ha rugu-rugu nị.

Ezikẹẹrị 38:7

Ọ kà ọnị ọ̀ kà a yị ọ ka ò tenyi ẹngụ anị, dị ò kà a yị isoja anị nịnị ka è tenyi ẹngụ tịtẹ.

Ezikẹẹrị 38:8

Ẹnẹyịmavara kà, ịrayị ọrụrụ-ọrụrụ ọ̀ọ sị mẹ, ọnị vaa mẹ ka Ịgọgị ọ̀ kụ́ ịrẹkụ na ngụ ẹkụra ana a kụ́ aza anị và hụrẹ ẹkụra ọsa ve hi, dị ẹnịnị è yị kuku hí angwa ka ịrẹkụ wáa vẹ. Ọ vaa kụ́ ịrẹkụ naa ngụ ataba Isirẹrị ọnị ó sị ku ọnị ọ tu osusu aza mẹ hụ́ hụụnị anị. Ama aza vị ene kuku hi ịzọọ ẹngwọọrọ-ẹngwọọrọ booro aanị.

Ijosuwa 11:5

Dị avaba ohinọyị ẹnẹẹ va isoja ẹnịnị bẹ, dị ẹ kụ udi gụrị enyi Imeromi, dị ẹ ku ee zi isoja Anisirẹrị nịnị nị.