Ayịsaya 8:8 - IWE ỌNỊNỊ

⁸ Ịrẹkụ ọnọọ vị tana ụvọ naa kanyị avaba Anijuda anka okuha mẹẹ mụnẹ ọza tù ọrọkọ avọọ. Ohomorihi navọ wá jẹẹ pè yị.

Ayịsaya 8:8 ပူးပေါင်းရင်းမြစ်များ

Ayịsaya 7:14

Ananyị yị ọnị ụvọta vaa sị apọtẹrẹwa ọnya yị wụ dị wa yẹ ka ịrẹyị ẹnẹnị vị ịzẹyịza. Ozwoorihi ọnya vee zyẹẹ, dị ọ ma ozi ọnọrụ ọnya aanị. Ẹmanụwẹrị ụ vaa hị́ ịrẹha anị nị.

Ayịsaya 30:28

Ụhwẹ ana aa tụ́ vị ana sị mẹẹ ọhaara enyi ana kụ́ avaba ịsa ne hu. Enyi ọnọọ ô tù ọza ọrọkọ, ọ mẹ̀ nyịnẹ. Ộ za anẹkụra dị ọ banyị wa va ha nị. Dị ọ jị ọgọ chire wa irenu, dị ọ sị kụ́ wa hụrẹ oze nị.

Imatiwu 1:23

“Re, ozwoorihi ọnya ẹnẹ ẹ̀ẹẹ̀ yị yẹ ọnọrụ vee zyẹẹ, dị ọ ma ozi ọnọrụ ọnya. A vaa hị́ ịrẹha anị Ẹmanụwẹrị oni iruvo anị vị Ohomorihi yà beri eyi.”

Ezikẹẹrị 17:3

dị ẹnịnị ẹ̀ yẹ ịsị ọnị Ẹnẹyịmavara Ananyị ụkata hu aa kà a yị ẹnị: Ọ kà ọnị ọ̀ kà a ka, â nyị inomi ọdẹngụ ọnya, ana aā hị́ ọkasịmẹ. Asịsẹ anị ô zoza ẹtẹẹtẹrẹ, Avaka anị ộ banyị ẹtẹẹtẹrẹ, dị ọ gana bamị-bamị aanị nị. Inomi ọnọnị ô hira va ngụ ịnị ataba ana ya ẹkụra ana aā hị́ Ịrẹbanọnị; dị ọ́ dà ịrẹsụ ọchị ana aā hị́ Isida nị.

Ayịsaya 7:17

“Ama ẹwụ Ahazi, Ẹnẹyịmavara vaa sị ụyaa rị ẹwụrị aza awụ ne beri ovwoovu ada awụ. Aza ẹ yị vịdị vavọọ rị ụya hụrẹ ụmẹ oni Ehwireemi sị hụrẹ ha hụrẹ ẹngụ Ijuda. Aa sị ohinọyị Anasiriyaa vẹ.”

Ayịsaya 8:10

Ụ wàa mẹ̀ zụ u tenyi ẹngụ nịnị, we yi yèe ree mẹ nịnị; nyayịnẹ gẹ eyi nịnị, osusu avaba anị aa vị nị, agụvị ka Ohomorihi jẹẹ pè yị.

Ayịsaya 10:6

ka me si tụ́ aza ẹnẹ ẹ̀ yẹ ẹmị Ohomorihi. Mâ tụ́ wa ka ẹ̀ na kụ́ ogu aza ana mẹ ayị kụ́ mị. Mị ka ẹ̀ na vara wa eteesu dị ẹ̀ẹ kụ́ ahụụ hi wa ini orere.

Ayịsaya 43:2

Wàa ngụ enyi ana nyị ịnẹ, mị vaa yàa pe wu; Akanya awụ ẹ yị vee huna awụ. Wàa ngụ ịraa parahu, ọ yị vaa rị wụ;

Ijeremaya 47:2

Ọ kà, ré, ịrẹyị aa vẹ hụrị eyi ẹbẹẹba. Aa vẹ eyiha-eyiha anka irehu ọọ́ há ngụ ẹkụra avọọ. Ịrẹyị ọnọọ vee tu avaba aha ọnịrị ịsa ene hi ịnị anị, o vee tu ẹkụra ọrụrụ ọnịrị aza ana ra hi ịzọọ. Aza vee nowu ka à va gụ ẹnị ụvọ; dị avaba anẹhẹ aa jị òrèrè ọngwọọngụ.

Ijeremaya 48:40

Ẹnẹyịmavara ộ kà a ka ẹkụra ọnya vaa kụ́ ịrẹkụ vee tu Imowabi obonobono anka ukokoro me vee che ịsa avọọ. O vee hi wa eyi.

Ijeremaya 51:42

Ẹngụkata oo tu Ịbabịrọnị anka enyi ịnị oku ọ̀ọ rere aa jị ayị dị ọ dà ve ku ọ avọọ.

Ezikẹẹrị 26:19

Ẹnẹyịmavara Ochẹtẹẹngụ ka, ọnị vaa tụ wụ osusu anka ẹkụra ana a jị eburu dị ẹ̀ yị nyị ọza ana kụkụ ra ịnị anị avọọ. Ọnị vaa mẹ ka we vu hi ịnị enyi ana nyịnẹ nịnị.

Ịdanịyẹrị 11:10

Ezi ohinọyị Isiriya vee tenyi ẹngụ ịrẹkụ dị ẹ hàrà isoja gụ tatarata. Ọnyara ịnị ẹnịnị ọnịrị isoja anị vaa zàmà ẹtẹ parahu anka ọhaara enyi avọọ. Dị ẹ kụ̀ ịrẹkụ huuu na ngụ ịzị ọnịvị ẹnịnị tẹ̀ hi.

Imika 1:9

Ịrẹyị ene tù Anịsamarịya vị ana sị mẹẹ anka ikenebe arụmada ẹnẹ ẹ yị mā vị avọọ nị. Ẹngụ ịrẹyị ọnọọ ee vee tu Ijuda aanị nị. Ẹngụkata ọnọọ ọ sị ngụ tù aza anị ene hi Ijerusarẹmị.

Imika 5:5

Ọza oni Ohomorihi vaa sị rị ohinọyị aanị vị ana vaa kụ́ ẹngwọọrọ vẹ. Ịhị Anasiriya ẹ̀ẹ kụ́ ịrẹkụ vẹ ịnị ẹkụra ayị dị ẹ va ngụ ịzị ị tẹ tụ́ nị, Dị ị kụ́ ọdọvịdị ayị ana nyị ụkata tù wa.

2 Ohinọyị 17:3

Isarimanẹsẹrị ohinọyị Ásiriya ộ kụ́ ịrẹkụ tu Ihoseya, dị Ihoseya hụrẹ ẹngụ anị ụvọ yọ nị. Ihoseya vị ana vanaa kụ ịsa naa yọ ịrayị-ịrayị.

2 Ịtọpa 12:4

Isisaki ộ rị avaba ẹkụra anaa jị ọvọ kara ene hi ẹtẹ Ijuda huuu na Ijerusarẹmị.