Ayịsaya 8:7 - IWE ỌNỊNỊ

⁷ Ananyị yị ka ọnị vaa sị ohinọyị Anasiriyaa vẹ beri avaba isoja anị. Ẹnịnị vị ana vaa vẹ anka okuha ana aa kụ́ ọhaara dị aa káa jịnẹ abobo anị avọọ.

Ayịsaya 8:7 ပူးပေါင်းရင်းမြစ်များ

Oyinyima 6:17

Ohomorihi ka ọnị ụvọta vaa kụ́ ọhaara enyi vẹ ịrẹsụ ẹtẹ dị ọnị sị wụ̀ avaba ịsa ana aa tụ́ ụhwẹ ịrẹsụ ẹtẹ ọnọnị. Avaba ịsa ene hi ịrẹsụ ẹtẹ bemi vee sú.

2 Ohinọyị 19:32

Aanị Ẹnẹyịmavara mẹ̀ kà ịnị ịpa ohinọyị Ásiriya nị: Ọ kà, ẹ́ yị vaa ngụ Ijerusarẹmị E yi vee ne ọpa ikonyaa hi ọ. Ẹ yị nyị isoja ana kụ ogonto rị ụvọ ana vaa kà a gụrị ẹkụra ọnọnị. Ọza ẹ yị vaa kụ́ ezii hịrẹ ọvọ anị.

Ẹzịra 4:10

neberi aza ọnị Asuribanịparị, ohinọyị Anisiriya sị ụkata-ụkata kụ ve hi Ịsamarịya ọnịrị ẹkụra ana vọ ene hi akẹnẹ ụtọ irehu Ehwirati.

Ahẹ Ụgama 46:4

 nyị okuha ọnya aanị, enyi anị vị ana aā mẹ ka aza ene hi ịnị ẹkụra Ohomorihi ẹ̀ẹ jẹ Ẹkụra ọnọọ vị oni Ohomorihi sị yị ẹngụ anị, dị ahịka ịzọọ ọ ra nị.

Ahẹ Ụgama 72:8

Ọnị ọ vaa vị ohinọyị avaba aha nị. Ọnị ọ vaa nyị ẹtẹ huu hụrẹ Okuha Iyuhwireti na ngụ ọzarẹyịrẹsụ ẹtẹ nị.

Ayịsaya 10:16

Agụvị irenu ẹnị ẹ maanị nyị aanị, Ẹnẹyịmavara Ochẹtẹẹngụ vaa sị ụkụ za isoja ẹnịnị ana ta dẹngụ. Ẹngụ ẹnịnị vaa ka ịra anka ịra ana ka dị a za giri-giri avọọ

Ayịsaya 10:5

Anasiriya nịnị ẹ sị dà. Ayị màa kụ mị mâ sị wa mẹ inori

Ayịsaya 11:15

Ẹnẹyịmavara vaa mẹ ka enyi ini okuha Ijipiti ẹ̀ wụ. Dị ọ rẹ tụ́ ahị ịrịịra kú Okuha Iyuhwireti. Dị ọ ha a hi oze ịhịmba. Aza ẹ yị hyakụ kụkụ aa tụ̀ adava dị ẹ̀ jịnẹ wa.

Ayịsaya 28:15

A vi wee wo oto nịnị ka ewuri iswọọza ọ sị eku hị́ yị ẹngụ nịnịị? Ụ ka ịrẹyị ọnịrị ikuta ọ sị jẹẹ nịnị. Wee ro o ka ịrẹyị odivi ọ̀ọ vẹ, o yi kuku vee tù wu nịnị agụvị ka wa raà si ireche jị ọvọ gu ẹngụ hi nịnị. Ireche ụ sị mẹ ịzị ụ na tẹ̀ tụ́ nị.

Ayịsaya 28:17

Avaba ịsị waa mẹ nịnị vị ana sị mẹẹ ọza òo rere aa dà irehi avọọ. Ohomorihi ka ọnị vaa sị ịrẹyịzaa pè e anka a mẹ̀ẹ si obo pè irehi di è re ọ mẹmẹ vọrọ avọọ. Ireche ọnị ụ sị jị ọvọ gu ẹngụ hi vi oni orihi vaa zụ̀ụ hị́ di enyi hì ọ na và ha. Ịzị ụ ka wa na tẹ̀ tụ́ vi eni enyi vaa kụ́ naa vàa ha.

Ayịsaya 28:2

Ananyị yị ộ nyị ọza ịnya aanị ana nyị ụkata ẹtẹẹtẹrẹ. Ọza ọnọọ ô tenyi ẹngụ ẹtẹẹtẹrẹ. Ọ vaa vẹ kúkùkù anka orihi ẹbanyị ana zụ di ihinẹba aa sụ ata dị ẹtẹ aa kụ́ ọhaara. Ọ̀ọ vavọọ vẹ, di o hú aza ẹnẹẹ ẹtẹ và hi ẹtẹ.

Ayịsaya 43:2

Wàa ngụ enyi ana nyị ịnẹ, mị vaa yàa pe wu; Akanya awụ ẹ yị vee huna awụ. Wàa ngụ ịraa parahu, ọ yị vaa rị wụ;

Ayịsaya 59:19

Ẹnẹyịmavara kà ọnị vaa va eyi ịraazị ka wa anka ọhaara enyi ọnịrị opomi ọbanyị. Anẹkụra nịnị ene hi eyi ịzị ọyịị̄ zịị vẹ ọnịrị ịzị ọọ̄ zịị ngụ ẹngụ ẹtẹ vee hí angwa anị dị ẹ sị ụbanyị yị ọnị.

Ayịsaya 7:17

“Ama ẹwụ Ahazi, Ẹnẹyịmavara vaa sị ụyaa rị ẹwụrị aza awụ ne beri ovwoovu ada awụ. Aza ẹ yị vịdị vavọọ rị ụya hụrẹ ụmẹ oni Ehwireemi sị hụrẹ ha hụrẹ ẹngụ Ijuda. Aa sị ohinọyị Anasiriyaa vẹ.”

Ayịsaya 7:20

Ịhị ọnọọ dị Ananyị yị tụ́ na hị́ ohinọyị Anasiriya. Wâ yẹ ka ịrẹkụ ẹnịnị ệ rẹ́ ẹnẹmẹhị. Ẹ vaa vẹ dị ẹ va kụ́ wụ nịnị ịrẹsụ nyọọnyọrọ, dị ẹ rẹ kụ́ ịrẹwa ne beri ịrẹta awụ nịnị.

Ijeremaya 47:2

Ọ kà, ré, ịrẹyị aa vẹ hụrị eyi ẹbẹẹba. Aa vẹ eyiha-eyiha anka irehu ọọ́ há ngụ ẹkụra avọọ. Ịrẹyị ọnọọ vee tu avaba aha ọnịrị ịsa ene hi ịnị anị, o vee tu ẹkụra ọrụrụ ọnịrị aza ana ra hi ịzọọ. Aza vee nowu ka à va gụ ẹnị ụvọ; dị avaba anẹhẹ aa jị òrèrè ọngwọọngụ.

Ijeremaya 51:42

Ẹngụkata oo tu Ịbabịrọnị anka enyi ịnị oku ọ̀ọ rere aa jị ayị dị ọ dà ve ku ọ avọọ.

Ezikẹẹrị 26:19

Ẹnẹyịmavara Ochẹtẹẹngụ ka, ọnị vaa tụ wụ osusu anka ẹkụra ana a jị eburu dị ẹ̀ yị nyị ọza ana kụkụ ra ịnị anị avọọ. Ọnị vaa mẹ ka we vu hi ịnị enyi ana nyịnẹ nịnị.

Ịdanịyẹrị 11:10

Ezi ohinọyị Isiriya vee tenyi ẹngụ ịrẹkụ dị ẹ hàrà isoja gụ tatarata. Ọnyara ịnị ẹnịnị ọnịrị isoja anị vaa zàmà ẹtẹ parahu anka ọhaara enyi avọọ. Dị ẹ kụ̀ ịrẹkụ huuu na ngụ ịzị ọnịvị ẹnịnị tẹ̀ hi.

Ịdanịyẹrị 11:22

Àa nyị isoja nịnị ana ka ẹnị ẹ yị dọ yọ, ọ̀ọ daka rẹ vị ohirẹsụ ọbanyị irehi Ohomorihi, ó vee hi wa hụrị ẹtẹ hụyẹ-hụyẹ nị.

Ịdanịyẹrị 9:26

Ịjị ụmẹ ọnọọ ọ̀ọ sị gụ, a vaa kụ ayị ọdọvịdị ọnị Ohomorihi nyị aanị dị aa wụ̀ ọ. Ọdọvịdị ọnyara vaa sị ụkata kụ isoja anị vẹ, dị e vu Ijerusarẹmị ọnịrị irehi Ohomorihi ana ya ịzọọ ẹtẹ. Ịsị ẹ vaa za ịrẹsụ yị ọdọvịdị ọnọọ ve divi ẹtẹẹtẹrẹ. A vaa kụ̀ ịrẹkụ dị e du ịsa ha ẹtẹẹtẹrẹ. Avọọ Ohomorihi mẹ mẹ̀ ẹ ọda tịtẹ nị.

Emọsị 8:8

Agụvị ebira odivi ẹngụ ẹnịnị, dị Ẹnẹyịmavara henyi avaba ẹtẹ ịzọọ nị. Dị ẹtẹ ee ne vaa hịrẹ vaa chi anka ẹnyị irehu Ịnayịrị mẹẹ da eganggu ịnị ị̀rẹ̀sụ̀, ọ vaa nọ ẹtẹ avọọ nị. Ọzọza vee na owu ịhị ana mẹ wa.

Emọsị 9:5

Ẹnẹyịmavara Ochẹtẹẹngụ Ananyị yị, Ọ sị ụvọ kanyị ẹtẹ kẹnẹ dị o su enyi, dị avaba aza aa zị ẹngụ nị. Ẹtẹ va sị mẹẹ́ irehu Ịnayịrị Ijipiti enee hi dị ọ hụ avọọ nị.

Imika 1:9

Ịrẹyị ene tù Anịsamarịya vị ana sị mẹẹ anka ikenebe arụmada ẹnẹ ẹ yị mā vị avọọ nị. Ẹngụ ịrẹyị ọnọọ ee vee tu Ijuda aanị nị. Ẹngụkata ọnọọ ọ sị ngụ tù aza anị ene hi Ijerusarẹmị.

Imika 5:4

Ẹnẹyịmavara vaa sị ụkataa yị aza ọnị ọ vaa sị vẹ. Ụkata ọnọọ o ve sii sere aza anị. Mị ka ụkata Ẹnẹyịmavara Ohomorihi ana nyị ụbanyị o ve sii sere wa nị. Angwa o yi kuku vee hi aza Ohomorihi agụvị ka avaba anẹhẹ vaa yẹ ka Ohomorihi ộ banyị.

Imika 5:5

Ọza oni Ohomorihi vaa sị rị ohinọyị aanị vị ana vaa kụ́ ẹngwọọrọ vẹ. Ịhị Anasiriya ẹ̀ẹ kụ́ ịrẹkụ vẹ ịnị ẹkụra ayị dị ẹ va ngụ ịzị ị tẹ tụ́ nị, Dị ị kụ́ ọdọvịdị ayị ana nyị ụkata tù wa.

Ịnahụmị 1:8

Ẹnẹyịmavara vi ene vee vu ọnịvị anị ẹtẹ anka ọhaara enyi mẹẹ̄ kụ ịsa avọọ. Dị ọ sị ọnịvị anị nịnị na gẹrẹ usu.

Iruuku 6:48

Vị ọ sị mẹẹ anka ọza ana aa dà irehi, dị ọ vịdị chị ẹtẹ nyịnẹ, dị ọ kà ẹtẹ tụ́ ịrẹsụ ịda nị. Ịjị ọhaara vẹ, di okuha dà nya irehi ọnọọ ẹtẹẹtẹrẹ nị, ọ yị hyakụ zụ zizi ọọ; agụvị ka â ká a ẹtẹ katẹngụ.

Ẹtore 17:15

Dị anggẹẹrị ọnọọ rẹ kà a mị ka okuha oni mi re avọọ ọnị ọsẹrẹka ọnọọ yaayịtẹ ịrẹsụ anị vị ana jẹẹ yị ẹkụra nịnị ọnịrị aza nịnị ne beri aza irenyi-irenyi ana aa kà ẹkụra irenyi-renyi.