Ayịsaya 8:4 - IWE ỌNỊNỊ

⁴ Ọ kà di ozi ọnọọ ọ̀ na yaraa hị́ ‘Ada anị’ à vị ‘Ọnyị anị’ ohinọyị Anasiriya va raà kụ́ ogu Anịdamasịkọsị ọnịrị ogu Anịsamarịya.”

Ayịsaya 8:4 ပူးပေါင်းရင်းမြစ်များ

2 Ohinọyị 15:29

Ụmẹ ọnị Ịpẹka sị vị ohinọyị, Ítigirati Ipiresa, ohinọyị Asiriya sị kụ́ ịrẹkụ vẹ Isirẹrị, dị ọ dọ wa ẹkụra ẹnẹnị nị: Ayijoni, Ẹba Ịbẹtị Ịmaka, Ijanowa, Ịkẹdẹsị, ọnịrị Ịhazọ. Ộ rẹ dọ wa ẹtẹ Anigiriyadi, Igariri, ọnịrị Inahwitari nị. Ộ za aza ẹnẹẹ ọrịhị ne hi Asiriya.

2 Ohinọyị 16:9

Ịzẹyịza, ohinọyị Ásiriya ộ wụ́ ịrẹyị Ahazi; dị ọnịrị isoja anị nịnị kwẹẹtẹ tu Ịdamasịkọsị nị. Ộ nyị ẹbẹẹba anị, dị ọ wụ Irezini ohinọyị, dị ọ za aza ene hi ịzọọ ọrịhị ne hi ẹkụra ana aā hị́ Ịkịrị nị.

2 Ohinọyị 17:3

Isarimanẹsẹrị ohinọyị Ásiriya ộ kụ́ ịrẹkụ tu Ihoseya, dị Ihoseya hụrẹ ẹngụ anị ụvọ yọ nị. Ihoseya vị ana vanaa kụ ịsa naa yọ ịrayị-ịrayị.

Ayịsaya 17:1

Ịrẹyị ene vee tù Anịdamasịkọsị yị. Ẹnẹyịmavara kà ọza ọ yị kụkụ vaa yẹ ka â nyị ẹkụra ana aa hí Ịdamasịkọsị. Ịzọọ vị ana vaa jị eburu bemi-bemi.

Ayịsaya 17:3

Ẹnẹyịmavara Ochẹtẹẹngụ kà ọvọ ana kara ẹkụra Anisirẹrị vee wuu vaa ha. Anẹkụra ọsa ọ vaa mẹ ịjọva tụra Anịdamasịkọsị ịrẹsụ nị. Anisiriya nini ana ha vị ana vaa yà ịnị ụhị anka Anisirẹrị nịnị avọọ.

Ayịsaya 28:4

Ụbanyị oni ohirẹsụ ẹtẹ ozoza ọnọọ aa sii mẹ eyi vị ana a vaa dọ ọ dị ọza o yi kuku re e. Vị ọ vaa sị mẹẹ anka ẹtụtụ ọchị ana aā hị́ ihwigi avọọ nị. Ọza ene èe vịdị re ene vi ịnị anị di ò ve tù ụmẹ ana a sị ha a, ọ wụsẹ vịdị aa ha a nị. Ọ̀ọ sị ọ ha kẹnẹ dị ọ wụsẹ mụnẹ ẹ.

Ayịsaya 8:5

Dị Ẹnẹyịmavara rẹ kà a mị dị ọ ka,

Emọsị 1:3

Ẹnẹyịmavara kà, “Anịdamasịkọsị ẹ raà mẹ̀ ebira odivi tụra-tụra, agụvị avọọ ọnị vaa sị ụya rị wa. Ẹnịnị ẹ raà chamayị yị Anigiriyadi ẹnẹmẹhị. Ẹnịnị ẹ yị mẹ̀ ẹ sị rị.

Emọsị 1:5

Avọọ ọnị mẹ̀ rẹ vaa gara oze ọbanyị ana na ngụ Ịdamasịkọsịị ha nị. Aza ana ra ịnị osusuu Aveni ọnịrị ohinọyị Ịbẹtị-Edeni vi ene vee vú ẹtẹ. Anisiriya nịnị vị ana vaa za ọrịhị nọ ẹkụra ana aā hị́ Ikiri.”

Ijona 4:11

Ọ̀ọ maanị aa zị ẹngụ yị avị ọnọnị, aanịka ẹ yị vọrọ ka ọnị ọ tẹsị Anininivẹ, ẹkụra ọbanyị ọnọọ, ịzịị aza ene hụụnị ịrịka akahị-akahị oze ẹchẹhị tụra oohu raa hị́? Aza ẹnẹnị ẹ yị yẹ ọyịza, yẹ ọhịmị, dị a hyakụ vaa ka ịsụpa ẹnịnị.

Aniroomi 9:11

Ama dị ọ va yẹ ka ọnịị ma ezi ẹnẹẹ, dị ẹ hyakụ va yẹ ka ẹnịị mẹ ọyịza, àa vị odivi, Ohomorihi ộ kà a yị Irebeka ka: Ana vị ọzọkụ ọ vaa hẹkẹ ana vị Ozweyi nị. Ọnọọ ộ sị zụ̀ ka Ohomorihi o yi sì eto ọnị ọnị mẹ ini oze ọza ọyịnyị, ọ̀ jẹẹ ịrẹsụ ịsa ọnị ọza sị ụvọ anị mẹ. Ama avaba anị vị ana yà ịnị ụvọ Ohomorihi ana hị́ ọza.

Iwe Ọhụhị Imosiisi ana aa hị́ Ọyịvatụrọda 1:39

Ẹnẹyịmavara ộ kà a yị wa ka, ezweyi ẹnịnị ẹnị ẹ yị yẹ ọyịza hi odivi, ọnị e ro ka aa vaa za ọrịhị ịrẹkụ, ẹ vaa ngụ ẹtẹ ọnọọ nị. Ẹnị ọnị vaa sị ẹtẹ ọnọọ yị dị ahịka ẹnị ẹ dọ ọ nị.