Ayịsaya 7:9 - IWE ỌNỊNỊ

⁹ Isamariya aa vịị vị ohirẹsụ Ehwireemi nị, dị ahịka ozi Iremaraya ọ vị vị ohinọyị anị nị. À yị vị ụ sị sị ayị tụra Ẹnẹyịmavara, wẹ yị va zụụ jẹẹ.

Ayịsaya 7:9 ပူးပေါင်းရင်းမြစ်များ

2 Ohinọyị 15:27

Ịnị ana tụ ọ ịrayị ẹvarẹwụ tụra ẹẹva ọnị Azarịya rị ohinọyị Íjuda, Ịpẹka ozi Ịrẹmarịya ộ rị ohinọyị Ísirẹrị. Ịsamarịya ọ yà, dị ọ mẹ ohinọyị anị ịrayị oohu nị.

2 Ịtọpa 20:20

Ẹnẹnẹ viri-viri eyinẹhẹ anị, dị aza kwẹẹtẹ nọ ịnị ụnọmị ana gụrị Itekowa nị. Ẹnịnị màa kwẹẹtẹ, dị Ijehosahwati ka ịrẹyị ẹnẹnị yị wa nị. Ọ kà a, ẹnị anọrụ Ijuda ọnịrị Ijerusarẹmị ẹ sị ayị ẹnịnị tụra Ẹnẹyịmavara Ohomorihi ẹnịnị, dị ẹẹ jẹẹ geri-geri. Ẹnịnị ẹ dọ ịrẹyị ọnị ọnịsẹ nịnị ka yị wa, ka ẹ vaa nyị ehuna.

Ayịsaya 28:1

Wa sị da nịnị, ẹwụ nịnị Anehwireemi ana aa mẹ eyii zị. Ụbanyị awụ nịnị aa sa anka amu ohinọyị ọnị ọdọvịdị awụ nịnị kú avọọ. Amu ọnọọ aa saa tụ́ ịrẹsụ ọdọvịdị awụ nịnị ana ahịka ohweche ẹnị vị nị. Wa sị dà, ẹwụ ọnọọ ana vị ohirẹsụ ẹtẹ ene zoza oni ohweche ene hi ịzọọ aa sịị mẹ eyi. Dị ẹ daka vavọọ aa mii mẹ eyi, eche vi ene hú wa ẹtẹ.

Ayịsaya 5:24

Wâ yẹ ịra mẹ̀ẹ rị avị ana sị wụ ịra, dị ẹpa anị ọnịrị ododo anị vụ̀ va ha. Avọọ gẹdẹ-gẹdẹ a mẹ̀ vaa mẹ aza ẹnẹẹ nị, agụvị ka ẹ ka ẹnị ẹ yị dọ ọda Ẹnẹyịmavara Ochẹtẹẹngụ. Ẹ raà sị eyi ịyẹyẹ re ịrẹyị Ohomorihi Anisirẹrị.

Ayịsaya 7:10

Dị Ẹnẹyịmavara rẹ kà a yị Ahazi dị ọ ka

Ayịsaya 7:4

Ọ kà òo ne si tụ̀ ọ dị ọ̀ kà a yọ ka ò si eyi pè ẹtẹ dị ọ̀ vayị nẹtẹ. Kà a ka asị o hí angwa. Kà a ka asị ayị hụrẹ ẹ ịnẹ agụvị ịrẹyị Irezini ọnịrị Aramị ana vi Iremaraya ana aa kụ́ ayịị hi wu. Ẹnịnị vị ana sị mẹẹ ẹjịjị ịra ẹẹva ana aa tụ́ areyi avọọ.

Ayịsaya 8:4

Ọ kà di ozi ọnọọ ọ̀ na yaraa hị́ ‘Ada anị’ à vị ‘Ọnyị anị’ ohinọyị Anasiriya va raà kụ́ ogu Anịdamasịkọsị ọnịrị ogu Anịsamarịya.”

Ayịsaya 9:9

Avaba aza vaa yẹ, Anehwireemi ọnịrị Anịsamarịya vi ene ee wuu zị dị ẹ ka

Ijeremaya 43:2

Dị ọnọrụ ọnya ana aā hị́ Azarịya ozi Ihosaya, ọnị Ijohananị ozi Ikareya ọnịrị ẹnị enee wù zị, nee tụ́ ohi ka, ireche oni ee che nị. Ẹ ka, Ẹnẹyịmavara, Ohomorihi ẹnịnị, ẹ́ yị tụ ọnị ka, ọnị ọ̀ kà a ka asị ẹnị na ra Ijipiti.

Imika 1:5

Avaba ịsa ẹnẹnị ệ mẹ̀ tụ́ ezi Ijekọvụ agụvị ka ệ mẹ̀ ebira odivi ọnịrị akamawụ hi Ohomorihi. Ẹnẹ nyị ohuvọ akamawụ Isirẹrị? Aa vị aza ene hi Ịsamarịya! Ẹnẹ rị ịvị ori ọyị hẹkẹ ịnị ẹtẹ Ijuda? Aa vị aza ene hi Ijerusarẹmị!

Odeyi 27:11

Ama ịrẹyị ọga ẹpa ọnịrị ọza ana nyị ẹpa ọ́ga isoja nịnị ọnọọ dọ wụ́ nị. Ọyị dọ ịrẹyị Ịpọọrụ wụ́.

Odeyi 27:25

Agụvị avọọ, ngwara eyi hi nịnị, anda ayị, agụvị ka mâ dọ Ohomorihi wụ́ ka, ọ mẹ̀ kà a mị, avọọ ọ vaa vị nị.

Aniroomi 11:20

Ịzẹyịza yọ. Ẹnịnị ẹ yị sị ayị tụra Ohomorihi, agụvị avọọ Ohomorihi dà wa kwooze nị. Ộ sị ẹwụ nịnị va tụ́ udi ẹnịnị, agụvị ka ẹwụ nịnị ộ sị ayị tụra Ohomorihi. Asị ụ na sị ọnọọ mẹ eyi zịịzị nịnị, ama â vọrọ ka wa nyị angwahi nịnị!

Anihiburu 11:6

Ọza ẹnẹ ẹ̀ yị sị ayị tụra Ohomorihi, ọ yị nyẹngụ zé Ohomorihi eyi vụrụ-vụrụ. Iruvo ọ vị ka ọza ana àa vẹ ịdị Ohomorihi, áa nyị ka ọ̀ vịdị dọ wụ́ da ka Ohomorihi yà ịzọọ, ọnịrị ka ọọ̄ sị ọgụụ yị aza ene èe sì ọọ.

1 Ịjọọnụ 5:10

Agụvị avọọ, ọza ana àa sị ayị tụra Ozi Ohomorihi, vaa yẹ ịnị ayị anị ka ịzẹyịza ívenu ọnọnị vị nị. Ama ọza ẹnẹ ẹ̀ yị sị ayị tụra Ohomorihi, ọ sị Ohomorihi za onireche da, agụvị ka ọ́ yị dọ ịrẹyị ọnị Ohomorihi kà ini oze Ozi anị wụ́.