Ayịsaya 7:7 - IWE ỌNỊNỊ

⁷ Ireche eyee che nị, ẹ yị vavọọ va zụụ mẹ. Ọnị Ẹnẹyịmavara ọ ka avọọ nị.

Ayịsaya 7:7 ပူးပေါင်းရင်းမြစ်များ

Ahẹ Ụgama 33:11

Ịsị Ẹnẹyịmavara kà ọnị aa mẹ ẹ yị nyị ịsị e zụ zizi ọ, avọọ ọ màa yà nị, ee!

Ahẹ Ụgama 76:10

Aza aa kụ́ ayị ọnọọ vị ana vaa mẹ ka aza ẹ̀ẹ sị ụbanyịị wụ, dị aza ana vọ ana aa kụ́ ayị za ụvọ chire enyi nị.

Ụhịrẹyị 21:30

Ẹ nyị ịsị ịrẹyọyẹ ọnịrị eyohweyi ọza vị ọvịdị Ẹnẹyịmavara.

Ayịsaya 28:18

Eku ẹnị ẹwụrị iswọọza hị́ yị ẹngụ vị ana vaa vi osusu. Ịrẹyị ẹwụrị ikuta oni u ro ka ọ sị jẹẹ vị ana vaa tụ́ ahịị ha. Ịjị ịrẹyị odivi ọ̀ọ vẹ, vi o vee hú wu ẹtẹ nị.

Ayịsaya 37:29

Ọnị ọ raà wụ enube ọyịkụ awụ ọnịrị ụ mẹmẹ aa sị ẹngụụ tụ ẹba. Booro aanị, ọnị vaa jị arịị chire wu aahị, dị ọnị ka enyusẹ ngụ wụ irenu, ọnị vaa sị wụụ zi oze ọnị ụ zị vẹ gẹdẹ-gẹdẹ avọọ varẹma.

Ayịsaya 7:1

 nyị ụmẹ ọnya ana Ahazi sị vị ohinọyị Ijuda. Ahazi ọnọọ vị ozi Ijotami ana ada anị rị Uzaya. Di ohinọyị Aniroomi ana aā hị́ Irezini ọnịrị ohinọyị Anisirẹrị ana aā hị́ Ịpẹka ana vi ozi Iremaraya na vabẹ dị ẹ kụ́ ịrẹkụ ne tù Ijerusarẹmị nị. Ama e rè vee zuu huna Anijerusarẹmị.

Ayịsaya 7:6

Ẹ ka ẹnị aa kụ́ ịrẹkụ nee tù Ijuda dị ẹnị ẹ gara a ha chẹchẹchẹchẹ. Ẹ ka ẹnị aa gà a hi ẹngụ ụvọ dị ẹnị ẹ̀ na sị ozi Itabeeri va vị ohinọyị tụ́ ịzọọ.

Ayịsaya 8:10

Ụ wàa mẹ̀ zụ u tenyi ẹngụ nịnị, we yi yèe ree mẹ nịnị; nyayịnẹ gẹ eyi nịnị, osusu avaba anị aa vị nị, agụvị ka Ohomorihi jẹẹ pè yị.

Arụwẹ 3:37

Ẹnẹ nyẹngụ ka ịrẹyị dị ọ sị gẹ ẹ̀ẹ yị vị Ananyị yị sị ụvọ tụ ọ?

Ịdanịyẹrị 4:35

Inebukadineza ka, ẹ yị nyị ịsị avaba anẹhẹ vị̀ eyi Ohomorihi. Anggẹẹrị ene hi ẹbẹẹba ọnịrị avaba anẹhẹ vị ene hi ịnị ụvọ anị. Ọnị ọ vị ọmẹrẹyị ọnị ọza ẹ yị ma họ̀ ka sị ẹ vẹ nị. Ẹ̀nẹẹ nọ ọ ịrẹvụ?