Ayịsaya 7:6 - IWE ỌNỊNỊ

⁶ Ẹ ka ẹnị aa kụ́ ịrẹkụ nee tù Ijuda dị ẹnị ẹ gara a ha chẹchẹchẹchẹ. Ẹ ka ẹnị aa gà a hi ẹngụ ụvọ dị ẹnị ẹ̀ na sị ozi Itabeeri va vị ohinọyị tụ́ ịzọọ.

Ayịsaya 7:6 ပူးပေါင်းရင်းမြစ်များ

1 Ohinọyị 12:16

Ịjị ọ maanị sị yà, Anisirẹrị nịnị ê re ka ohinọyị ọ yị wụ́ ịrẹyị ọnị ẹnị kà. Dị aza ẹnẹẹ ve tụ́ ohinọyị ohi dị ẹ ka, “Ẹ yi va nyị aayị rị tụ́ ini ozi Ijeese, o! Ẹwụ nịnị Anisirẹrị, ọzọza ọ̀ọ nọ ini eehi o! Idevidi, ẹwa rẹ na sị eyi pè irehi ẹwụ!” Ịzẹyịza di Anisirẹrị si hu aa nọ ini eehi ẹnịnị nị.

2 Ohinọyị 11:2

Ama â nyị ọnẹẹ ọnya ana aa hị́ Ijehosẹba, ozi ohinọyị Ijorami, dị ọ vị onyeyiza Ahaziya nị. Ộ sị Ijowasi ozi Ahaziya hụrẹ ẹngụ ezi ohinọyị ana vọ ana aa vaa wụ̀; dị ọ sị ọnịrị ọza anaa tẹsị anị na tẹ̀ ịnị aku nị. Avọọ ọ mẹmẹ sị ọ tẹ yị Atarịya, dị ọ̀ yị rẹ va zụ wụ ọ nị.

2 Ịtọpa 13:8

Abija kà ọyaanị Irehobowami vi eni tenyi ẹngụ dị ọ va eyi ịrazị ka udi ohinọyị ọnị Ẹnẹyịmavara raà sị yị Idevidi ọnịrị ụnaka anị. Agụvị avọọ ộ kụ́ otomiroku isoja kara ẹngụ anị, dị ọ sị ụnọ ana a sị igooru mẹ̀ ka ọ vị ori awụ nịnị.

2 Ịtọpa 21:7

Ama Ẹnẹyịmavara ẹ yị sị ka ọnị o vu ovwoovu Idevidi ẹtẹ agụvị oto ọnị ọvịdị wo yọ. Ẹnẹyịmavara ộ kà a ka ụnaka Idevidi ẹ vaa rị ohinọyị vọ yị ẹngụ pooro nị.

2 Ịtọpa 28:5

Ohinọyị Ahazi ộ mẹ̀ ebira odivi, dị Ẹnẹyịmavara ana vị Ohomorihi anị navọ ọ ka ohinọyị Anisiriya ô huna a eyi ịrẹkụ, dị ọ kụ́ Anijuda ọrụrụ-ọrụrụ ọnị ọ za ọrịhị vavẹ va ngụ Ịdamasịkọsị nị. Avọọ Ịpẹka ozi Iremaraya ana vị ohinọyị Anisirẹrị ịnị ụmẹ ọnọọ mẹ rẹ nyị ẹbẹẹba Ahazi, dị ọ nyayịnẹ wụ̀ aza anị va ha nị.

Ahẹ Ụgama 21:11

Ẹnịnị vaa gẹ eyi, di e yee sì oze ka ẹnị ẹ̀ mẹ wụ́ ịrẹyị odivi ama ẹnịnị ẹ yị va zụụ mẹ̀ ẹ.

Ahẹ Ụgama 83:3

Ẹ yaa sị ọbọ gẹ eyi aza awụ, e yee be aza ọnị ụ sì ịrẹyị anị.

Ụhịrẹyị 19:21

Aza ẹ zụ mẹ aro ọrụrụ-ọrụrụ tụ ịnị ayị ama ịsị Ẹnẹyịmavara oo si ọọ̄ vaa mẹ nị.

Ayịsaya 7:1

 nyị ụmẹ ọnya ana Ahazi sị vị ohinọyị Ijuda. Ahazi ọnọọ vị ozi Ijotami ana ada anị rị Uzaya. Di ohinọyị Aniroomi ana aā hị́ Irezini ọnịrị ohinọyị Anisirẹrị ana aā hị́ Ịpẹka ana vi ozi Iremaraya na vabẹ dị ẹ kụ́ ịrẹkụ ne tù Ijerusarẹmị nị. Ama e rè vee zuu huna Anijerusarẹmị.

Ayịsaya 7:5

Aramị ọnịrị Ehwireemi ne beri ozi Iremariya ẹ raà gẹ eyi ka ẹnị ẹ̀ va gara awụ nịnị ha.

Ayịsaya 7:7

Ireche eyee che nị, ẹ yị vavọọ va zụụ mẹ. Ọnị Ẹnẹyịmavara ọ ka avọọ nị.

Ayịsaya 8:6

aza ẹnẹnị ka ẹnị e yi sì enyi Isiro ana tangwa ee sì. Ẹ ka Irezini ọnịrị ozi Iremaraya ẹnị sì nị.