Ayịsaya 7:2 - IWE ỌNỊNỊ

² Dị a vana kà a yị anovwoovu Idevidi, dị a ka Aramị ọnịrị Ehwireemi ẹ sị vabẹ o. Ahazi ọnịrị aza anị mẹ̀ wụ́ ọ, ẹnịnị aa da ẹgahị angwa mèe hí wa, dị ẹ yaa banyị anka ahị mèe henyi ọchị ene hi ini iriku avọọ nị.

Ayịsaya 7:2 ပူးပေါင်းရင်းမြစ်များ

2 Ịsamụwẹrị 7:16

Kà a yọ ka irehi anị ọnịrị ohinọyị ọnị ọ rị vị ọnị mị vaa sị jẹẹ pooro.”

1 Ohinọyị 11:32

Ọ kà ọnị vaa sị ovwoovu ọnya yi Isoromọnị agụvị ka oni ô ro ịrẹyị Idevidi ozi ahụ anị ọnịrị ịrẹyị Ijerusarẹmị. Ọ kà Ijerusarẹmị ọ vị ẹkụra ọnị ọ nyị ịnị avaba ovwoovu Anisirẹrị nị.

1 Ohinọyị 12:16

Ịjị ọ maanị sị yà, Anisirẹrị nịnị ê re ka ohinọyị ọ yị wụ́ ịrẹyị ọnị ẹnị kà. Dị aza ẹnẹẹ ve tụ́ ohinọyị ohi dị ẹ ka, “Ẹ yi va nyị aayị rị tụ́ ini ozi Ijeese, o! Ẹwụ nịnị Anisirẹrị, ọzọza ọ̀ọ nọ ini eehi o! Idevidi, ẹwa rẹ na sị eyi pè irehi ẹwụ!” Ịzẹyịza di Anisirẹrị si hu aa nọ ini eehi ẹnịnị nị.

1 Ohinọyị 13:2

Dị ọza Ohomorihi ọnọọ nowu hi aha ịsọvọ ọnọọ ó màa kà ịrẹyị ẹnị Ẹnẹyịmavara sị tụ́ ọ vẹ, dị ọ ka, “Ẹwụ aha ịsọvọ ọnọnị, ẹwụ aha ịsọvọ ọnọnị, Ẹnẹyịmavara kà ma kà a wụ ka ẹwa yẹ, o ka â nyị ozi ọnọrụ ọnya aanị ana a vaa ma tụ́ ini ovwoovu Idevidi. Ọ kà ịrẹha ozi ọnọọ ọ vaa rị Ijosaya nị. Ọ kà ohi ịrẹsụ irehi Ohomorihi ene hi aha ọnẹba ana aa rị eturare ịra ịrẹsụ awụ aanị vị ọnị ọ vaa sị mẹ̀ ịsọvọ ịrẹsụ awụ. Ọ rẹ ka ẹnịnị vaa rị ẹchụkụ ọza ịra ịrẹsụ awụ.”

2 Ịtọpa 25:10

Avọọ dị Amaziya hụrẹ isoja Anehwireemi ẹnẹẹ ụvọ ka ẹ varẹma nọ eehi ẹnịnị nị. Ịsa ọnị ọ mẹ aanị, vị ana nyayịnẹ mẹ ka e du wa ayị hi Anijuda, dị ahịka ọyịkụ-ọyịkụ ẹ sị varẹma nọ eehi ẹnịnị nị.

2 Ịtọpa 28:12

Ẹnị ẹẹna ịnị ọdọvịdị Anisirẹrị nịnị ana aa hị́ Azarịya ozi Ijehohananị, Ịbẹrẹkiya ozi Imesiremoti ê yị jẹẹ pe wa.

Ahẹ Ụgama 11:1

Wáá yẹ ka Ẹnẹyịmavara mị sị ayị tụra nị? Ụ́ mẹmẹ zụ kà ka mee zwee nọ ịnị ataba anka inomi avọọ?

Ụhịrẹyị 28:1

Ọza ọhịmị ọọ̄ mẹ̀ ụha za gigiri nị, ama ayị ọnịzẹyịza vị ana vị́ anka ẹzụ avọọ.

Ayịsaya 11:13

Anisirẹrị e yi kuku vee pè Anijudaa kụ̀ ụhị. Anijuda ẹnị ẹyị rẹ kuku vee re Anisirẹrị ọnịvịị ẹnịnị.

Ayịsaya 22:22

Ọ kà ọnị vaa sị ọdaa chire e ụvọ ịjị anovwoovu Idevidi ọ̀ọ rị ohinọyị. Ịrẹyị ọnị ọnị ọ̀ọ ka ẹ yị nyị ọza ana va zụụ vara a.

Ayịsaya 37:27

Aza ana ra hi ẹkụra ẹnẹẹ ẹ yị nyị ụkata vụrụ-vụrụ. Angwa ộ hí wa, dị ẹnịnị vazi nị. Ẹnịnị vị ana sị mẹẹ avị ana chị́ hi ịnị aarẹ, à vị avị ana chị́ tụ ịrẹsụ irehi avọọ, dị ahị ịrịịra tụ́ hụrẹ eyi ọnị ọyịị̄ zịị vẹ, dị ọ va kụ wa kwooze nị.

Ayịsaya 37:35

Ọnị vee sere ẹkụra ọnọnị, dị ọnị ẹ yị zẹẹ ka à nyị ịsị ẹ mẹ̀ ẹ agụvị ụbanyị ọnị ọnị sị yị ịrẹha anị, ọnịrị agụvị oto oni ọnị wo yị Idevidi ozi ahụ anị.

Ayịsaya 6:13

Àa daka nyị ịzị aza gụ ẹẹwụ tụ̀ dị ahịka ọza ịnya ọ vọ nị, ọza ịnya ọnọọ vị ọnị ọ vaa sị hụrẹ oze. Ama aza chee ana vọ aanị vị ana vaa sị mẹẹ anka igugu ọchị ọbanyị ene è yi me sú avọọ. Aza Ohomorihi vị ana vaa sị mẹẹ anka igugu ọnọọ àaa ha avọọ.

Ayịsaya 7:13

Dị Ayịsaya va ka, “Ẹwụ anovwoovu Idevidi, batọ o! Ọza rị ẹyị ịrẹsụ ọ̀ọ nyị isuuru pooro dị ụ raà kụ́ ọ dụ ọ eyi nị, o yi zoza. Ama wa kụkụ raà mẹ ka Ohomorihi ana maanị nyị isuuru ọ̀ hyakụ du ọnị ịnyẹmba eyi.

Ayịsaya 7:17

“Ama ẹwụ Ahazi, Ẹnẹyịmavara vaa sị ụyaa rị ẹwụrị aza awụ ne beri ovwoovu ada awụ. Aza ẹ yị vịdị vavọọ rị ụya hụrẹ ụmẹ oni Ehwireemi sị hụrẹ ha hụrẹ ẹngụ Ijuda. Aa sị ohinọyị Anasiriyaa vẹ.”

Ayịsaya 7:5

Aramị ọnịrị Ehwireemi ne beri ozi Iremariya ẹ raà gẹ eyi ka ẹnị ẹ̀ va gara awụ nịnị ha.

Ayịsaya 8:12

ẹ̀ẹ yaa kà a ka vị aa gẹ eyi ọza nị, asị ẹmị rẹ na vavọọ ka. Ọ kà asị mi hí angwa ịsị èe yee hí angwa anị.

Ayịsaya 9:9

Avaba aza vaa yẹ, Anehwireemi ọnịrị Anịsamarịya vi ene ee wuu zị dị ẹ ka

Ijeremaya 21:12

ẹ̀ wụ́ ịrẹyị ọnị Ẹnẹyịmavara aa ka: Re ka waa mẹ ịzẹyịza nịnị eyinị-eyinị. Ọza ọnị ọza aa mẹẹ rị ụ dọ ọ hụrẹ ọza ana mẹẹ rị ụvọ nịnị. Ẹ̀ yị vavọọ ebira odivi awụ nịnị vaa mẹ ka ọnị ọ̀ kụ ayị hi u nịnị anka ịra anaa zá dị ọza e yi zụ mi ọ avọọ.

Ihoseya 12:1

Anehwireemi nịnị vị ana sị avaba ụmẹ ẹnịnị tịtẹ aa sị dụ osusu ọnịrị oyidu kẹnẹ. Dị ẹ dà ụvọ tụ́ ụvọ ịnị ireche ọnịrị ezigidi ọyịmẹ̀ huu avọọ nị. Dị ẹnịrị Anisiriya mẹ̀ eto vabẹ, dị ẹyaa sẹ̀ ohu angwẹ nọ Ijipiti nị.

Imatiwu 2:3

Ịjị Ịhẹrọdị maanị wụ́, ayị anị ọ yị nẹtẹ, ayị avaba Anijerusarẹmị nịnị ẹ́ yị rẹ nẹtẹ bẹẹ.