Ayịsaya 7:12 - IWE ỌNỊNỊ

¹² Dị Ahazi ka ẹ yị nyị ịsị ọnị ee họ̀ use anị. Ọ kà oni o yi sì ka ọnị ọ̀ zama Ẹnẹyịmavara re.

Ayịsaya 7:12 ပူးပေါင်းရင်းမြစ်များ

2 Ohinọyị 16:15

Ahazi ộ kà a yị Uriya ka: Ụta ịsọvọ anị ọnọnị ọ gana hu nị. Ọ kà, ọ̀ kụkụụ ya ịnị anịị mẹ̀ ịsọvọ ẹnẹnẹ ana aā rị ịra, ọnịrị ịsọvọ oruva ana aā sị ịsọyịrị mẹ. Ọọ ya ịnị anịị mẹ̀ ịsọvọ ana aā rị ịra ọnịrị ịsọvọ ịsọyịrị ana aā mẹẹ yị ohinọyị ọnịrị aza. Ọọ ya ịnị anị mẹ̀ ịsọvọ ana aā sị eche mẹẹ yị aza ọ ka ọọ va avaba ịsụpa ana aa sịị mẹ ịsọvọọ hi ọ. Ama ọ̀ sị ụta ana a sị ibironzi mẹ aanị tịtẹ yị ọnị. Ịnị anị ọnị vaa yaa mẹ̀ aduwa, dị ọnị oo si iruvo ịsị Ohomorihi òo sì ka ọnị ọ̀ mẹ nị.

2 Ịtọpa 28:22

Ịrẹma odivi-odivi ana maanị tu ọ aanị, ọ vana da ngụ ịnị ebira aa mẹ hi Ẹnẹyịmavara hu avọọ nị.

Ayịsaya 7:11

ò họ̀ use ka ọnị ọ̀ sị zụ̀ ọ ịsị ọ vaa sị yẹ ka ịrẹyị ọnọnị vị ịzẹyịza. Ọ kà òo zee e eyi ò họ̀ use ka ọnị ọ̀ sị ịsa hụrẹ uruvo ẹtẹ àa vị ẹbẹẹba keekere mẹ apọtẹrẹwa ka ịrẹyị ẹnẹnị vaa mẹ.

Ayịsaya 7:13

Dị Ayịsaya va ka, “Ẹwụ anovwoovu Idevidi, batọ o! Ọza rị ẹyị ịrẹsụ ọ̀ọ nyị isuuru pooro dị ụ raà kụ́ ọ dụ ọ eyi nị, o yi zoza. Ama wa kụkụ raà mẹ ka Ohomorihi ana maanị nyị isuuru ọ̀ hyakụ du ọnị ịnyẹmba eyi.

Ezikẹẹrị 33:31

Ịzẹyịza dị aza hàrà gụ ka ẹnị ẹẹ wụ́ ịrẹyị ọnị waa kà. Ama ẹnịnị ẹ́ yị mẹ ịsị ọnị ụ ka ẹ̀ mẹ. Wàa wụ́ ịrẹyị irenu ẹnịnị, ụ ka ẹẹ da sì ịrẹyị aza, ama ọhọha vị ọnị ẹyaa yịị mẹẹ zị.

Ịmarakayị 3:15

Ye re kà a ọza ana aa sị ẹngụ anị tụ ẹba vị ọnị ọ rọ ẹngụ Aza ọhịmị vị ọnị o zee yi. Ẹ yaa sị ebira odivi zama Ẹnẹyịmavara re, dị ẹ sị rị.

Odeyi 5:9

Dị Ipita kà a yọ ka, “Sị ẹ vẹ dị ẹwụrị ọva awụ mẹ ariro ka wa zama Ụhwẹ Ọnịnị re nịnị? Re! Aza ene ne ne oku ọva awụ, aa vaa ngụ ịzẹnị booro aanị, ẹnị raa vaa sị ẹwụ bẹẹ.”

1 Anịkọrịntị 10:9

Asị ị rẹ na zama Ananyị yị re, anka aza ẹnyị ịnị ẹnịnị mẹ̀ rẹ mẹ! Dị Ohomorihi tụ́ ẹwụ na jị wa ịrẹrụ, di e sú va ha nị.

Iwe Ọhụhị Imosiisi ana aa hị́ Ọyịvatụrọda 6:16

Asị ụ zama Ẹnẹyịmavara re anka ụ mẹ mẹ Umasa.