Ayịsaya 7:1 - IWE ỌNỊNỊ

¹ Â nyị ụmẹ ọnya ana Ahazi sị vị ohinọyị Ijuda. Ahazi ọnọọ vị ozi Ijotami ana ada anị rị Uzaya. Di ohinọyị Aniroomi ana aā hị́ Irezini ọnịrị ohinọyị Anisirẹrị ana aā hị́ Ịpẹka ana vi ozi Iremaraya na vabẹ dị ẹ kụ́ ịrẹkụ ne tù Ijerusarẹmị nị. Ama e rè vee zuu huna Anijerusarẹmị.

Ayịsaya 7:1 ပူးပေါင်းရင်းမြစ်များ

2 Ohinọyị 15:25

 nyị ọga isoja Ịpẹkahịya ọnya, ana aā hị́ Ịpẹka ozi Iremaraya. Ộ kụ anọrụ Anigiriyadi ẹnị ẹvarẹwụ vaka ẹngụ, dị ẹ wụ Ịpẹkahịya tụ ini aku irehi ohinọyị ana ya Ịsamarịya nị. Ộ sị ọ wụ, dị ọ rị ohinọyị dọ ọ ịrẹsụ nị.

2 Ohinọyị 15:27

Ịnị ana tụ ọ ịrayị ẹvarẹwụ tụra ẹẹva ọnị Azarịya rị ohinọyị Íjuda, Ịpẹka ozi Ịrẹmarịya ộ rị ohinọyị Ísirẹrị. Ịsamarịya ọ yà, dị ọ mẹ ohinọyị anị ịrayị oohu nị.

2 Ohinọyị 15:37

Ụmẹ ọnị Ijotami sị vị ohinọyị ọ vị ịpaapa ọnị Ẹnẹyịmavara tụ́ Irezini ohinọyị Ísiriya ọnịrị Ịpẹka ohinọyị Ísirẹrị ka ẹ̀ kụ́ ịrẹkụ vẹ Ijuda nị.

2 Ohinọyị 16:1

Ịnị ana tụ ọ ịrẹyị ẹwụrịhịmba ọnị Ịpẹka ozi Ịrẹmarịya rị ohinọyị Ísirẹrị, Ahazi ozi Ijotami ộ rị ohinọyị Íjuda.

2 Ohinọyị 16:5

Irezini ohinọyị Ísiriya ọnịrị Ịpẹka ohinọyị Ísirẹrị ệ kụ́ ịrẹkụ tu Ijerusarẹmị, di isoja ẹnịnị kara a okiri-okiri nị, ama ẹnịnị ẹ yị va zụ nyị ẹbẹẹba Ahazi.

Ayịsaya 1:1

Iwe ọnọnị vị iwe etore oni Ohomorihi si zụ̀ Ayịsaya ana vị ozi Amozi. Ịnị ụmẹ ọnọọ Uzaya, Ijotami ọnịrị Ahazi ne beri Ihezekaya ẹ vị avọọ vị ohinọyị Ijuda tù ẹngụ tù ẹngụ nị. Ohomorihi ộ sị ẹtẹ ọnọnị zụ̀ Ayịsaya, dị ọ kà a yọ ịrẹyị ene vee tù Ijuda ọnịrị Ijerusarẹmị nị.

Ayịsaya 8:6

aza ẹnẹnị ka ẹnị e yi sì enyi Isiro ana tangwa ee sì. Ẹ ka Irezini ọnịrị ozi Iremaraya ẹnị sì nị.

Ayịsaya 9:11

Ama Ẹnẹyịmavara ọ raà tụ́ ọnịvị Irezini ịrẹyị ka ẹ̀ kụ́ ịrẹkụ ne tù Anisirẹrị.

Ezikẹẹrị 27:16

Anẹkụra ana aā hị́ isiriya (Aramị) aa vẹ ịdị awụ nịnị vaa hị́ ịsa ọrụrụ-ọrụrụ ọnị ụ nyị nịnị. Dị ahịka ịrẹta ọkatarihi, ịta ana achẹrẹ ódodo, ịta ana a mẹ̀ ụkọrọ hi, ịta ọvụ ene zoza, ọmọ, ọnịrị isuu eyee sii sí wu ụta nịnị nị.

Ihoseya 1:1

 nyị ọza ọnya aanị ana aa hị́ Ihoseya, ana vị ozi Ibeeri. Ẹnẹyịmavara ộ tụ́ ọ ụtụ ịnị ụmẹ ọnị Uziya, Ijotami, Ahazi, ọnịrị Ihezekaya nịnị sị mẹ̀ ohinọyị Ijuda vọ yị ẹngụ. Ịnị ụmẹ ọnọọ gẹdẹ-gẹdẹ, Ijerobowami ozi Ijowasi ọnị rẹ sị vị ohinọyị Isirẹrị nị.

Imika 1:1

 nyị ụmẹ ọnya aanị, ịnị ụmẹ ọnọọ Ijotami ọnịrị Ahazi ne beri Ihezekaya vavọọ vị ohinọyị tù ẹngụ tù ẹngụ tụ́ Ijuda nị. Ịnị ụmẹ ọnọọ Ẹnẹyịmavara mẹ ka Imika ana vị Animoreseti ò re ẹtẹ. Ini etore ọnọọ, dị Ẹnẹyịmavara pè e kà ịrẹyị nị. Ẹtẹ ọnị Imika re vị ịrẹyị ene vee tù Ịsamarịya ọnịrị Ijerusarẹmị.