Ayịsaya 66:5 - IWE ỌNỊNỊ

⁵ Batọ ịrẹyị Ẹnẹyịmavara ẹwụ nịnị ene hí angwa anị: Aza awụ nịnị ana nyị ịhyẹrẹ awụ di e yi wụ tịtẹ agụvị anị vaa sị wụ nịnị mẹ enyi ini. Dị ẹ ka, Ẹnẹyịmavara ọ́ sị ụkata anị zụ dị ẹnị e re kẹ. Ama ẹnị a vaa mẹ̀ ụhị nyị nị.

Ayịsaya 66:5 ပူးပေါင်းရင်းမြစ်များ

1 Ohinọyị 21:29

dị ọ ka, “Me re ka Ahabị ộ kà ẹngụ anị chi. Ka ộ maanị kà ẹngụ anị chi, mẹ yị kụkụ vaa kụ́ ịrẹyị odivi vee kú ọ ịrẹsụ ịnị ụmẹ aanị, ama ịnị ụmẹ ozi anị mị vaa kụ́ ịrẹyị ọnọọ vee kú irehi anị ịrẹsụ nị.”

2 Ohinọyị 22:10

Dị Ịsahwanị kà yị ohinọyị ka, iwe ọnị Ihirikaya sị yị ọnị yị. Dị sị ọngwẹ tụ́ ẹba za a ịrịka zụ ohinọyị nị.

2 Ịtọpa 34:27

Ô ro ịnẹ, dị ọ va ẹngụ nẹtẹ ọvịdị anị, dị ọ na awuru anị hi ẹngụ, di e sụ ùnè agụvị ka ộ wụ́ ka oni o chire wa angwa ka ọnị aa sị ụya rị Ijerusarẹmị ọnịrị aza ene hi ịzọọ. Ẹnẹyịmavara kà ọnị ọ raà wụ́ aduwa anị.

Ẹzịra 9:4

pooro ne tù ụmẹ ịsọvọ oruva nị. Dị avaba aza ana wụ ịsị Ohomorihi Anisirẹrị vịdị ka ịnị ịpa ịvị ọnị aza ana hụrị Ịbabịrọnị vavẹ aanị mẹ, va gụ kara mị nị.

Ahẹ Ụgama 119:120

Angwa awụ vi ene ee hí mị, dị ẹngụ amị aa dá ẹgahị agụvị ọkarẹyị ọnị ụụ̄ mẹ.

Ahẹ Ụgama 38:20

Aza hi ịzọọ ana ahịka màa mẹ wa ọyịza, ịsa odivi e yee sii si mị atọ nị Màa dụ ka ò zoza yị wa, dị eni ee du mi ịrẹsụ.

Ụhịrẹyị 13:13

Ọza ana sị eyi wụ ajuwe obooro vị eneē vu ama ọza ana a saasa a ọ vaa ha nị.

Ahẹ Isoromọnị 1:6

Asị ụ sị eyi wụ̀ mị nịnị ka maa ta mine agụvị ka ọyị ọ sị mị mẹ̀. Ẹnẹbẹnị amị nịnị ệ kụ́ ayị hi mi, dị ẹ dụ mị ka ma naa mẹ̀ ụkọrọ ịnị ụbazị ene e chire ọchị ịvayịnị hi nị. Mẹ yị kụkụ va nyị ụmẹ ọ́yị tẹsị ẹngụ amị.

Ayịsaya 26:11

Ọnịvị awụ ẹ yị yẹ ka waa vaa tana ụvọọ za ẹnị. Navọ wa mẹ̀ ụhị nyị wa dị ẹ̀ yẹ ka wê sì ịrẹyị aza awụ. Navọ wa ẹ̀ rị ụya ọnị ụ ka ẹ vaa rị.

Ayịsaya 5:19

Ẹngụ ẹwụ nịnị ẹnẹẹ aa kà a ka ịsa Ohomorihi ọ̀ọ ka ọnị aa mẹ ò jintu mẹ di we re e nịnị. Ụ ka Ohomorihi Anisirẹrị ọ̀ mẹ̀ ịsa ọ̀ọ nyị tụ́ ịnị ayị dị a re di we re e nịnị.

Ayịsaya 60:15

 vịdị nyị ịhyẹrẹ awụ, dị ọzọza zwe hụrẹ ẹngụ nị. Ama booro aanị, Ẹnẹyịmavara kà ọnị vee tenyi ọ, dị ọ zoza, dị vara ẹkụra ana wụra mẹ eyi pooro zịna-zịna.

Ayịsaya 65:13

Agụvị avọọ, Ẹnẹyịmavara Ohomorihi ka: Ezi ahụ amị anaa saasa ịrẹyị amị vaa rị ịsa, ama ụngwẹ vị ana vaa kụ̀ ẹwụ nịnị. Ẹnịnị vee hú, ama onyi vị ana vaa kụ̀ wụ nịnị. Ezi ahụ amị vee hine ayị, ama ẹwụ nịnị vị ana a vaa mẹ ụhịị nyị.

Ayịsaya 66:2

Ọ kà ọnị ọ mẹ ẹbẹẹba ọnịrị ẹtẹ nị. Avaba ẹhẹ vị anị. Ayị anị o hine tù aza anaā ka ẹngụ ẹnịnị chi, dị ẹ sị ayị tụra ọnị kẹnẹ, di e hí angwa anị ọ̀ọ ka ịrẹyị.

Ijeremaya 36:16

Ịjị ẹnịnị wụ́ avaba ịrẹyị ọnọnị, dị ẹnịnị kụkụ ee ré ẹngụ goro-goro angwa mee hi wa nị. Dị ẹ kà a yị Ibaruki ka aa nyị ka ẹnị ẹ̀ na ka ịrẹyị ọnọnị yị ohinọyị nị.

Ihoseya 11:10

Ẹnẹyịmavara kà a aza anị vaa saasa ọnị ịjị ọnị òo na owu anka idu avọọ hi ọnịvị ẹnịnị. Eyiha-eyiha ẹnịnị vaa sị zwe hụrẹ eyi ịzị ọyịị̄ zịị na ngụ ẹtẹ.

Imatiwu 10:22

Dị avaba aza aa nyị ịhyẹrẹ awụ nịnị kẹnẹ agụvị amị. Ama ọza ana àa zụ sị ẹngụ dọ ọ pooro ne tù ẹzẹtẹ, ọnị a vaa dọ ọ há nị.

Iruuku 13:17

Ịjị ọ maanị sị kà, dị ụhị kụkụ aa nyị avaba ọnịvị anị nị. Dị avaba aza ana vọ ẹnị aa jẹ agụvị ịsa ọbanyị ana aa mẹ nị.

Ịjọọnụ 16:2

Ẹ vaa dụ wụ nịnịị jịnẹẹ hụụnị irehi Ohomorihi. Mị ka ụmẹ hyakụ aa vẹ, dị aza ana aa wụ wụ nịnị, ro o ka vị ẹnị aa mẹ̀ ịsa ozozaa yị Ohomorihi nị.

Ịjọọnụ 9:34

Dị ẹnịnị tụ́ ọọ ohi, dị ẹ ka, “Ẹwụ ana a ma, da a rẹ sị enyi ịvị kà, ee sì ka wa zụ̀ yị ịsa nịị? Dị ẹ dụ ọọ kwooze nị.”

2 Anịtẹsaronika 1:12

Ini oze avọọ Ijeesu Ananyị yị va zụụ nyị ụbanyị ịnị ụvọ awụ nịnị nị, dị ẹwụ nịnị rẹ nyị ụbanyị ịnị ụvọ anị. Ayamva Ohomorihi ayị ọnịrị Ijeesu Ikirisiti Ananyị yị vaa vavọọ mẹẹ.

Ịtayịtọsị 2:13

Yáa jẹẹ ee zí ụmẹ ọnọọ ọnị ị vaa sị nyị ayohine ẹtẹẹtẹrẹ. Ụmẹ ọnọọ avaba aza ve sii re igirima Ohomorihi ana nyị ụbanyị, ana vị Ijeesu Ikirisiti Ọdọzaha ayị nị.

Anihiburu 9:28

Avọọ Íkirisiti ọnị mẹ̀ rẹ sị ẹngụ anị mẹ̀ ịsọvọ ụpẹ ọnya gene-gene nị, ka ọnị ọ̀ kụ́ ịvị aza ọrụrụ-ọrụrụ kwooze. Ọ rẹ vanaa vaa vẹ ịnị ẹhẹ ọnọnị, ama ayị vị agụvị ịvị. Aza ene ee zí ọọ eyi, aa vaa dọ ọ há nị.

1 Ịjọọnụ 3:13

Ẹwụ nịnị anda ayị, anẹhẹ àaa nyị ịhyẹrẹ awụ nịnị, asị o hí wu nịnị irenu!