Ayịsaya 66:4 - IWE ỌNỊNỊ

⁴ Ẹnẹyịmavara kà ọnị ộ hị́ wa, ẹnịnị è yi tụ́ ohi, ọnị ộ ka ịrẹyị, ẹnịnị ẹ̀ yị wụ́, ebira odivi ọnịrị akamawụ ẹ yaa mẹ hi ọnị nị. Agụvị avọọ, ọnị aa kụ̀ akanya tụ́ wa, odivi ọnị e yee hí angwa gẹdẹ-gẹdẹ ọnị aa kụ́ tù wa nị.

Ayịsaya 66:4 ပူးပေါင်းရင်းမြစ်များ

2 Ohinọyị 21:2

Ịmanasẹ vị ana mẹ̀ ebira odivi ọvịdị Ẹnẹyịmavara, ộ saasa ebira odivi anẹkụra ọnị Ẹnẹyịmavara dọ ẹtẹ eyi Anisirẹrị nịnị na mẹ̀ ịsa ana vị enyisi anị.

2 Ohinọyị 21:6

Ô si ozi ọnọrụ mẹ̀ ịsọvọ, ana aā rị ịra yị ori, dị ee re ẹtẹ, di aa ha ẹva, di ee pè arịjẹnụ ka ịrẹyị nị.

Ahẹ Ụgama 81:12

Avọọ dị mị hụrẹ wa ụvọ ka ebira odivi ẹnị ẹ̀ẹ ka ẹnị aa mẹ, ẹ̀ẹ mẹ̀ ẹ nị.

Ụhịrẹyị 1:24

Irezi ẹnịnị ẹ mā wụ eesi-eesi. Ẹnịnị ẹ yị ma wụ́ ịrẹyị ọza.

Ụhịrẹyị 10:24

Ịsa ọnị ọza odivi e hí angwa anị oo tụ́ ọ nị, ama Ẹnẹyịmavara vị ana a mẹ̀ ịsa ọnị ọnịzẹyịza e si.

Ayịsaya 50:2

Ọ kà, sị ẹ vẹ dị aza anị ẹ yị tụ ọnị ohi ịnị ụmẹ ọnị ọnị sị na ka ọnị naa dọ wa ha? Sị ẹ vẹ dị ọnị hị́ wa, dị ẹnịnị e yi tụ ohi ịrẹyị? A vị ọnị sị hịmị ọyị dọ wa haa? Ọnị ọ̀ọ ka ịrẹyị kẹnẹ enyi ịnị oku aa wụ̀ za ẹtẹ. Ọnị ọ zụ vara irehu ẹtẹ ọyịwụ̀, dị ivovo ene hi ịnị anị su va ha agụvị ka ẹ yị nyị enyi.

Ayịsaya 59:15

Ọzọza vị ene cheeche; ọza ana nyị ịhyẹrẹ ebira odivi vị ọnị ẹ yaa za mẹ ụngwẹ. Ịjị Ẹnẹyịmavara re ka ịzẹyịza ộ ta hụrẹ ẹtẹ, dị ayị anị du chuku-chuku nị.

Ayịsaya 59:7

Eē zwe echi na mẹ odivi, dị ẹ yaa wụ̀ ọza ẹnẹ ẹ yị nyị ịsị ọ mẹ wa. Ịrẹyị odivi kẹnẹ eē ro nị. Avaba ịzị ẹ̀ẹ ngụ vị ọnị ẹẹ̄ gara chuku-chuku ha.

Ayịsaya 65:12

Mị vaa mẹ ka we sú isu ịrịịra nịnị, agụvị ka ụmẹ ọnị mị sị hị́ wụ nịnị, we yi tụ́ ohi, ụmẹ ọnị mị kà ịrẹyịị wụ nịnị, wẹ yị sị ụtọ pe ẹtẹ. Wâ nyị ka akamawụ ụ waa mẹẹ hi mi nị, dị ụ wa mẹ̀ ịsa odivi nịnị nị.

Ayịsaya 65:2

Aza amị vị anayọkatẹngụ anaā mẹ̀ ịsa ẹnẹ ẹ̀ yị vọrọ, dị ẹ zị oze ẹnịnị, ama mê yi tenyi ẹngụ ọ̀yị za wa gụrị ẹngụ.

Ayịsaya 65:3

Ụhị́ ẹ yị ma nyị wa, vị ẹẹ̄ mẹ ayịị kụ́ mị nị. Ẹnịnị vị anaā mẹ̀ ịsọvọ hi ori ịnị ụbazị ẹnẹ dà yị ori, dị ẹyaa rị eturare ịra ịrẹsụ ụta ana a dà yị ori.

Ayịsaya 65:7

Ẹnẹyịmavara kà, “Mi vee si wa atọ ịvị ẹnịnị ọnịrị ịvị oni ohiku ẹnịrị rị. Agụvị ka ẹnịnị ệ nọ ịrẹsụ ataba na mẹ̀ ịsọvọ, dị ẹ yà ịrẹsụ ataba eweyi kụ́ mị ụhụ nị. Mị vaa sị́ ụya anịị rị wa a mẹ̀ vọrọ.”

Ijeremaya 35:17

Avọọ, ọnị Ẹnẹyịmavara Ochẹtẹẹngụ, Ohomorihi Anisirẹrị vaa sị ụyaa rị ẹwụ nịnị Anijuda ọnịrị Anijerusarẹmị anka ọnị mẹ kà a tịtẹ. Ọ kà ọnị vavọọ aa mẹ wụ nịnị agụvị ọnị ộ kà ịrẹyị yị wụ nịnị ama wẹ yị wụ; ọnị ộ hị́ wụ nịnị, we yi tụ́ ohi.

Ijeremaya 7:13

Ẹnẹyịmavara kà, ụ mẹ maanị aa yịị mẹ̀ ebira odivi ọnọnị nịnị, ọnị ộ ka ịrẹyị wụ nịnị pooro, ama ụka wẹ yị wụ nịnị, ọnị ộ hị́ ụ nịnị ama we yị tụ́ ohi nịnị.

Ijeremaya 7:30

Ẹnẹyịmavara kà Anijuda nịnị ệ sị ịsị odivi mẹ. Ẹnịnị ẹ raa sị ori ẹnịnị anaa nyị ọnị ịhyẹrẹ va tụ ịnị irehi anị. Ẹ sị irehi anị du ẹngụ.

Ezikẹẹrị 11:8

Á vị u wee hí angwa ịrẹkụ nịnịị? Ọnị vaa mẹ ka aza ẹ̀ kụ ịrẹkụ ve tu wu nịnị.

Ezikẹẹrị 14:4

Ọ kà ọnị ọ̀ kà a yị wa booro aanị ịsị ọnị Ẹnẹyịmavara Ananyị ụkata hu aa kà: Ka, Anisirẹrị ọnyọọnyị anaaa sị ịrẹyị ori tu ịnị ayị, dị aa mẹ̀ ebira odivi, òo ve tu ọnịsẹ ka ọ̀ kà ịrẹyịị yị ọnị, ọnị Ẹnẹyịmavara ụvọta o vee tu ọ ohi nị, ọnị vee tu ọ ohi anka ịrẹyị ori ọnị ọ ku hi ịnị ayị gigirigi.

Ezikẹẹrị 20:25

Ọnị ộ hụrẹ wa ụvọ ka ẹ naa saasa ọda kẹnẹ-kẹnẹ ẹnẹ ẹẹ yị vaa mẹ ka ẹnịnị ẹ̀ yara.

Imatiwu 24:24

Agụvị ka onireche nịnị ana ka ẹnị vị ikirisiti, ọnịrị ọnịsẹ ireche nịnị vaa kwẹẹtẹ, dị ẹyaa mẹ̀ ụkọrọ ohyozirenu ẹbanyị-ẹbanyị, agụvị ẹ̀ nyẹngụ si vene aza oni Ohomorihi sị nyị, ẹ̀ẹ zụ mẹ̀ ẹ.

1 Ịsamụwẹrị 8:19

Anisirẹrị nịnị ê yi, ẹ yị zẹẹ ka ẹnị ẹ̀ wụ́ ịrẹyị ọnị Ịsamụwẹrị aa kà a yị wa. Ẹ ka ẹ yị nyị ụvọ ẹnịnị rị ịnị ịrẹyị ọnọọ, ẹnị ka eni ee sị̀ ka ẹnị ẹ̀ nyị ohinọyị.