Ayịsaya 66:3 - IWE ỌNỊNỊ

³ Ama a raà chi hi aza ana mẹ̀ ene zee wa eyi kẹnẹ, ebira vi ene hine wa. Agụvị avọọ, Ẹnẹyịmavara ẹ̀ yị dọ ịsọvọ ẹnịnị. Ịsọvọ ụnọ ẹnịnị vị ọnị o re anka ọza ọ̀ọ wụ̀ ọza avọọ nị. Ịsọvọ ozi atẹmẹ ẹnịnị vị ana ya anka ọza ana wụ irezi gụ ori avọọ. Ịsọvọ akụ ẹnịnị sị mẹ anka ọza ọ̀ọ sị ụra mẹ̀ ịsọvọ yị ori avọọ nị. Eturare ọnị ẹ̀ẹ rị ịra vaa sị mẹẹ anka ọza o rere aa ma aduwa yị ori avọọ nị.

Ayịsaya 66:3 ပူးပေါင်းရင်းမြစ်များ

Ụhịrẹyị 15:8

Ẹnẹyịmavara ọ nyị ịhyẹrẹ ịsọvọ ọza ọhịmị ama ọọ̄ wụ́ aduwa ọza ọyịza.

Ụhịrẹyị 21:27

Ẹnẹyịmavara ọ̀ nyị ịhyẹrẹ ịsọvọ ọnị aza edivi aa mẹ̀ dị ọ vaa sị vị ka agụvị ịsa odivi ẹ yaa mẹ̀ ẹ nị.

Ayịsaya 44:19

Ẹ yị nyị ọza ene ro ịrẹyị, ẹnịnị ẹ yị nyị ịrẹyọyẹ ana a vọrọ ka ọ̀ kà a ka, “Mâ sị ịnị ọchị ọnọnị kà ịra; mâ sị akịna anị mẹ̀ ịsa, mê hù uye ịnị anị dị mị rị ọ nị. Vị́ áa vọrọ ka ma rẹ sị ana vọ bẹ ori jẹẹ nị? Áá vọrọ ka ma naa tanaa tụra ẹtẹẹ yị ọchị ana a bẹ?”

Ayịsaya 53:6

Avaba ayị vị ene nyeeyi anka atẹmẹ avọọ. Ọzọza ọ sị vàtụ oze anị, dị Ẹnẹyịmavara kune ẹnya akụvị ọnị mẹ tụra a nị.

Ayịsaya 57:17

Mâ kụ ayị hi wa agụvị ebira edivi ọnịrị ọhọọha ẹnịnị. Mâ sị ụya rị wa, dị mị hụrẹ wa ụvọ nị. Ama ẹnịnị vị ana ayị ẹnịnị yị katẹngụ, dị ẹyị và tụ oze ẹnịnị.

Ayịsaya 65:12

Mị vaa mẹ ka we sú isu ịrịịra nịnị, agụvị ka ụmẹ ọnị mị sị hị́ wụ nịnị, we yi tụ́ ohi, ụmẹ ọnị mị kà ịrẹyịị wụ nịnị, wẹ yị sị ụtọ pe ẹtẹ. Wâ nyị ka akamawụ ụ waa mẹẹ hi mi nị, dị ụ wa mẹ̀ ịsa odivi nịnị nị.

Ayịsaya 65:2

Aza amị vị anayọkatẹngụ anaā mẹ̀ ịsa ẹnẹ ẹ̀ yị vọrọ, dị ẹ zị oze ẹnịnị, ama mê yi tenyi ẹngụ ọ̀yị za wa gụrị ẹngụ.

Ayịsaya 66:17

Ẹnẹyịmavara kà, ẹzẹtẹ aza ana jị ẹngụ ẹnịnị yị ori ọyị hẹkẹ aa gụrị ẹtẹ. Ẹnịnị va ọkọnị na ngụ ụbazị ori nịnị, dị ẹ rị uye ụra ọnịrị ụsụ beri ịsa enyisi ana vọ.

Ijeremaya 6:20

Ẹnẹyịmavara kà, sị ẹ vẹ dị ẹ yaa kụ eturare hụrị ẹtẹ Ịsẹba va yị ọnị? Sị ẹ vẹ dị ẹ yaa ku ịsị ohine hụrị aha onoze vẹ va yị ọnị. Ọ kà ọnị ẹ yị vaa dọ ịsị ịsọvọ ẹnịnị, ịsọvọ ẹnị ẹ yaa mẹ e yị hine ọnị.

Ireevi 2:2

dị ọ sị ọ ve tu ezi Eerọnị nịnị ana vị ohirẹsụ irehi Ohomorihi, ohirẹsụ irehi Ohomorihi anaa mẹ̀ ụkọrọ ụmẹ ọnọọ vaa ká ayị ọyịkwọ ọnịrị angwẹ ọnọọ uvoku ọnya beri avaba eturare ọnọọ, dị ọ rị wa ịra ịrẹsụ ụta ịsọvọ. Ọnọọ vaa sịị zụ̀ ka avaba anị asị va yị Ẹnẹyịmavara nị. Agụ ịsị ịsọvọ ọnọnị vị eneē hine Ẹnẹyịmavara.

Ịhagayị 2:14

Ịjọnọọ dị Ịhagayị ve tu wa ohi ka, avọọ Ẹnẹyịmavara mẹ re avaba anẹkụra ọnọnị ọnịrị avaba ịsa tura ịsa ọnị ẹnịnị aa mẹ̀ nị. A yi nyị ịsa ịsọvọ ẹnịnị ana nị ọvịdị anị.

Iwe Ọhụhị Imosiisi ana aa hị́ Ọyịvatụrọda 14:8

Asị ẹ rị ụra agụvị ka ọ nyị ẹtụpa ana ga hi ama ọ yị mā tọmọ ịsa rị. Asị ẹ hyakụ sị ụvọ kanyị oku anị.

Iwe Ọhụhị Imosiisi ana aa hị́ Ọyịvatụrọda 23:18

Ọza ọ̀ọ na sẹ̀ ịrẹka, ọ̀ọ vị ọnẹẹ, ọ̀ọ vị ọnọrụ, dị ọ dọ ẹkẹhị ịnị anị nị, a sị ụ sị ẹngụ ẹkẹhị ọnọọ vẹ ini irehi Ẹnẹyịmavara Ohomorihi awụ. A sị ụ sị ve sí ụta ịsa ọnị ụ vịdị wo oto ka ụ vaa mẹ. Ẹnẹyịmavara ộ nyị ịhyẹrẹ ọsẹrẹka ini irehi Ohomorihi.

Ọdọvịdị 10:14

Dị Ẹnẹyịmavara rẹ ka ẹnịnị ẹ na hị́ ori ẹnị ẹ ka ẹnị a hẹkẹ, dị ọ va dọ wa ha hụụ ịnị ụmẹ ụyọrị ẹnịnị.

Ọdọvịdị 21:25

Ịnị ụmẹ avọọ ẹyị nyị ohinọyị ịnị ẹtẹ Isirẹrị; dị avaba aza aa mẹ̀ ịsa ene zee wa eyi kẹnẹ nị.

Ọdọvịdị 5:8

Agụvị ka Anisirẹrị nịnị ệ nyị ka ẹnị aa hẹkẹ ori, dị ịrẹkụ ne gu wa hi oze ọbanyị ọbanyị ẹkụra ẹnịnị ene hi ịzọọ nị. Ẹ yị nyị ọza ana nyị ogonto a vị ọha ọyị sị kụ ịrẹkụ ịnị ẹnị akawụ-akawụ oze oohu.