Ayịsaya 66:13 - IWE ỌNỊNỊ

¹³ Ẹnẹyịmavara kà ọnị vaa sị ayị ẹnịnị ene hi Ijerusarẹmị nẹtẹ anka ọnyị ozi mẹẹ̄ sị ayị ozi anị nẹtẹ avọọ.

Ayịsaya 66:13 ပူးပေါင်းရင်းမြစ်များ

Ahẹ Ụgama 137:6

Mị ka àa vị ka mê hí ayị Ijerusarẹmị dị mẹ̀ yị kụkụ ro ịrẹyị anị ka ọnị ọọ̄ sị ịnẹ amịị hinee hu nị, asị mị kụkụ zụ jị ahẹ pooro.

Ahẹ Ụgama 94:19

Ịjị ayị amị kụ́ vazi, Ohomorihi ô sị ayị amị hunẹnẹ, dị mị kụkụ aa jẹ nị.

Ayịsaya 12:1

Ụmẹ ọnyara aa vẹ ana aza vaa jị ahẹ dị ẹ yaa Kụ Ẹnẹyịmavara avọ! Ịzẹyịza wâ vịdị kụ́ ayị hi mi, ama booro aanị, wẹ yị kụkụ kụ́ ayị. Wa raà sị ayị amị hunẹnẹ.

Ayịsaya 40:1

Ohomorihi awụ kà: “Sị ayị aza anị nẹtẹ, sị ayị aza anị nẹtẹ.

Ayịsaya 40:2

Sị ụmẹnụmẹnẹ kà ịrẹyị yị Anijerusarẹmị. Kà yị wa ka ẹkụhị ayodu ẹnịnị ọ sị parahu, Ẹnẹyịmavara kà ọnị ọ raà vagu wa ịnị ịvị ẹnịnị. Ẹnịnị ẹ raà rị ụya ana ngụ ajẹ agụvị ebira odivi ẹnịnị.”

Ayịsaya 49:13

Dị avaba ịsa ene hi ini ihinẹba ọnịrị ẹtẹ ẹẹ jẹ ịrajẹ, mẹ ọda yị avaba ataba nịnị ka ẹ gụ ahẹ. Aza Ẹnẹyịmavara ẹ raà rị ụya ama ọ raà vayị ẹnịnị, dị ọ mẹ ẹngwọọrọ yị wa nị.

Ayịsaya 51:12

Ẹnẹyịmavara kà ọnị aa sị ayị ẹnịnị nẹtẹ. Sị ẹ vẹ di e yee hí angwa ọzarẹyịrẹsụ ọnị ẹhẹ anịị̄ ta anka avị mẹẹ̄ wụ̀ avọọ.

Ayịsaya 51:3

Ẹnẹyịmavara vaa sị ayị Anisirẹrị nẹtẹ. Ộ vaa mẹ ka ẹtẹ ẹnịnị ana vị ọpapara ò zoza anka ụbazị Edẹnị avọọ. Ayị ẹnịnị vene vee hine, dị ẹ yaa jị ahẹ ọyịza ga Ẹnẹyịmavara.

Ayịsaya 66:10

Ọ kà ẹnịnị ee beri Ijerusarẹmị jẹ, avọọ aza ene sì ịrẹyị ẹkụra ọnọọ, ee hine ayị beri wa booro aanị. Avaba aza ana vịdị raà jị òrèrè yị Ijerusarẹmị.

2 Anịkọrịntị 1:3

À vẹ yaa kụ́ Ohomorihi avọ, ana vị Ada Ijeesu Ananyị yị oni Ohomorihi nyị mẹ ohinọyị ka ọ̀ dọ yị ha. Ọnị ọ vị Ada ana aa vayị ọza nị. Ọnị ọ rẹ vị Ohomorihi eneē hunẹnẹ ọza ayị nị.

2 Anịkọrịntị 1:4

Ohomorihi ee hunẹnẹ yị ayị ịnị avaba ụyọrị ayị, agụvị ẹ̀ ya rẹ zụụ sị ayohunẹnẹ oni Ohomorihi sị yị, dị ya sịị yị aza ana àa rị ụya.

1 Anịtẹsaronika 2:7

Vị yaa mẹ hẹẹ-hẹẹ ịdị awụ nịnị anka ọnyị ozi mẹ̀ẹ̄ mẹ ozi anị hẹẹ-hẹẹ avọọ nị.