Ayịsaya 66:1 - IWE ỌNỊNỊ

¹ Ẹnẹyịmavara kà a, ẹbẹẹba vị aha ọyị yaatụ ohinọyị anị, dị ẹhẹ vị ịrẹhụ ọnị ọnị aa kụ́ ahụ hi nị. Ẹngụ irehi si è ro ka ẹnị ẹ zụ da yị ọnị kẹ? Ịzị ẹ vị aha ẹnẹ zụ da ka ọnị ọ ra kẹ?

Ayịsaya 66:1 ပူးပေါင်းရင်းမြစ်များ

1 Ohinọyị 8:27

Yâ yẹ de ka ẹ yị vị ka ịnị ẹhẹ ụ waa vaa ra nị. Ẹbẹẹba keekere ini ihinẹba ọ yị hyakụ dọ wụ, dị ma va na kà irehi ọnị mị ka mị da aanị nị.

1 Ịtọpa 28:2

Ịjị ẹ sị gụ, Idevidi ộ jẹẹ ọvịdị ẹnịnị, dị ọ ka: Ẹwụ nịnị anda ayị, à sị ụtọ pe ịrẹyị anị. Oni ee si ka ọnị ọ̀ da irehi ịzị apoti oto vaa yà pooro. Ịzọọ ode ọnị Ẹnẹyịmavara Ohomorihi ayị vaa kụ ahụụ hi vaa yà nị. Ọ kà ọnị ẹnya tenyi hi ẹtẹ ọ̀yị da irehi ọnọọ.

2 Ịtọpa 2:5

Ọ kà irehi Ohomorihi ọnọnị vaa banyị ẹtẹẹtẹrẹ agụvị ka Ohomorihi o hụụnị ori ọnyọọnyị nị.

2 Ịtọpa 6:18

Ama ọ́ọ́ vaa ra ịnị akakana aza ịrẹma ọnị avaba ẹbẹẹba ẹ yị dọ ọ ya? Irehi anị ọnị ọ dà aanị wáá vaa dọ ọ ya?

Ahẹ Ụgama 11:4

Ẹnẹyịmavara yà ini Irehi Ọnịnị anị ọ yà ịrẹsụ ode ohinọyị anị ẹbẹẹba. Ee re avaba ịsa ọnị ọzọza aa mẹ.

Ahẹ Ụgama 132:7

Di i va ka à vẹ ya nọ ini eehi Ẹnẹyịmavara, dị ya na tana tụra ẹtẹ ịzị ọ yà, dị ya kụ́ ọ nị.

Ahẹ Ụgama 99:9

Waā sị ụbanyịị yị Ẹnẹyịmavara ana vi Ohomorihi ayị, di wa nọ ịnị ataba anị dị waa tanaa tụra ẹtẹẹ kụ́ ọ nịnị. Yẹ nịnị ka Ẹnẹyịmavara ana vị Ohomorihi ayị, ẹ yị nyị ẹngụ anị.

Ayịsaya 57:15

Ẹma vị Ohomorihi ọnịnị ana nẹba nị. Ẹma yàra pooro zịna nị. Aha ana nẹba dị ọ vị ọnịnị mị ra nị. Ama mị rẹẹ raa pe aza ana ka ẹngụ ẹnịnị chi, di e ro ịnẹ varẹma. Ọ vaa mẹ ka ma mẹ ka ayị ẹnịnị ọ̀ vana nẹtẹ, dị ẹ rẹ nyị ọyịtureyi.

Ayịsaya 60:13

A vaa ha ọchị ozozoza ẹngụ ana aā hị́ ịpayịnị, ijunipa ọnịrị isipirẹsị hụrẹ iruku Ịrẹbanọnị va yị wụ. Ọchị ẹnẹẹ a vaa sị mẹ irehi amị ọvị ka ọ nyị ụbanyị, di e si tenyi ẹkụra, dị ọ nyị ụbanyị.

Ijeremaya 23:24

Ọ kà áá nyị ọza ana zụ tẹ aha ewere ọnyọọnyị ka asị ọnị ré ọnị? Ọ kà áá nyị ịzị ọnị ẹ̀ yị yà ẹbẹẹba ọnịrị ịnị ẹhẹ ọnọnị kẹ?

Ịmarakayị 1:11

Ọ kà aza vị ana aa hụrẹ avaba ẹhẹ vẹ, dị ẹyaa sị ụbanyị yị ọnị, dị ẹyaa rị eturare ịra yị ọnị, dị ẹyaa sị ịsa ana vọrọ vaa yị ọnị. Ọ kà aza ẹnẹẹ vavọọ aa mẹ agụvị ka ẹ yẹ ụbanyị anị.

Imatiwu 12:6

Dị maa kà a wụ nịnị ka â nyị ọza ịzẹnị aanị ene huna irehi Ohomorihi.

Imatiwu 24:2

Dị Ijeesu kà a yị wa ka, “U wee re avaba irehi ẹnẹnị nịnị? Ịzẹyịza m maa kà wụ nị, ẹ yị nyị ịrẹta ikonya ana a vaa navọ tụ́ ịrẹsụ ọsa. Vi e vee wú waa ha saka-saka nị.”

Odeyi 17:24

Ohomorihi ana mẹ ẹhẹ ọnịrị avaba ịsa ene hi ịnị anị, ọnị ọ nyị ẹbẹẹba ọnịrị ẹhẹ nị. Ọ mā ra ini irehi ana aza dà.