Ayịsaya 61:3 - IWE ỌNỊNỊ

³ Aza ene hi Ịzayọnị ee du ayị sị ịrajẹ ọnịrị ayohine dọ ịrẹsụ ayodu ẹnịnị yị wa sị ahẹ ụgama dọ ịrẹsụ ahẹ orere yị wa Ẹnịnị vaa sị mẹ anka ọchị ọnị Ẹnẹyịmavara chire avọọ nị. Avaba ẹnịnị vaa mẹ̀ ịsa ana vọrọ. Ohomorihi vị ana a vaa ga agụvị ịsa ọnị ọ raà mẹ.

Ayịsaya 61:3 ပူးပေါင်းရင်းမြစ်များ

Ẹsịta 8:15

Dị Imodekaya chire awuru ohinọyị ana a da achẹrẹ onuvuru, ọnịrị ọvwọọvụ beri anangẹrẹ hị́. Di o kù amu ọbanyị ohinọyị ana a si igooru mẹ nị. Dị Imodekaya jịnẹ hụrẹ ọvịdị ohinọyị aa na nị. Dị avaba ẹkụra Isusa aa jẹ, dị ẹ yaa mẹrị sadaa kẹnẹ nị.

Ẹsịta 9:22

Ẹkụhị ẹnẹẹ Aniju nịnị sị dọ ẹngụ ẹnịnị hụụnị ụvọ ọnịvị ẹnịnị nị. Ịnị ụhwẹ ọnọọ, ayodu ẹnịnị si vara ịrajẹ nị, ụmẹ ọnọọ orere ẹnịnị vara ayị ohine nị. Dị ọ chẹrẹ ẹ ka à sị ẹkụhị ẹnẹẹ rị eche, dị a sị jẹ ịrajẹ nị. Dị ẹ yaa da ịsa yị ẹngụ, di àa mẹ onosiye ẹyịza nị.

Ahẹ Ụgama 104:15

Wâ mẹ ka ẹ̀ nyị eche ẹnị e vee hú dị ayị ẹnịnị òo hine, di ẹ̀ rẹ nyị angwẹ ene e ve sii sisi eyi, di eyi ẹnịnị ọ̀ọ swa. Ẹ rẹ nyị ịsọyịrị ana vaa sị ụkataa yị wa.

Ahẹ Ụgama 149:4

Ịnẹ Ẹnẹyịmavara vi ene hine tù aza anị. Aza ana kà ẹngụ ẹnịnị chi vị ọnị ọọ̄ mẹ ka ẹ̀ nyị ehuna ọnịvị ẹnịnị.

Ahẹ Ụgama 23:5

Ohomorihi ộ kụ́ ịsa ozoza hi ẹtẹ ka maa rị ọ eyi ọnịvị amị nịnị. Ô si mi ọzọga anka ọza ọnị ọ́ sị ụbanyị yị, dị ọ sị angwẹ sisi mi ịrẹsụ nị. Dị ọ mẹ ka ako amị òo hi ka wà nị.

Ahẹ Ụgama 30:11

Ẹmị vị ana ayị anị vịdị du, wa raà mẹ ka ayị amị ọ kukuu hine, dị maā nyị ẹzẹ Ụ ka asị mi kuku sụ ùnè, ama maa jẹ,

Ahẹ Ụgama 30:12

dị ma kụkụụ sị avaba ayị amịị jị ahẹ ga wụ pooro-pooro Ẹnẹyịmavara ana vị Ohomorihi amị, ẹwụ mị vaa kụ́ avọ pooro nị.

Ahẹ Ụgama 45:7

Ohinọyị wê sì ịrẹyị ịzẹyịza, ama we yi sì ebira odivi avọọ Ohomorihi awụ nyị wụ ka we huna avaba ọpa awụ ana vọ nị Dị ọ mẹ ka waa jẹ, dị ịnẹ awụ òo hine hu avaba ẹnịnị nị.

Ịrẹyị Ọzwọzịsa 9:8

Wee hine ayị nịnị dị waa jẹ ịrajẹ nịnị pooro kẹnẹ.

Ayịsaya 12:1

Ụmẹ ọnyara aa vẹ ana aza vaa jị ahẹ dị ẹ yaa Kụ Ẹnẹyịmavara avọ! Ịzẹyịza wâ vịdị kụ́ ayị hi mi, ama booro aanị, wẹ yị kụkụ kụ́ ayị. Wa raà sị ayị amị hunẹnẹ.

Ayịsaya 26:2

Nā oze vị anẹkụra nịnị ana aa mẹ ịzẹyịza ẹ̀ ngụ eehi, dị ẹ yaa mẹ̀ ịsa ene zee wu eyi.

Ayịsaya 44:23

Ẹwụ nịnị ẹbẹẹba, wa jị ahẹ nịnị agụvị ka Ẹnẹyịmavara ọ sị ọ mẹ. Ẹwụ aha ana nyịnẹ ịnị ẹtẹ, we nowu nịnị. Ẹwụ nịnị ataba, wa jị ahẹ nịnị. Ẹwụ nịnị avaba ọchị ene hi ini iruku. Agụvị ka, Ẹnẹyịmavara ọ sị Ijekọvụ dọ ha. Anisirẹrị nịnị vaa sị ụbanyịị yọ.

Ayịsaya 46:13

Maa mẹ ka ẹkụhị ọnị vaa sị nyị ẹbẹẹba ọ̀ hụra tu. E yi kuku vee kù dị ma dọ wụ nịnị ha Mị vaa dọ Ịzayọnịị ha, agụvị ka Anisirẹrị vị ọnị maa sị ụbanyị.

Ayịsaya 52:1

Ẹwụ nịnị Anijerusarẹmị kwẹẹtẹ, kwẹẹtẹ wa sị tụ ụkata nịnị. Ẹwụ ẹkụra ọnịnị Óhomorihi, waa mẹ ụbanyị anka ọza ọ̀ọ kụ́ ịta ozoza hi ẹngụ avọọ. Aza ẹnẹ ẹ̀ yị jị ụvẹvẹnẹ, ọnịrị aza ẹnẹ ẹ̀ yị nị, ẹ yị vaa zị oze ọbanyị awụụ paraahu.

Ayịsaya 61:10

Ayị amị vị ana nyayịnẹ hine ịnị Ẹnẹyịmavara Ohomorihi amị. Ọ raà sị ẹdọha yị mị anka a mẹẹ kụ ẹnya hi ọza ẹngụ avọọ. Awuru ịzẹyịza ene e chire mi vị ana hụ mị enyi Mị sị mẹẹ anka ọnọrụ ene chi awuuru ana nyị ọnẹẹ avọọ nị. Mị sị mẹẹ anka ọnẹẹ ana a za oze ana kụ ọmọ hi ẹngụ avọọ nị.

Ijeremaya 31:13

Ịjọnọọ ezi anẹẹ ẹnịnị vaa jẹ dị ẹyaa nyẹzẹ. Ezweyi ọnịrị azọkụ ọnọrụ ẹnịnị vee hine ayị. Ẹnẹyịmavara kà ọnị vaa vara ayodu ẹnịnị ịnohine ọnị vaa sị wa ayịị nẹtẹ, dị ọnị sị ayohine dọ ayodu ịrẹsụ yị wa.

Ezikẹẹrị 34:29

Ọnị vaa sị ẹtẹ anaa mẹ̀ ịsa ẹtẹẹtẹrẹ yị wa, dị ọnị mẹ ka asị ụngwẹ vana kụkụ kụ ịnị ẹtẹ ẹnịnị. Anẹkụra ana vọ ẹ́ yị ma vana kụ wa isiya.

Ezikẹẹrị 47:7

Ịjị ọnị tu ịzọọ, dị ọnị ré ọchị ọrụrụ-ọrụrụ ụtọ irehu eyi ẹnyị eyi ọsa nị.

Ịzakaraya 3:5

Dị Ịzakaraya kà a jị ọ ubobo ana nị tụ́ ọ ịrẹsụ, avọọ dị ẹ jị ọ ubobo ana nị, di e chire awuru eyi anggẹẹrị Ẹnẹyịmavara ana jẹẹ pe wa ịzọọ nị.

Imatiwu 15:13

Dị Ijeesu tụ́ ohi, dị ọ ka, “Avaba ọchị ẹnẹ ẹ̀ yị vị Ada amị o chire, vị enee vee hu nee ta.

Imatiwu 5:16

Navọ ẹtohweyi ọnị ụ vị nịnị ọ̀ vavọọ zẹtẹ ọ́vịdị aza, dị è zụ re ebira ozoza awụ nịnị dị ẹ̀ sị ụga yị Ada awụ nịnị ẹbẹẹba!”

Iruuku 15:22

Ama dị ada anị kà a yị ezi ahụ anị ka ẹ̀ wụsẹ na sị awuru ene zoza hu keekere vẹ, di è si chire e, dị ẹ̀ sị ochirigege tụ́ ọọ ụvọ, dị ẹ̀ rẹ kụ́ adava hi ọọ ahụ nị!

Ịjọọnụ 15:8

Wàa nyị ẹtụtụ nịnị ẹtẹẹtẹrẹ, ọ vaa mẹ ka aza ẹ̀ sị ụbanyị yị Ada amị nị; oze avọọ ụ rẹ nyẹngụ zị vị ezirẹma amị nịnị nị.

Ịjọọnụ 16:20

Ịzẹyịza m maa kà a wụ nịnị nị, u vee nowu, di u wee sụ ùnè nịnị, ama dị anẹhẹ ẹnị aa jẹ. Ayị awụ nịnị vee du, ama ayodu awụ nịnị vaa vara ayohine.

1 Anịkọrịntị 3:9

Ẹyị vị ene dudu aa mẹ ụkọrọọ yị Ohomorihi. Ẹwụ nịnị vị ana sị mẹẹ anka aarẹ Ohomorihi, à vị irehi oni Ohomorihi aa dà.

1 Anịkọrịntị 6:20

Ohomorihi ọ sị wụ nịnịị hị́, ọ sị ụta sí; agụvị avọọ wa kụkụụ sị ẹngụ awụ nịnịị sị ụbanyịị yị Ohomorihi.

Anihwiripi 1:11

dị ụ wa rẹ zụụ mẹ̀ ebira ana vọrọ tụra ọza oni Ohomorihi raà jị ịhị yị. Ijeesu Ikirisiti ọọ̄ mẹ̀ ka ọza ọ̀ vavọọ zụ mẹ̀ ebira nị. Ọnọọ vaa mẹ ka aza ẹ̀ẹ sị ụga ọnịrị ụbanyịị yị Ohomorihi.

2 Anịtẹsaronika 1:10

Ịrẹyị ẹnẹẹ vaa mẹ ịhị Ijeesu ọ̀ọ vavẹ va dọ igirima ana aza anị aa sịị yọ. Ịhị ọnọọ aza ana sị ayị tụraa vaa sị ụbanyịị yọ. Ẹwụ nịnị rẹ vaa yà ịnị aza ẹnẹẹ bẹẹ, agụvị ka wâ dọ ịrẹyị ọnị kà wụ nịnị wụ́.

Anihiburu 1:9

Ịzẹyịza óo zé wu eyi, ama wáa nyị ịhyẹrẹ ịsa edivi; agụvị avọọ Óhomorihi ana vị Ohomorihi awụ nyị wụ, ka ẹwà nyị ụbanyị ọnịrị ịrajẹ huna anda awụ nịnị ana vọ nị.”

1Ipita 2:9

Àa vị ẹwụ nịnị yọ, ẹwụ nịnị vị aza oni Ohomorihi sị nyị. Ẹngụ ohirẹsụ irehi Ohomorihi ana aa hẹkẹ Ohomorihi Ohinọyị, ụ vị nịnị nị. Anẹkụra oni Ohomorihi nyị tụ́ irenyi yị ẹngụ anị, ụ vị nịnị nị. Aza Ohomorihi obooro ụ vị nịnị nị. Ộ nyị wụ nịnị ka waa kà a yị aza ịsa ẹbanyị-ẹbanyị oni Ohomorihi mẹ, ọ mẹ̀ hị́ wụ nịnị hụụnị ịrahụ va ngụ ini ẹtohweyi anị ene hí ọza irenu.

1Ipita 4:14

Aza àa kụ̀ wụ nịnị ụhụ agụvị Ikirisiti, ọyịza ọ vaa vịị yị wụ nịnị nị; agụvị ka Ụhwẹ Ọnịnị ana nyị ụbanyị yàa wụ nịnị ịrẹma.