Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ayịsaya 61:2 - IWE ỌNỊNỊ

2 Ẹnẹyịmavara ọ raà tụ́ mị ka ma kà a aza ana barịwẹ Ka ụmẹ ọnị Ẹnẹyịmavara vaa dọ aza anị ha, o sí tụ́ dị ọ nyị ehuna ịrẹsụ ọnịvị ẹnịnị ọ raà tụ́ mi ka ma sị́ ayị aza anaa zị ẹngụ nẹtẹ.

အခန်းကိုကြည့်ပါ။ ကော်ပီ




Ayịsaya 61:2
34 ပူးပေါင်းရင်းမြစ်များ  

Avọọ sị ụtọ pe ẹtẹ dị wa wụ́ ịrẹyị ẹnị Ẹnẹyịmavara Ochẹtẹẹngụ aa ka. Ọnị ọ vị Ohomorihi Anisirẹrị nị. Ọnị ọ nyị ụkata nị. Ọ kà ọnị ka ọnị vee sí ẹwụ nịnị ọnịvị anị atọ ịrẹyị ọnọnị, dị ẹwụ nịnị ọ̀ sị ọnị tịtẹ hẹẹ.


Tụ́ ụvọ kú ịrẹsụ wee nowu ka ẹkụhị ẹnẹ Ẹnẹyịmavara Ochẹtẹẹngụ vaa sị wụ̀ azaa ha o si tù.


Ẹnẹyịmavara ọ nyị avaba ụkata nị. Ọ raà jị ẹkụhị ọnya tịtẹ. Ịhị ọnọọ ọ vaa za avaba aza ene ee wu ịka zị dị ọ kà wa chi, dị ọ mẹ̀ ụhị nyị wa.


Ọ mā vana zẹẹ ka ọza ò sú paa Ẹnẹyịmavara ana vi ohinọyị ọ yị kụkụ vaa zẹẹ ka ọza ò re ịrẹyị orere. Ọ yị rẹ kụkụ vaa zẹẹ ka ụhị ọ̀ vana nyị aza anị ịnị ẹhẹ. Ẹnẹyịmavara kà ọnị ọ kà avọọ nị.


Ẹnẹyịmavara aa kụ́ ayịị hi avaba anẹhẹ ọnịrị avaba isoja ẹnịnị. Avaba ẹnịnị vị ọnị ọ vaa mẹ ka à wụ và ha saka-saka.


Ịhị ọnọọ Ẹnẹyịmavara vee si atọ ịsa ana a mẹ Anịzayọnị, dị ọ dọ Anịzayọnị há nị.


Kà ẹ yị aza ana ayị aa hụrẹ ịnẹ ka asị angwa rè hí wa; ẹ̀ nyị ọtụtụrụma, ka Ohomorihi ẹnịnị aa vaa dọ wa há. Dị ọ ụya rị ọnịvị ẹnịnị.


Ohomorihi awụ kà: “Sị ayị aza anị nẹtẹ, sị ayị aza anị nẹtẹ.


 nyị ụmẹ ọnya ọnị Ẹnẹyịmavara kà ịrẹyị yị Anisirẹrị: Ọ kà ụmẹ mee tu ọnị ọ wụ́ aduwa ẹnịnị, dị ọnị gụ wa ụvọ, dị ọnị rẹ dọ wa ha. Ọnị rẹ vaa mẹ̀ ịsa yị wa ọnị anẹkụra ana vọ vaa nyị ụvọọ tụ ọ. Ọnị vaa da ẹkụra ẹnịnị ene du varẹma yị wa.


Ẹnẹyịmavara kà ọnị aa sị ayị ẹnịnị nẹtẹ. Sị ẹ vẹ di e yee hí angwa ọzarẹyịrẹsụ ọnị ẹhẹ anịị̄ ta anka avị mẹẹ̄ wụ̀ avọọ.


“Me reè re ịsị ẹ mẹ, ama mị vaa mẹ wa ụkụ. Mi vaa zụ wa oze, dị maa mẹ̀ ọgụvọọ yị wa. Ẹnịnị enee su ùnè, mi vee hunẹnẹ wa ayị.


Ẹnẹyịmavara ộ kà, ẹnịnị wéé ro ka ayị ô hine tu ịsa ọnị ẹ yaa mẹ nị? Ẹnịnị àa za awẹ, dị sị ụya rị ẹngụ ẹnịnị; dị ẹ ka ịrẹsụ hi anka avị ana ma avọọ, dị ẹ kụ achị ana aā sịị zị ẹngụ hi ẹngụ, dị ẹ sị avaba ẹkụhị yaayịtẹ ịrẹsụ atịtọ. Aanị ka ọsọnị ẹ yaa hị́ awẹ nị?


Ẹnẹyịmavara ộ kà yị Ijerusarẹmị ka, anẹkụra ọsa nini vee tenyi ọvọ ẹnịnị dà. Ohinọyị ẹnịnị vaa hẹkẹ wa. Ọnị ộ sị ụya rị wa ayị mẹ kụ ọ. Ama booro aanị, ọnị vaa nyị ayamva yị wa, agụvị ka ọnị ô re wa eyi.


Ịjị wèe re ka ịsa ẹnẹnị aa mẹ̀, ayị awụ vee hine. Ọ vaa vị ụkata ọnịrị ẹngwọnịya yị wụ. Ịjọnọọ ụ vaa yẹ ka ọnị Ẹnẹyịmavara gụ aza ana wụ́ chire e, dị ọ kụ́ ayị hi ọnịvị anị nị.


Ịjọnọọ ezi anẹẹ ẹnịnị vaa jẹ dị ẹyaa nyẹzẹ. Ezweyi ọnịrị azọkụ ọnọrụ ẹnịnị vee hine ayị. Ẹnẹyịmavara kà ọnị vaa vara ayodu ẹnịnị ịnohine ọnị vaa sị wa ayịị nẹtẹ, dị ọnị sị ayohine dọ ayodu ịrẹsụ yị wa.


Ajịnị vị ẹkụhị Ẹnẹyịmavara Ochẹtẹẹngụ, Ananyị avaba ọda. Ajịnị aa họ̀ oponu nị. Ajịnị aa sị ụya rị ọnịvị anị nịnị nị. Aza vị ọnị ọ́ vaa wụ̀ pooro ne tu ịjị oo si du ọ eyi, dị ọ mẹ ka eteesu ò hú ẹnịnị pooro ne tu ka asị ó kuku zụ hu. Ajịnị Ochẹtẹẹngụ aa sị azaa mẹ̀ ịsọvọ eyi ẹbẹẹba ọ̀ sị gụrị Iyuhwuretisi nị.


Ama Ẹnẹyịmavara ọ raà mẹ ka ẹ̀ ma nyị ụkata ẹtẹẹtẹrẹ Ộ mẹ ka ma yẹ ịsị ẹ vị ịzẹyịza. Dị ayị amị ọ̀ rẹ vị dị maa kà a yị ovwoovu Ijekọvụ ebira odivi ẹ́nịnị. Mị ka maa kà a yi Anisirẹrị ebira odivi ẹnị ẹ yaa mẹ.


Aza ana aa jị òrèrè vaa da jẹ, agụvị ka Ohomorihi vee hunẹnẹ wa ayị.


ộ nyị mị ka ma rẹ nọ ọ yị aza ịrayị oni Ohomorihi vaa sị dọ aza anịị há.”


Ẹwụ nịnị ọnị ụngwẹ aa kụ̀ booro aanị vaa daa jẹ, agụvị ka Ohomorihi vaa sị ịnẹẹ há wụ nịnị. Ẹwụ nịnị ene ee sụ ùnè booro aanị vaa daa jẹ, agụvị ka u vee nyinyi nịnị.


agụvị ka Ohomorihi ộ kà a ka: Ọnị ộ wụ́ ịpẹ awụ nịnị ịnị ụmẹ ene zé oni eyi; Ọnị ọ́ rẹ gụ wụ nịnị ụvọ ịnị ẹkụhị ẹdọha. Re, ọyaanị ọ vị ụmẹ ene zé Ohomorihi eyi nị; ọyaanị ọ vị ẹkụhị ọ vị ẹkụhị ọnị ọ zụ sị dọ wụ nịnị há nị.


Ẹ yị hyakụ zẹẹ ka ya kà ịrẹyị Ohomorihi yị aza ẹnẹ ẹ yị vị Aniju, ana zụ mẹ ka ẹ̀ zụ há. Ẹnịnị ẹ sị ịvị za ịrẹsụ. Ẹ mẹ̀ vavọọ mẹẹ pooro, ọyịkụ Ohomorihi ọ zị vẹ ịrẹsụ ẹnịnị.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ