Ayịsaya 6:3 - IWE ỌNỊNỊ

³ Dị ẹ yaa hị́ ẹngụ, dị ẹ ka “Ọnịnị, Ọnịnị Ọnịnị! Ẹnẹyịmavara Ochẹtẹẹngụ vị ọnịnị. Ụbanyị anị vi ene chi avaba ẹhẹ ẹngụ.”

Ayịsaya 6:3 ပူးပေါင်းရင်းမြစ်များ

Ẹzịra 3:11

Agụvị irehi ana a ka a ẹtẹ aanị, dị avaba aza sị ọngwẹ tụ ẹba aa ga Ẹnẹyịmavara nị. Dị ẹ yaa jị ahẹ gono o nị. Dị ẹ kà, “ọ yẹ ịrẹyị, di o sì ịrẹyị Anisirẹrị nịnị pooro zịna-zịna nị”. Dị ẹyaa kụ ọ avọ nị.

Ahẹ Ụgama 57:11

Ohomorihi, ẹwa nyị ụbanyị hu keekere ini ihinẹba nị Navọ avaba anẹhẹ è re ụbanyị awụ.

Ahẹ Ụgama 66:2

Waā jị ahẹ nịnị, dị waa kà a ụbanyị ẹnị ọ nyị Waā kụ́ ọ avọ nịnị ini oze ana sị zụ̀ ka ộ nyị ụbanyị.

Ahẹ Ụgama 72:19

Ẹwụ ana maanị nyị ụbanyị, ị vaa kụ́ wụ avọ pooro nị. Ụbanyị awụ vi ene vee chì avaba ẹhẹ ẹngụ. Aamị, mị ka Aamị.

Ahẹ Ụgama 8:2

Wa mẹ ka ezweyi ọnịrị ezinụvọ nịnị ẹ sị ụkata awụ zụ̀. Agụvị ọnịvị awụ ụ vavọọ mẹ̀ ẹ nị, dị wa sị za anayamụkụ ọnịrị ọbarọza ụvọ chire enyi.

Ahẹ Ụgama 90:16

Navọ wa mẹ̀ ụkọrọ ẹbanyị-ẹbanyị awụ dị eyi ezi ahụ awụ ò re e, di ezi eyi ịrẹma-ịrẹma ẹ̀ zụ yẹ ụ mẹmẹ nyị ụbanyị.

Ahẹ Ụgama 97:6

Ihinẹba aa sịị zụ̀ ka Ẹnẹyịmavara vị anaā mẹ ịzẹyịza, avaba aza ee re ụbanyị anị.

Ahẹ Ụgama 99:3

Avaba aza vaa sị ụbanyịị yị ịrẹha anị ana maanị ngụ ịrẹyị. Ọnịnị ọ vị nị.

Ahẹ Ụgama 99:9

Waā sị ụbanyịị yị Ẹnẹyịmavara ana vi Ohomorihi ayị, di wa nọ ịnị ataba anị dị waa tanaa tụra ẹtẹẹ kụ́ ọ nịnị. Yẹ nịnị ka Ẹnẹyịmavara ana vị Ohomorihi ayị, ẹ yị nyị ẹngụ anị.

Ọyịkụra 15:11

Ẹnẹyịmavara, ye re ọnị a nyẹngụ si juwe awụ ịnị avaba ori nịnị? Ẹnẹ ka ọnịrị ẹwụ ộ vị ọpa? Áá nyị ọza ana vị ọnịnị dị ọ rẹ nyị ụbanyị anka ẹwụ. Aza vi ene ee hí angwa agụvị ka wá nyị ụbanyị. Ẹ yị nyị ọza ana zụ mẹ̀ ụkọrọ ịvọpa ẹbanyị-ẹbanyị ọnị ụ waa mẹ.

Ayịsaya 24:16

Yâ wụ́ aza ene hi ụnọngụ-ụnọngụ ẹhẹ màa jị ahẹ ka, “Ohomorihi ọ nyị ụbanyị nị.” Ama dị ẹmị ka ịrẹyị ô tù mị, ma sị dà. Enevene nịnị ee yii vene aza naa yị ọnịvị, mị ka eyee vene aza naa yị ọnịvị.

Ayịsaya 40:5

Ẹnẹyịmavara vaa sị ụbanyị anị zụ, dị avaba anẹhẹ re. Ẹnẹyịmavara ụvọta anị o wo oto ịsa ọnọnị nị.”

Ayịsaya 54:5

Agụvị ka Ohomorihi ana mẹ wụ vị ana vaa sị mẹẹ anka ọ vaa yị wu. Ịrẹha anị ọ rị Ẹnẹyịmavara Ochẹtẹẹngụ nị, Ohomorihi Ọnịnị Ísirẹrị vaa dọ wụụ ha. Ọnị ọ vị Ohomorihi avaba ẹhẹ nị.

Ezikẹẹrị 43:2

Ezikẹẹrị ka ọnị mẹ yà ịzọọ, ọnị ô ré Ohomorihi Anisirẹrị mẹ hụrị eyi ọnị ọyịị̄ zịị vẹ aa vẹ, ọnịrị ụbanyị anị, ọnị ộ wụ ọngwẹ Ohomorihi maa sụrẹyị anka okuha ọbanyị enee sì avọọ. Dị ụbanyị anị ọnọnị mẹ ka avaba ẹtẹ ọọ zẹtẹ nị.

Ezikẹẹrị 44:4

Ịjị ọ maanị sị kà yị ọnị, dị ọ́ sị ọnị zị oze ọbanyị ana yà eyi ẹbẹẹba va ngụ ọvịdị irehi Ohomorihi nị. Ọnị ộ kana eyi, dị oni ré ka Irehi Ohomorihi vị ohihi yị igirima Ẹnẹyịmavara nị; dị ọnị và eyi ku ẹtẹ nị.

Ihabaku 2:14

Aza ana yẹ Ẹnẹyịmavara dị ẹ sị ụbanyị yọ vaa rụrụ chi ẹhẹ ẹngụ anka enyi meē hi oku avọọ.

Ịzakaraya 14:9

Ụmẹ ọnọọ Ẹnẹyịmavara ọ vaa vị ohinọyị tụ́ ịrẹsụ avaba ẹhẹ nị. Ọzọza vaa hẹkẹ ẹ anka Ohomorihi, dị ẹ vavọọ yẹ ịrẹha anị.

Ịrịka 14:21

Ama anka ọnị mẹ yara dị ụbanyị dọ avaba ẹhẹ,

Anẹhwẹsọsị 1:18

Mị raa mẹ̀ aduwa ka Ohomorihi ọ̀ há ayị awụ nịnị hi ẹtẹ, di eyi awụ nịnị ò zụ hweyi tù ịsị ụ waa tụra eyi anị nịnị, ọ mẹ̀ hị́ wụ nịnị. Mị raa mẹ̀ aduwa ka wa yẹ nịnị ka ẹyịza oni Ohomorihi ka ọnị vaa sịị yị aza anị ọ́ọ nyị ụbanyị ẹtẹẹtẹrẹ.