Ayịsaya 6:2 - IWE ỌNỊNỊ

² Â nyị ịsa ịrịịra ẹnyị aanị ana nyị avaka ịhịnọnyị, dị ẹnị maanị hi ẹbẹẹba nị. Ệ sị ẹvaka ẹẹva kú eyi, dị ẹ sị ẹẹva kú ahụ, dị ẹ yaa sị ẹẹva ana vọ hira nị.

Ayịsaya 6:2 ပူးပေါင်းရင်းမြစ်များ

Oyinyima 17:3

Di Abụramị tana tụra ẹtẹ, di Ohomorihi rẹ kà a yọ ka:

1 Ohinọyị 19:13

Ịjị Ẹnẹyịmavara vavọọ sị kà yị Erija, dị ọ dà awuru anị kú eyi nị, dị ọ jịnẹ, dị ọ na jẹẹ ini irenu ụtẹha ọnọọ nị. Dị ọ vana wụ́ ka a kà a ka, “Sị waa mẹ ịzẹnị, Erija?”

1 Ohinọyị 22:19

Di Imikaya aa kịị kà ịrẹyị anị dị ọ ka, “Batọ ọ dị wụ́ ịrẹyị ẹnị Ẹnẹyịmavara kà. Ụmẹ ọnya mê re Ẹnẹyịmavara kà ộ yaayịtẹ ịnị aga anị, di avaba anggẹẹrị anị ẹbẹẹba jẹẹ pè e eyi ụvọrị ọnịrị eyi ụvọha anị nị.

1 Ohinọyị 6:24

Akaha ọnya ịnị avaka ikerubi ọnya vị ahụ ịhịmba rị ẹjịjị, dị avaka akaha ọsa ọnị rẹ vị ahụ ịhịmba rị ẹjịjị nị. Ẹ̀ẹ gana avaka ẹnịnị hụrẹ ụtọ avaka ọnya na ngụ ụtọ avaka ọsa vị ahụ ẹwụrẹhị.

1 Ohinọyị 6:27

Ikerubi ẹyịva ẹnẹẹ vị ana a kụ́ tụ́ ịnị ịnẹ aku keekere ini eehi ọnọọ. Dị ẹ gana avaka ẹnịnị dị avaka eyi ọnya ịnị avaka ikerubi ọnya na kà ugene, dị avaka eyi ọnya ịnị avaka ikerubi ọhụva ọnị rẹ na kà ugene nị. Avaka ẹnịnị ọsa ana và kà ịnị akakana irehi vị ana maanị kà ẹngụ.

1 Ohinọyị 8:7

Dị ahịka vị ikerubi ẹnẹẹ tana avaka kú apoti ọnọọ ẹbẹẹba ọnịrị ọchị ene chire e nị.

Inehemaya 9:6

Dị ẹ ka ọnị ịnyara kẹnẹ ọ vị Ẹnẹyịmavara nị. Ọnị ọ mẹ̀ eguhi, ọnịrị ẹbẹẹba neberi ụzọmị nịnị nị. Ọnị ọ mẹ̀ ẹtẹ ọnịrị oku neberi avaba ịsa ana ra hị́ ịnị anị. Ọnị ọ sị ụhwẹ yị avaba ịsa, dị ee sere wa nị. Ọnị avaba anggẹẹrị nịnị aa hẹkẹ nị.

Ijoovu 1:6

 nyị ẹkụhị ọnya aanị ọnị anggẹẹrị nịnị kụ ẹngụ gụ ọvịdị Ẹnẹyịmavara, dị Echu odu ọza ọnị rẹ nọ nị.

Ijoovu 15:15

Ohomorihi ẹ yị hyakụ sị ayị tụra anggẹẹrị nịnị. Ẹnịnị ẹ yị nị eyi anị.

Ijoovu 4:18

Ezi ahụ Ohomorihi ọnịrị anggẹẹrị nịnị ẹ̀ yịị ha,

Ahẹ Ụgama 103:20

Ẹwụ nịnị anggẹẹrị anị ana nyị ụkata ana aa mẹ̀ ịsa ọnị ọ kà waā ga ọ nịnị.

Ahẹ Ụgama 104:4

Ahị ọnịrị ịra ana aa dà ụ sị mẹ ọnụtụ awụ nị.

Ahẹ Ụgama 18:10

Ịsa ana nyị avaka ana ahịka ahị ọọ tụra aa zị nị.

Ahẹ Ụgama 89:7

Ịzị aza Ohomorihi ẹ̀ẹ kụ́ gụ hị́, ẹnịnị vị ene ee hí angwa Ohomorihi. Ịnị avaba aza ana kara Ohomorihi, Ohomorihi ọnị ịnya aza eehí angwa anịị hu nị.

Ọyịkụra 25:20

Di icherubi ẹnẹẹ và eyi ka ẹngụ, dị ẹ kụ̀rà avaka ẹnịnị tụ́ ẹba di è si kú oku apoti ọnọọ.

Ọyịkụra 3:6

Di Ohomorihi rẹ ka, “Ọnị ọ̀ vị Ohomorihi ana ada Imosiisi hẹkẹ nị. Ọnị ọ̀ rẹ vị Ohomorihi ana Abụrahamị, Ayiziiki ọnịrị Ijekọvụ hẹkẹ nị.” Di Imosiisi wụsẹ sị eyi anị tẹ nị. Angwa ee hi ọ ka ọnị ve re Ohomorihi.

Ọyịkụra 37:9

Di icherubi ẹnẹẹ kụ̀rà avaka ẹnịnị tụ́ ẹba di e si kú apoti ọnọọ nị. Di icherubi ẹnẹẹ và eyi kà ẹngụ di eyee re òkú apoti ọnọọ nị.

Ayịsaya 6:6

Dị ọnya ịnị ịsa ịrịịra ẹnẹẹ sị apụka dị ọ sị akịna hụụnị ụta ịzị a yàa rị ịsọvọ ịra di o hira ve tù mi nị.

Ezikẹẹrị 1:11

Ịsa ẹnẹnị ikonyikonyara ệ kụ̀rà avaka ẹnịnị ẹvẹẹva tụ ẹba, dị ọ̀ kanyị avaka ịsị ọsa ana yà akaha ẹnịnị. Dị ọzọza pá avaka ẹnịnị ẹvẹẹva ana vọ za ẹngụ anị nị.

Ezikẹẹrị 1:24

Ezikẹẹrị ka, ẹnịnị mee hira, ọnị ộ wụ́ avaka ẹnịnị maa sụrẹyị anka okuha ọbanyị ee sì avọọ; dị aa sụrẹyị anka isoja nịnị mẹẹ kụ ịrẹka avọọ nị. Ẹyaa sụrẹyị anka ọngwẹ Ohomorihi Ochẹtẹẹngụ avọọ. Ịjị ẹnịnị ẹ̀ yị kuku hira, dị ẹ kara avaka ẹnịnị.

Ezikẹẹrị 1:4

Ezikẹẹrị ka, ọnị mẹ kụ̀rà eyi tụ ẹba, dị ọnị re ka opomi ộ tụ́ hụrị eyi ẹbẹẹba aa vẹ nị. Ọnị ô re re ka eguhi ộ da dụmẹ, dị ịnyaanya aa rị ịnị anị nị. Dị ẹbẹẹba aa zẹtẹ kara eguhi ọnọọ nị. Oni ô re ịsị ẹ sị mẹẹ anka enyusẹ ọkatarihi anaa za nyoonyo avọọ ịnị akakana ịra anaa rị aanị.

Ezikẹẹrị 1:6

Ama, ikonyi ikonya ẹnịnị vị ana nyị eyirẹsụ ẹẹna ọnịrị avaka ẹẹna.

Ezikẹẹrị 1:9

Ịsa ana a tụ́ ụhwẹ aanị vị ana gana avaka ẹnịnị dị ẹ sị kanyị avaka ẹngụ akaha-akaha. Eyi ẹnị ẹẹ ka ẹnị aa nọ kẹnẹ, dị ẹẹ vavọọ aa na, ẹ́ yị nyị ka ẹnịnị ẹ̀ vara eyi.

Ezikẹẹrị 10:16

Ịjị Icherubi ẹnẹnị ẹ̀ẹ zị ụsẹ, dị ịsị ẹ sị mẹẹ ahụ ụkẹkẹ aanị aa dụ wa akaha-akaha. Ịjị ẹnịnị ẹ̀ẹ kụ̀rà avaka ka ẹnị è hira tụ ẹba dị ịsị ẹ sị mẹẹ ahụ ụkẹkẹ aanị vavọọ yịị yà akaha ẹnịnị.

Ezikẹẹrị 10:21

Ikonyi kọnyara ẹnịnị vị ana nyị eyirẹsụ ọnịrị avaka ẹnẹẹna, dị ẹnịnị nyị ịsị e vene ụvọ ọza tụ iruvo avaka ẹnịnị nị.

Ịdanịyẹrị 7:10

Dị ịra â dà wụụrụ ọvịdị anị nị. Ọkọnị aza ee ku ẹtẹ kụ ọ, dị aza otomiroku ẹnị rẹ jẹẹ ọvịdị anị nị. Ịjị ọmọkarẹyị nịnị sị yaatụ, dị ẹ hụ̀ iwe ana a chẹrẹ ịsa ọnị ọzọza mẹ hi ịnị anị nị.

Ịdanịyẹrị 9:21

Ọnị mẹ vavọọ aa yị mẹ̀ aduwa, dị ọnị vene ré Igebirẹẹrị ọnị ọnị vịdị ré ịnị ẹtẹ ịpaapa ọnị ọnị ré nị. Dị o hira hẹẹ ve tu ọnị nị. Ụmẹ anaā sịị mẹ̀ ịsọvọ oruva ọ vavọọ sị vẹ nị.

Ịzakaraya 3:4

Dị anggẹẹrị kà yị aza ana jẹẹ ọvịdị anị ka ẹ ngwa awuru ịvị ẹnẹẹ hụrẹ ẹ ẹngụ.

Iruuku 1:10

Ịnị ụmẹ ana aā sịị rị eturare ịraa hi Ohomorihi, dị ọkọnị aza ana vọ ẹnị hi ẹhẹ aa mẹ̀ aduwa nị.

Anihiburu 1:7

Ịrẹyị oni Ohomorihi kà ini oze anggẹẹrị nịnị yị: “Ohomorihi ọ́ọ mẹ anggẹẹrị anị nịnị ka ẹ̀ yà anka ahị avọọ; ezi ahụ anị ẹnẹnị vị ọnị ọ mẹ ka ẹ̀ yà anka ịrarẹ ịra avọọ.”

Ẹtore 14:6

Me re re anggẹẹrị ọsa ene ee hira ẹ́bẹẹba. Ọ́ọ nyị enube ọyịza ana yà pooro zịna-zịna ana aa naa kà a yị aza ene hi ẹhẹ, avaba anẹkụra, aza ana aa kà ẹkụra irenyi-irenyi avaba ẹhẹ.

Ẹtore 4:8

Ịsa ẹẹna ana nyị ụhwẹ ẹnẹẹ, ọnya-ọnya ộ nyị avaka ịhịnọnyị. Dị ẹhẹẹhẹ ẹnịnị ọnịrị ịnịnẹ ẹnịnị vị eyi-eyi nị. Ọọdụ ọnịrị ịrahụ, ẹnịnị e yị tụ́ ụhwọ́, dị ẹyaa jị ahẹ ka Ọnịnị, Ọnịnị, Ọnịnị, Ananyịwa Ohomorihi Ochẹtẹngụ vị nị. Ẹ yị nyị ẹngụ awụ, Ọnị ọ yà ịzọọ hụrị ụmọrụmọ dị a va yẹ ka aa mẹ ẹhẹ nị; ọnị ọ yà ịzọọ booro aanị nị, ọ rẹ vaa vaa vẹ ịnị ẹhẹ ọnọnị.

Ẹtore 7:11

Dị avaba anggẹẹrị ana jẹẹ kara aga ohinọyị ọnọọ, beri azọkụ ẹnẹẹ ọnịrị ịsa ẹẹna ẹnẹẹ ana nyị ụhwẹ aanị, tana tụra ẹtẹ, dị ẹ và eyi ku ẹtẹ, dị ẹ hẹkẹ Ohomorihi nị.

Ẹtore 8:13

Dị mị kana eyi, dị mị wụ́, ọ́kasịmẹ ọnya mee hira ẹbẹẹba, di ee nowu ka: aza ana ra ịnị ẹhẹ ẹ sị da. Ẹ sị da. Ẹ sị da, ịjị ọpanyị anggẹẹrị ẹẹta ana vọ ẹ̀ẹ sụ́ ịrẹyị!