Ayịsaya 57:7 - IWE ỌNỊNỊ

⁷ Waa nọ ịrẹsụ ataba na mẹ̀ ịsọvọ nịnị, dị ẹwụrị ayẹnẹẹ aa sụ̀ ara ịzọọ nịnị.

Ayịsaya 57:7 ပူးပေါင်းရင်းမြစ်များ

Ayịsaya 57:3

Ẹwụ nịnị aza edivi, vẹ vị à mẹ̀ ọkarẹyị yị wụ nịnị. Wẹ yi dahi huna ọpọchị nịnị; wẹ yị dahi huna aza anaa hẹkẹ ori, ọnịrị aza ana navọ Ohomorihi tịtẹ naa hẹkẹ ịsa ọsa.

Ayịsaya 65:7

Ẹnẹyịmavara kà, “Mi vee si wa atọ ịvị ẹnịnị ọnịrị ịvị oni ohiku ẹnịrị rị. Agụvị ka ẹnịnị ệ nọ ịrẹsụ ataba na mẹ̀ ịsọvọ, dị ẹ yà ịrẹsụ ataba eweyi kụ́ mị ụhụ nị. Mị vaa sị́ ụya anịị rị wa a mẹ̀ vọrọ.”

Ijeremaya 2:20

Ẹnẹyịmavara ene hu kere-kere ka, Anisirẹrị, o si ku ọnị ụ hụrẹ ka a sị mị kụkụ mẹ ọda tụra wụ nịnị, Ụ ka wẹ yị kụkụ saasa ịrẹyị amị nịnị, dị ụ wẹ̀ yị rẹ kụkụ hẹkẹ mị nịnị nị. Dị ụ naa hẹkẹ ori nịnị ịrẹsụ avaba ataba ọnịrị avaba iruvo ọchị ohwoohu nịnị nị.

Ijeremaya 3:2

Ẹnẹyịmavara kà, kana eyi tụ ẹba dị we ré ịrẹsụ ataba nịnị. Ịzị ẹ vọ ọnị wẹ yị ya sẹ̀ ịrẹka nịnị da? Ụtọ oze vị ọnị ụụ yaatụ zi onyeehi nịnị anka Anaaravụ enee zi ọza ịnị ụnọmị avọọ. Wa raa sẹ̀ ịrẹka ọyị sẹ awụ nịnị du ẹkụra va hi ẹtẹ.

Ijeremaya 3:6

Ijeremaya ka, Ẹnẹyịmavara ộ ka ẹ yị ọnị, ụmẹ ọnị Ijosaya sị vị ohinọyị ka, ọnị oo rẹ ịsị Anisirẹrị nịnị mẹ? Anisirẹrị nịnị vị ọnyẹnẹẹ ẹnẹẹ yị nyị ịzẹyịza. Ọ sị ịrẹma và ka ọnị, dị ọ naa sẹ̀ ịrẹka ngụ ịrẹsụ ataba ọnịrị iruvo avaba ọchị ohwoohu zị nị.

Ezikẹẹrị 16:16

Ịta awụ ẹnyị vị ọnị ụ sị mẹ ịzị ụ yaa mẹ ahẹkẹ nịnị ọvị anka ọsẹrẹka avọọ. Avaba ọza ụ kụkụ sị ẹngụ awụụ yị nị.

Ezikẹẹrị 16:24

dị ụ na dà ịzị a yaa mẹ orii hi utoze-utoze, dị waa sẹ̀ ịrẹka ịzọọ nịnị nị.

Ezikẹẹrị 16:25

Wa raa kụ uzoza awụ nịnị sisi ẹtẹ. Waa sị ẹngụ awụ nịnị yị ọza anaa para hu kẹnẹ, dị waa dà ụvọ tụ ịnị ụvọ eyinị-eyinị ịnị ịrẹkọyịsẹ nị.

Ezikẹẹrị 23:17

Dị Anibabironi nịnị vẹ, dị e vee pè e mẹ nị. Ẹnịnị ê pè e mẹ pooro, dị ẹ mẹ̀ ẹ ọsọọsa nị. Ịrẹyị ẹnịnị vị ene vene du ọnị nyẹmba eyi.

Ezikẹẹrị 23:41

Ẹnịnị ệ yaatụ ịnị aga ọgọdọ ana sị itevuru tu ọvịdị anị. Itevuru ọnọọ vị ana a kụ ịsị ozoza-ozoza hi ịnị anị. Dị ẹ hyakụ kụ eturare ọnịrị angwẹ orivi ana a sị va yị ọnị tụ ọ bẹẹ nị.

Ezikẹẹrị 6:13

Ọ kà oku ẹnịnị vaa gwẹtẹ pe ori ẹnịnị; dị ẹ gwẹtẹ kara ụta ẹnẹ ẹẹ mẹ̀ ịsọvọ ịnị anị. Avọọ ọ́ mẹ vaa yà ịnị avaba ịrẹsụ ataba, ọnịrị iruvo avaba ọchị ohwoohu beri iruvo ọchị ẹbanyị-ẹbanyị avaba aha ẹnẹ ẹyaā sị ịsa ana agụ anị hinee mẹ ịsọvọ yị ori ẹnịnị nị. Ịjọnọọ, ọzọza vaa kà a ka ọnị ọ vị Ẹnẹyịmavara nị.