Ayịsaya 57:5 - IWE ỌNỊNỊ

⁵ Ẹwụ nịnị anaa hẹkẹ ori ọnị ụ ka ọ zụ mẹ ka ọza ọ̀ ma ozi, dị ẹwụrị ọnyẹnẹẹ aa na sụ̀ ara iruvo ọchị ọnị ụ jị ori nịnị. Waa sị ezi ewu nịnị nọ ịnị ụtẹha ịrẹta ọnịrị ụtọ okuha naa mẹ̀ ịsọvọ nịnị.

Ayịsaya 57:5 ပူးပေါင်းရင်းမြစ်များ

Ezikẹẹrị 16:20

Dị ụ rẹ sị ezi ọnị ụ ma yị ọnị naa mẹ ịsọvọọ yị ori ẹnẹnị nị. Aanịka ọsọnị é yi si divi ẹnẹmẹhị ana sị zụ̀ ka wẹ yị sị ayị tụra ọnị.

Ayịsaya 1:29

Avaba ẹwụ nịnị ana na hẹkẹ ọdụ ọnịrị ịsa ana mẹ hi ịnị ụbazị vaa sị ụmayịyẹ. Ụ mẹ ka ịnị ụbazị ayị awụ nịnị kụkụ yà aanị nị, ụhị ọ vaa nyị wụ nịnị nị.

Ijeremaya 7:31

Ẹnịnị ệ nọ ịnị akakana ataba ẹẹva ịzị aā hị́ Ihinọmị, dị e nee hì ụta ịsọvọ ịzị ẹ vaa sị ezi ẹnịnị mẹ̀ ịsọvọ dị ẹ rị ọ ịra tụ ịzọọ nị. Ụta ọnọọ ẹ yaa hị́ Itohwẹtị nị. Ọ kà, ọnị ẹ yị kà a yị wa ka ẹ̀ vavọọ mẹ, ẹngụ ịsa ẹnẹẹ ẹ ị hyakụ vẹ ịnị ayị anị bẹẹ.

Ijeremaya 3:13

Ẹnẹyịmavara kà dọ nịnị kẹnẹ ka waa rị ịvị nịnị, dị ụ kụ̀ hịrẹ ọnị ana vị Ohomorihi awụ nịnị nị. Dọ irenu nịnị ka waa mẹ̀ ebira ịrẹka ọyị sẹ, dị ụ naa hẹkẹ ori nịnị iruvo ọchị ohwoohu nịnị nị. Dọ irenu nịnị ka wẹ yị wụ́ chire Ohomorihi awụ nịnị.

Ijeremaya 2:20

Ẹnẹyịmavara ene hu kere-kere ka, Anisirẹrị, o si ku ọnị ụ hụrẹ ka a sị mị kụkụ mẹ ọda tụra wụ nịnị, Ụ ka wẹ yị kụkụ saasa ịrẹyị amị nịnị, dị ụ wẹ̀ yị rẹ kụkụ hẹkẹ mị nịnị nị. Dị ụ naa hẹkẹ ori nịnị ịrẹsụ avaba ataba ọnịrị avaba iruvo ọchị ohwoohu nịnị nị.

2 Ohinọyị 23:10

Ohinọyị Ijosaya ô du aha ori ana ya ịnozi Ihinọmị ana aā hị́ Itohwẹtị ẹngụ. Ộ vavọọ mẹ̀ agụvị asị ọza kụkụ sị ozi ọnọrụ a vị ọnẹẹ anị na mẹ̀ ịsọvọ anaā rị ịra yị ori Imorẹkị ịzọọ.

Ireevi 18:21

Ọ kà à sị ẹ hụrẹ ozi ẹnịnị ọnyọọnyị ụvọ ka ana rị ọ ịra mẹ̀ ịsọvọ yị ori ana aā hị́ Imorẹkị. Ẹ̀ẹ vavọọ mẹ, vị ẹ́ yaa sị mẹ ụhịị nyị ịrẹha Ohomorihi nị; ọnị ọ vị Ẹnẹyịmavara nị.

Ẹtore 18:3

Ọ raà mẹ ka avaba anẹkụra ẹ dọ ọda ebira ịdọtị ọnị ọọ̄ mẹ̀. Ohinọyị anẹhẹ nịnị e reè pe e sẹ̀ ịrẹka. Agụvị ka ụbanyị anị ẹ mā hụ ọọ, ọ raà mẹ ka osohu anẹhẹ nịnị ẹ̀ vara ọnyẹkẹhị.

Ezikẹẹrị 20:31

Tu ajịnị-tu ajịnị vị ọnị waa yịị mẹ̀ ịsọvọ ọnyọọnya ọnị ohiku awụ nịnị ẹnị rẹ mẹ. Dị waa rị ezi ewu nịnịị ịraa mẹ̀ ịsọvọ yị ori ẹnịnị nị. Wa sị ẹngụ awụ nịnị du ẹngụ. Ana ẹwụ nịnị Anisirẹrị ee yii ve họ̀ use ka sị ọnị venee sị da. Àa vị ọnị Ẹnẹyịmavara ọ yị vị Ohomorihi ana yara nị, ọnị ẹ́ yị vaa zẹẹ ka wa yẹ ịsị ẹ vị oyisì anị nịnị.

Ezikẹẹrị 20:26

Ọnị ộ mẹ̀ ka ẹyịza ẹnẹ ka ẹnị aa mẹ ọ̀ ngụ wa agụ; dị ọnị navọ wa ka ẹnịnị ẹẹ sị ozi ịpaapa ẹnịnịị mẹ̀ ịsọvọ yị ori ẹnịnị nị. Ọnị ộ vavọọ mẹ wa agụvị dị ọnị ọ̀ sị ụya rị wa ẹtẹẹtẹrẹ, dị ẹnịnị ẹ̀ yẹ ka ọnị ọ vị Ẹnẹyịmavara nị.

Ezikẹẹrị 6:13

Ọ kà oku ẹnịnị vaa gwẹtẹ pe ori ẹnịnị; dị ẹ gwẹtẹ kara ụta ẹnẹ ẹẹ mẹ̀ ịsọvọ ịnị anị. Avọọ ọ́ mẹ vaa yà ịnị avaba ịrẹsụ ataba, ọnịrị iruvo avaba ọchị ohwoohu beri iruvo ọchị ẹbanyị-ẹbanyị avaba aha ẹnẹ ẹyaā sị ịsa ana agụ anị hinee mẹ ịsọvọ yị ori ẹnịnị nị. Ịjọnọọ, ọzọza vaa kà a ka ọnị ọ vị Ẹnẹyịmavara nị.

Ijeremaya 51:7

Ẹnẹyịmavara kà, Anibabironi nịnị vị ana sị mẹẹ anka ako ana a sị igooru mẹ̀ ọnị ọnị sị rị ụvọ, dị ẹnịnị kà avaba anẹhẹ eche nị. Ẹkụra-ẹkụra ê hú eche anị, ẹnịnị ẹ̀ yị kụkụ yẹ ịsị ẹyaa mẹ.

Ijeremaya 50:38

Ọyị vaa jị ẹkụra ẹnịnị, dị avaba irehu ẹnịnị wụ. Ịbabịrọnị vị ẹtẹ ọnị ori edivi-edivi hi. Ori ẹnẹẹ ẹ́ sị wa tụ́ ụra.

Ijeremaya 32:35

Ọ kà ẹnịnị e ne hi ụta tụ Ihimoni ẹnẹ ẹ yaa mẹ̀ ịsọvọ ịnị anị yị Ịbaarị. Ịnị anị ẹyaa sị ezi ẹnịnịị mẹ̀ ịsọvọ yị ori Imorẹkị nị. Ẹnẹyịmavara kà ọnị ẹ́ yị kà a yị wa ka ẹ̀ maanị mẹ; ọnị é yị rò o bẹẹ ka ẹnịnị ẹ́ zụ vavọọ mẹ, dị ẹ̀ mẹ ka Anijuda ẹ̀ mẹ ịvị.

Ijeremaya 17:2

Aza awụ nịnị anaa mẹ ahẹkẹ ịzị ụta ọnọọ yà, dị ụ raa nọ iruvo avaba ọchị ọnịrị ịrẹsụ ataba ịzị asị ụmọmọ ori ọnyẹnẹẹ ana aā hị́ Asẹra tụ nịnị nị.

Ijeremaya 3:6

Ijeremaya ka, Ẹnẹyịmavara ộ ka ẹ yị ọnị, ụmẹ ọnị Ijosaya sị vị ohinọyị ka, ọnị oo rẹ ịsị Anisirẹrị nịnị mẹ? Anisirẹrị nịnị vị ọnyẹnẹẹ ẹnẹẹ yị nyị ịzẹyịza. Ọ sị ịrẹma và ka ọnị, dị ọ naa sẹ̀ ịrẹka ngụ ịrẹsụ ataba ọnịrị iruvo avaba ọchị ohwoohu zị nị.

2 Ịtọpa 28:3

Ịnị ozi Ihinọmị ọ ya aa rị eturare ịra yị ori ẹnẹẹ nị. Ezi Anọrụ anị vị ọnị ọ hyakụ rị ịra ịnẹ ịsọvọ yị ori ẹnẹẹ. Ebira enyisi ọnị aza ọnị Ẹnẹyịmavara dụ kwooze yị Anisirẹrị nịnị aa saasa nị.

2 Ohinọyị 17:10

Avaba ịrẹsụ ataba ọnịrị iruvo avaba ọchị ana nyị uhuhu vị ẹnẹ ẹ sị ịrẹta mẹ ọhẹ hi; dị ẹ mẹ uyi ori ọnẹẹ ana aā hị́ Asẹra hi ịzọọ.

1 Ohinọyị 14:23

Ẹnị ẹ rẹ da aha ọnẹba, di e hi ọhẹ, dị ẹ rẹ nyị ori ana aā hi Asẹra hi avaba ịnị ataba ọnẹba ọnịrị hi avaba iruvo ọchị ana avị anị vị ohwoohu nị.

Iwe Ọhụhị Imosiisi ana aa hị́ Ọyịvatụrọda 12:2

Anẹkụra irenyi-irenyi ana ra ịzọọ vị ana hẹkẹ ori ẹnịnị. Ịjị ẹ̀ẹ raa dọ ẹtẹ ọnọọ, e du avaba aha ana a yaa hẹkẹ ori ene hi ịrẹsụ ataba ọnịrị ịrẹsụ otutu irenyi-irenyi a vị iruvo ọchị ẹbanyị-ẹbanyị ịzị ẹẹ̄ mẹ ori.

Ịrịka 25:6

Ịnị ụmẹ ọnọọ gẹdẹ-gẹdẹ, ọnọrụ ịnya ịnị ẹnịnị na sị ọnyẹnẹẹ Animidiya va ngụ ịzọọ eyi Imosiisi ọnịrị avaba ịragụ Anisirẹrị. Ụmẹ ọnọọ avaba aza vị ene hi ọvịdị ajẹngụ Ẹnẹyịmavara aa jị òrèrè.

Ọyịkụra 32:6

Ịzẹyịza eyinẹhẹ anị dị aza ẹnẹẹ jintu kwẹẹtẹ dị ẹ mẹ̀ ịsọvọ ana aā rị ịra ọnịrị ịsọvọ ana aā mẹ dị à gà a rị nị. Ịjị ẹ sị ọnọọ mẹ, di e kuku hi ẹtẹ dị ẹ yaa rị, di eyee hú dị ẹ rẹ yaa nyị ẹzẹ nị.

Ezikẹẹrị 20:28

Ọ kà ọnị ộ kụ wa va ngụ ẹtẹ ọnị ọnị kà a ka ọnị aa sịị yị wa. Ahatụraha aha ẹnẹ ẹnịnị ee ré ataba ana nẹba ọnịrị ọchị avị-avị nịnị kẹnẹ, dị ẹ na yà ịzọọ aa mẹ̀ ịsọvọ. Ịsị ịsọvọ ẹnẹ ẹyaa rị ịra ọnịrị eche ẹnẹ ẹyaa sị mẹ̀ ịsọvọ vị ọnị ẹyaa sịị mẹ ayịị kụ ọnị.

2 Ohinọyị 17:7

 maanị nyị ẹbẹẹba ẹkụra Ịsamarịya, agụvị Anisirẹrị nịnị ệ rị ịvị Ẹnẹyịmavara, Ohomorihi ẹnịnị, Ohomorihi ọnọnị ọ dọ wa hụrị ụvọ ohinọyị Ijipiti, dị ọ kụ wa hụrị ẹtẹ Ijipiti nị. Ẹnịnị ẹ́ naa hẹkẹ ori,