Ayịsaya 57:4 - IWE ỌNỊNỊ

⁴ Ẹnị ụ waa mẹ̀ isiya nịnị? Ẹnị u wee nyí unyi, dị ụ waa kà kẹnẹ-kẹnẹ hi nịnị? Áa vị ezi aza ana mẹ̀ ebira odivi ụ vị nịnị; anapẹ ẹ ma wụ nịnị nị.

Ayịsaya 57:4 ပူးပေါင်းရင်းမြစ်များ

2 Ịtọpa 36:16

Ama dị ẹnịnị yaa mẹ̀ ọnụtụ Ohomorihi ẹnẹẹ isiya, dị e eyi wụ́ ịrẹyị Ohomorihi, dị ẹ yaa nyị ọnịsẹ nịnị unyi nị. Ẹvabẹ-ẹvabẹ ẹnẹnị ọ kụ́ Ẹnẹyịmavara ayị hi wa dị ẹ yị nyị ọza ẹnịnị ana ha nị.

Ahẹ Ụgama 22:13

Ọnịvị amị ẹnẹẹ vị ana aa hàa hi mi anka idu ana za uye dị aa na a rị avọọ.

Ahẹ Ụgama 22:17

Avaba ẹchụkụ amị ệ ta hụrẹ hi ẹhẹ dị ọnịvị amị ẹnị kuku ee re mi googoro nị.

Ahẹ Ụgama 22:7

Avaba aza ene èe re mi dị ẹ yaa mẹ mi isiya dị ẹnịnị aa kụ̀ mị ụhụ di e re yee mi ịrẹsụ hi mi.

Ahẹ Ụgama 35:21

Ẹ̀ẹ sị irenu ẹnịnị há ha, dị ẹ yaa hị́ mba, mba, eyi ayị ọ vị nị.

Ahẹ Ụgama 69:12

Aza ene hi oze ini orere aa mẹ mị isiya di ohweche ẹnị aa jị mị ahẹ nị.

Ọyịkụra 9:17

Ọ kà ọ̀ kà a ka ọnị ka a vi ee yii wù, dị ọ̀ yị zẹẹ ka ẹ̀ naa,

Ayịsaya 1:4

Ho! wa sị dà nịnị ẹwụ nịnị aza edivi ẹnẹnị, ẹwụ nịnị eni ebira odivi maanị nyayịnẹ chi ẹngụ aanị. Ezi aza edivi ụ vị nịnị nị. Wa sị ẹmị Ẹnẹyịmavara yi tịtẹ nịnị, ẹmị ọnịnị ana vị Ohomorihi Anisirẹrị ụ và ịrẹma kà nịnị aanị nị.

Ayịsaya 10:15

Dị Ẹnẹyịmavara ve họ̀ use dị ọ̀ ka vị ịraga wáá rẹẹ kà a ka ọnị ọ nyị ụkata huna aza ana aa sị ọnịị dà ọchị nị? À vị ànyụ vaa kà a ka oni o kuku huna ọza ana aa sị ọnịị yẹrẹ ọchị nị? O re họ̀ use ka okutẹ óó chema ọza anị, ò vị ọza óó chema okutẹ nị?

Ayịsaya 30:1

Ẹnẹyịmavara kà wa sị dà nịnị ẹwụ nịnị anakamawụ ẹnẹnị. Ẹwụ nịnị ana ahịka ẹẹngụ awụ nịnị kẹnẹ ụụ̄ dàa mẹ nị, dị wẹ̀ yị zẹẹ ka ò pè wu nịnị juwe. Ẹwụrị aza aa naa vaa bẹ nịnị, ama wâ yẹ ka ọ yị nyị ụvọ tụ́ ọ. Dị ụ vavọọ aa mẹ̀ ebira odivi ẹnyị tụra ọsa nịnị. Mị ka wa sị dà nịnị.

Ayịsaya 30:9

Aza ẹnẹnị vi anakamawụ, dị ẹ rẹ vi enevene nị. Ẹnịnị e yi sì ka ẹnị ẹ̀ wụ́ ịrẹyị ẹnị Ẹnẹyịmavara ọ̀ọ kà.

Ayịsaya 37:23

Eni u ro ka ụ maanị aa kụ̀ ụhụ, dị waa sị ọ me enyinyị? Wẹ́ yị sị ụbanyị yị ẹmị Ohomorihi Anisirẹrị ẹnẹ ẹ̀ yị nyị ẹngụ anị.

Ayịsaya 37:29

Ọnị ọ raà wụ enube ọyịkụ awụ ọnịrị ụ mẹmẹ aa sị ẹngụụ tụ ẹba. Booro aanị, ọnị vaa jị arịị chire wu aahị, dị ọnị ka enyusẹ ngụ wụ irenu, ọnị vaa sị wụụ zi oze ọnị ụ zị vẹ gẹdẹ-gẹdẹ avọọ varẹma.

Ayịsaya 48:8

Ẹnẹyịmavara kà ọnị ọ yẹ ka ẹnịnị ẹ yị wụra sị ayị tụra. Â yẹ wa ka anakamawụ ẹ vị hụrẹ ẹtẹẹtẹ nị. Agụvị avọọ ẹ yị wụ́ ịrẹyị ọnọnị vụrụ-vụrụ nị. Ẹnịnị ẹ sị ụtọ kụ ahị ịrẹyị anị.

Ayịsaya 57:5

Ẹwụ nịnị anaa hẹkẹ ori ọnị ụ ka ọ zụ mẹ ka ọza ọ̀ ma ozi, dị ẹwụrị ọnyẹnẹẹ aa na sụ̀ ara iruvo ọchị ọnị ụ jị ori nịnị. Waa sị ezi ewu nịnị nọ ịnị ụtẹha ịrẹta ọnịrị ụtọ okuha naa mẹ̀ ịsọvọ nịnị.

Ijeremaya 20:8

Ọ kà ụmẹ tụra ụmẹ ọnị ọnị aa kà ịrẹyị vị ọnị ọnịị na owu ka, ezigi aa vẹ! Ee vee vú ẹnị ẹtẹ. Ọ kà, vị Ẹnẹyịmavara, waa kụkụ aa sị eyi wo nị dị aa mẹ̀ ọnị isiya pooro kẹnẹ, agụvị ka ọnị aa kà ụtụ ọnị ụ tụ ọnị nị?

Ezikẹẹrị 2:4

Ayị ẹnịnị ọọ katẹngụ, ẹnịnị ẹ́ yị sị ụbanyị yị ọnị, ọnị aa tụ ọnị Ezikẹẹrịị hi wa, dị ọnị ọ̀ na kà a yị wa ịsị ọnị Ẹnẹyịmavara Ochẹtẹngụ aa kà a yị wa.

Ihoseya 10:9

Ẹnẹyịmavara kà a Anisirẹrị nịnị ẹ yị va tụ́ ụvọ hụụnị ebira odivi hụrị ụmẹ Anigibiya. Agụvị avọọ e vee vu wa ẹtẹ Igibeya ịzọọ.

Ịrịka 16:11

Anikora nịnị ẹ raa kụ aza ku ịrẹma va eyi ịraazị ka Ẹnẹyịmavara. Ẹ yị vị ịrẹyị Eerọnị o tu wa.

Imatiwu 13:38

Ẹhẹ ọ vị aarẹ ọnọọ nị. Ihu ozoza ọ vị ezi oni Ohomorihi aa mẹ ịjọva tụra nị. Ebe ẹnẹẹ ẹnị vị ezi Echu nị.

Imatiwu 27:29

Dị ẹ mẹ ọkẹkẹrẹkụ ikeyi-ikeyi, di e si kú ọọ ịrẹsụ nị. Dị ẹ sị okutẹ chire e ụvọ nị, di e nyima dị ẹyaa kụ́ ọọ ụkụ́ isiya nị, dị ẹ ka, “Taarụ, Ohinọyị Aniju nịnị.”

Iruuku 10:16

Dị Ijeesu kà a yị ezirẹma anị ka, “Ọza ana àa wụ́ ịrẹyị awụ nịnị, ẹmị ọ rẹ wụ́ ịrẹyị anị avọọ nị. Ọza ana àa sị eyi wụ wụ nịnị, ẹmị ọ rẹ sị eyi wụ avọọ nị. Ọza ana àa sị eyi wụ̀ mị, Ohomorihi ana tụ́ mị, ọ sị eyi wụ avọọ nị.”

Odeyi 9:4

Dị ọ hyẹdụ nya ẹtẹ, dị ọ wụ́ ọngwẹ ana kà a yọ ka, “Ịsọọrụ, Ịsọọrụ, sị ẹ vẹ dị ụ waa sị ụyaa rị mị?”

Anẹhwẹsọsị 5:6

Asị ụ zẹẹ ka ọza ọ̀ sị ịrẹyị kẹnẹ-kẹnẹ vene wu nịnị! Agụvị ịsa ẹnẹẹ Óhomorihi vaa sị sị ụyaa rị aza ẹnẹ ẹ̀ yị mā wụ́ ịrẹyị anị nị.

Anikorasi 3:6

Agụvị avaba ịsa edivi ẹnẹnị Óhomorihi aa sịị kụ́ ayịị hi aza ẹnẹ ẹ̀yị mā wụ́ ịrẹyị anị nị.

Ijosuwa 10:21

Dị isoja Anisirẹrị ve tu Ijosuwa me zi wa ịzị ẹ jị ajẹngụ hị́ Imakeda nị. Ẹ yị nyị ọza ana nyayịnẹ ka ịrẹyị odivi Anisirẹrị nịnị ịzọọ.

2Ipita 2:13

Ụya ẹnẹ yaa sịị yị aza avọọ, Ohomorihi rẹ vaa sị ụyaa rị waa si atọ. Óo zé wa eyi ka ẹnị ẹ̀ẹ rị ịsa chavaa, dị ẹ̀ rẹẹ mẹ̀ ebira kẹnẹ-kẹnẹ, ọ̀ọ daka vị ọọdụ gaaga. Wàa kụ́ gụ aa rị ịsa, dị ẹ yà ịnị akakana awụ nịnị nị; ịdọtị ẹ vị tụ́ ịnị ịragụ awụ nịnị nị, dị eyee vene wu nịnị, dị ẹyaa rị ịsa chavaa kẹnẹ.