Ayịsaya 57:2 - IWE ỌNỊNỊ

² Aza ana ra ẹhẹ ọyịza vị ana na tụ́ ụhwọ́, dị ẹẹ yà ịnị ẹngwọọrọ.

Ayịsaya 57:2 ပူးပေါင်းရင်းမြစ်များ

Oyinyima 17:1

Ẹkụhị ọnya Ẹnẹyịmavara o re ne tù Abụramị. Ịjọnọọọ, Abụramị ọ sị gụ ịrayị ẹnarẹwụ tụra ịhịịna. (909) Dị ọ kà a yị Abụramị dị ọ ka Ọnị ọ vị Ohomorihi Ochẹtẹẹngụ nị. Ọ kà Abụramị ọ̀ọ wụ́ ịrẹyị anị, asị ọ mẹ̀ ebira ene divi.

2 Ịtọpa 16:14

Di e ne e ịnị ụsị ịrẹta ọnị ọ chi yị ẹngụ anị ịnị ẹkụra Idevidi. Dị ẹ kụ́ eturare ohuru-ohuru sisi ọ ẹngụ zị ọ yị ne anị nị. Dị a ka ịra giri-giri ana sị zị ẹngụ nị.

Ijoovu 3:17

Usu ọ vị ẹhị ebira odivi aza edivi nị. Usu ọ rẹ ụhwọtụ yị aza ọnị ọ sị ngwẹngụ nị.

Ahẹ Ụgama 37:37

Tangwa sị eyi pè aza ana aa mẹ̀ ebira ana vọrọ dị ẹ̀ yị mā mẹ akụvị ẹngụ aza ana vavọọ aa mẹ̀ ebira ozoza ệ nyị ẹhẹ tụ́ ịrẹma.

Ịrẹyị Ọzwọzịsa 12:7

A vaa sị ọchẹngụ ayị varẹma nee chire ẹtẹ, dị ụhwẹ ayị varẹma ka Ohomorihi ana sị yị na.

Ayịsaya 14:18

Avaba ohinọyị anẹhẹ ama vọ ene sú vi ene hi ini ikuta ẹnịnị hẹẹ-hẹẹ.

Ayịsaya 26:7

Ohomorihi, ẹwụ vị ana aa mẹ ka ò zee yị ọza ana aa mẹ̀ ebira ana vọrọ. Ụụ̄ mẹ ka ẹngụ ẹnịnị ọ̀ rọ.

Ijeremaya 6:16

Ẹnẹyịmavara ộ kà a yị aza anị ka, jẹẹ ịzị oze va gẹ nịnị dị we re. Họ̀ use oze ịyẹẹyẹ nịnị, ka ịzị oze ọyịza ọnọọ ya, dị wa và tụraa nịnị, ka ọ va rọ wụ nịnị ẹngụ. Ama ẹnịnị ka heyiye, ẹnị ẹ yị zị avọọ.

Ezikẹẹrị 32:25

Ẹramị vi ene e ne tu ịnị akakana aza ana a wụ a maa kụ̀ ịrẹkụ. Ikuta isoja anị nịnị vị ana gụ kara a. Avaba ẹnịnị ẹ́ yị yẹ Ohomorihi; á maa kụ̀ ịrẹkụ á wụ̀ wa nị. Ịjị ẹ́ yà ịnị vị ọnị ee chire aza angwa, ama ẹnịnị ệ wusu booro aanị. Asị ụhị mẹ nyị wa anka aza ana a wụ a maa kụ̀ ịrẹkụ avọọ.

Ịdanịyẹrị 12:13

Ịdanịyẹrị ka, Anggẹẹrị ọnọọ ộ kà a yị ọnị ka ọnị ọ̀ sị ayị tụra Ohomorihi pooro ne tu ẹzẹtẹ. Ọ kà ọnị Ịdanịyẹrị vee su, ama ọnị rẹ vaa ha dị ọnị ọ̀ dọ ọgụ ọnị Ohomorihi sị tịtẹ yị ọnị.

Imatiwu 25:21

Dị ọga anị ka: ‘Akọrọ! Ozi ahụ obooro ana nyị ịzẹyịza ụ vị nị. Agụvị ka wâ nyị ịzẹyịza tụ́ ịnị ịsa oweyi, mị vaa sị wụụ mẹ ọga ịsa ọrụrụ-ọrụrụ. Wa vẹ, ẹwụrị ọga awụ ò duduu jẹ!’

Iruuku 1:6

Ẹnị ẹyịva vị ọnịzẹyịza ini eyi Ohomorihi, dị ẹ rẹ yaa saasa avaba ọda Ohomorihi nị. Ẹnịnị ẹ yị sị ahụ jị ọchị nyee vụrụ-vụrụ.

Iruuku 16:22

Ẹkụhị ọnya, dị ọpịsarị ọnọọ wusu nị. Dị anggẹẹrị nịnị sị ọọ na yaayịtẹ pe Abụrahamị nị. Dị ọnyẹkẹhị ọnọọ oni re sú, di e ne e nị.

Iruuku 2:29

“Ananyị mị, ẹmị ozi ahụ awụ ọ̀ọ kụkụ aa na booro aanị, ẹngwọọrọ ọ vị nị, agụvị ka ịsị ụ ka waa mẹ, wa sị ọọ mẹ.

Iruuku 7:50

Dị Ijeesu kà a yị ọnẹẹ ọnọọ ka, “Ọnẹẹ ọnọnị, ẹdọwụ awụ ọ sị wụ dọ há; wa na ịnị ẹngwọọrọ!”

2 Anịkọrịntị 5:1

Yâ yẹ ka èe wú irehi ọnị ị yà ịnị anị ịnị ẹhẹ ọnọnị aanị, (ọnị ọ vị ka ọchẹngụ ayị ọnọnị) Ohomorihi ộ nyị irehi tụ́ ẹbẹẹba yị. Ọnị ụvọta ọ mẹ irehi ọnọọ nị. O yi vee du pooro zịna-zịna.

2 Anịkọrịntị 5:8

Mị ka yâ nyị ayọnẹtẹ, ị hyakụ ee sì ka ya sị ọchẹngụ ayị ọnọnị tịtẹ, dị ya nọ ịdị Ananyị yị ana vị eehi ayị.

Anihwiripi 1:23

Ịrẹyị ẹyịva vị ene ee tura mị ị zị oze eyi ẹnyị eyi ọsa. Ama ịsị mee sì ọ vị ka ma hụụnị ẹhẹ ọnọnị, dị ị ma na yà ịdị Ikirisiti nị; ọnọọ ọ vị ene zoza hu nị.

Ẹtore 14:13

Dị mị wụ́ ọngwẹ hụrẹ ẹbẹẹba vẹ, dị ọ kà a mị ka, “Chẹrẹẹ ka aza ene èe sú agụvị Ananyị yị hụrẹ ọyaanị na, vaa daa jẹ! Dị Ụhwẹ Ọnịnị tụ́ ohi ka avọọ yịị yọ nị; ẹnịnị vaa tụ́ ụhwọ́ ịnị ụkọrọ ẹnịnị. Ẹyaa dọ ọgụ ụkọrọ ẹnịnị.”