Ayịsaya 53:4 - IWE ỌNỊNỊ

⁴ Ama ụya ayị ọ́ dọ rị nị. Ẹngụ ana a vọrọ ka ọ̀ zị yị, ộ dọ ka ọ̀ zị ọnị. Eyi ê ro o ka Ohomorihi ọ vavọọ kụ ẹngụkata tụ ọ ọ̀yịsị ụya rị ọ nị.

Ayịsaya 53:4 ပူးပေါင်းရင်းမြစ်များ

Ahẹ Ụgama 69:26

Ohomorihi, aza èe re ka wâ tụ́ ọza ụnava, dị ẹnị raa sị ụyaa rị aza ẹnẹẹ. Aza ọnị wàa mẹ ka ịsa ọ̀ọ zị, dị ẹẹ̄ kụkụ aa kụ ọ ịrẹkaa zị.

Ahẹ Ụgama 69:27

Waā da ụyaa tụ́ ịnị ụyaa yị wa. Asị ụ za wa beri aza ana aa mẹ̀ ebira ana vọrọ.

Ahẹ Ụgama 69:8

Ma sị vara ọzọga yị ẹyịnyara amị ana a ma ẹmịrịị hụụnị ịnẹ ọnya vẹ.

Ayịsaya 53:10

Ama ô ze Ẹnẹyịmavara eyi ka ọ̀ vavọọ rị ụya. Isu anị ọ vị ịsọvọ ana mẹ ka à vagu ịvị yị aza nị. Agụvị avọọ, o vee re ezi anị; o vee kú orubo. Ọnị Ẹ́nẹyịmavara vaa sị mẹ̀ ịsa o sì ka ọnị aa mẹ nị.

Ireevi 16:10

Ama ọ vaa sị ịdẹ ọnị osisii za ka ọ̀ vị Azazerii vẹ ọvịdị Ẹnẹyịmavara ireyi-ireyi dị à sị pa ẹvagu, dị a va dụ ọ na ngụ ụnọmị ne tu Azarẹrị.

Ịzakaraya 13:7

Ẹnẹyịmavara Ochẹtẹẹngụ kà ụhwọ ọ kwẹẹtẹ tu oseratẹmẹ anị ana mẹ ụkọrọ yị ọnị. Ọ wù ọ dị atẹmẹ anị gara hi ozi. Ọnị a va eyi ịraazị ka aza anị.

Ịrịka 7:15

ụnọ ọnya, ịdẹba ọnya, ozi ịdẹba ịrayị ọnya mẹ̀ ịsọvọ ana a rị ịra.

Ịrịka 7:45

ụnọ ọnya, ịdẹba ọnya, ozi ịdẹba ịrayị ọnya mẹ̀ ịsọvọ ana a rị ịra.

Imatiwu 26:37

Dị ọ sị Ipita ọnịrị ezi Izebedi ẹyịva aa na nị. Ayị Ijeesu ee du, dị ẹngụ anị aa vaahi nị.

Imatiwu 8:17

Ộ maanị mẹ, agụvị ịrẹyị ana Ayịsaya ọnịsẹ vịdị kà, ọ̀ zụ sẹ ka, “Ọnị ụvọta ộ sị ụkụ ayị irenyi-renyi, dị ọ kụ́ ọọ kwooze nị.”

Ịjọọnụ 19:7

Dị Aniju nịnị tụ́ ọọ ohi, dị ẹ ka, “Yâ nyị ọda ọnya. Anka ọda ayị ọnọọ, vị a vọrọ ka ò sú nị, agụvị ka aa hị́ ẹngụ anị Ozi Ohomorihi nị.”

Aniroomi 4:25

Ọnị ọ sị ọọ chire aza ụvọ ka ẹ̀ wụ ọọ agụvị ịvị ẹnẹ ẹyị mẹ nị. Dị Ohomorihi rẹ ha a hụụnị isu ka ọ̀ zụ jị ịhị yị nị.

Anigaratiya 3:13

Ama Ikirisiti ọ́ọ dọ yị há hụụnị ịvị ọnị ọda ka yáa rị. Ikirisiti ọ raà dọ ụya ayị rị, ọ mẹ̀ sị ịvị ọnọọ yị ẹngụ anị, anka Íwe Ohomorihi mẹ̀ kà a ka, “Ọza ana àa sị gẹ ọchị, ọ sị ịvị rị ini eyi Ohomorihi.”

Anihiburu 9:28

Avọọ Íkirisiti ọnị mẹ̀ rẹ sị ẹngụ anị mẹ̀ ịsọvọ ụpẹ ọnya gene-gene nị, ka ọnị ọ̀ kụ́ ịvị aza ọrụrụ-ọrụrụ kwooze. Ọ rẹ vanaa vaa vẹ ịnị ẹhẹ ọnọnị, ama ayị vị agụvị ịvị. Aza ene ee zí ọọ eyi, aa vaa dọ ọ há nị.

1Ipita 2:24

Ikirisiti ụvọta ộ sị ịrẹsụ dọ ụya ịvị ayị, a mẹ̀ kanyị ọ za ọchị apavahị, agụvị dị ya kụkụ sị mẹẹ oku avọọ dị asị kụkụ zụ mẹ ịvị, dị ya kụkụụ mẹ ịzẹyịza. Ini oze ụnava ana a tụ̀ ọ, ọ sị mẹ wụ nịnị ụkụ nị.

1Ipita 3:18

Ikirisiti ộ rị ụya o mè sú agụvị ịvị ayị ụpẹ ọnya gene-gene. Ikirisiti ẹnẹ ẹ̀ yị mẹ ịvị, ô sú yị aza ana mẹ ịvị, agụvị dị ọ̀ zụ sị yị vẹ ịdị Ohomorihi. Aza ệ wụ ọ, ama â mẹ ka ụhwẹ anị ọ̀ yara.

1 Ịjọọnụ 2:2

Ọnị ọ sị ẹngụ anị mẹ̀ ịsọvọ ana kụ́ ịvị ayị kwooze nị. Ẹ́ yị hyakụ vị ẹ́ẹyịnya kẹnẹ, ama ịvị avaba anẹhẹ.