Ayịsaya 53:3 - IWE ỌNỊNỊ

³ Aza ana vọ ệ sị eyi wụ ọ, di e yi ọ tịtẹ nị. Ộ sị ẹngụ dọ ụya ọnịrị ayodu. Ọzọza vị anaa sị eyii tẹ̀ẹ yọ. Â sị eyi wụ ọ; ọza e yi ro o ka â nyị ịsị ọ vị.

Ayịsaya 53:3 ပူးပေါင်းရင်းမြစ်များ

Ahẹ Ụgama 69:29

Avaba ẹngụ amị vị ana kata dị aa zị mị Ohomorihi, navọ wa dọ mị tụ́ di we sere mị.

Ahẹ Ụgama 88:4

Mẹ yị kụkụ nyị ụkata vụrụ-vụrụ, aza ệ hyakụ sị ọ ro ka mê wusu.

Ayịsaya 49:7

Ẹnẹyịmavara kà a yị Isirẹrị ka ọnị ọ vị Ohomorihi ọnịnị ana dọ wa ha hụụnị ụvọ ohinọyị nịnị ana za wa ọrịhị ọnịrị anẹkụra ana sị eyi wụ̀ wa. Ama booro aanị ọnị o wo oto ka ohinọyị nịnị ọnịrị ọdọvịdị nịnị vaa sị ụbanyị yị wa, di e yee ku ẹtẹ yị wa agụvị ka ọnị vị ọnịrẹyịzẹyịza, ọza ọnịnị Anisirẹrị ana nyị wa.

Ayịsaya 50:6

Ọnị ộ navọ ịrẹma yị aza ene tu ọnị, dị ọnị navọ eyi tịtẹ yị wa di e yee tura ọnị ịrẹwa, dị ẹ yaa jị achị kú ọnị, dị ẹ yaa kụ̀ ọnị ụhụ nị.

Ayịsaya 52:14

Aza ọrụrụ-ọrụrụ mè re e, ộ wa zizi. É mè dụ ọ ha pooro, ẹ yị hyakụ kụkụ vene ọza vụrụ-vụrụ.

Ayịsaya 53:10

Ama ô ze Ẹnẹyịmavara eyi ka ọ̀ vavọọ rị ụya. Isu anị ọ vị ịsọvọ ana mẹ ka à vagu ịvị yị aza nị. Agụvị avọọ, o vee re ezi anị; o vee kú orubo. Ọnị Ẹ́nẹyịmavara vaa sị mẹ̀ ịsa o sì ka ọnị aa mẹ nị.

Ayịsaya 53:4

Ama ụya ayị ọ́ dọ rị nị. Ẹngụ ana a vọrọ ka ọ̀ zị yị, ộ dọ ka ọ̀ zị ọnị. Eyi ê ro o ka Ohomorihi ọ vavọọ kụ ẹngụkata tụ ọ ọ̀yịsị ụya rị ọ nị.

Imika 5:1

Ẹwụ nịnị Anijerusarẹmị kụ́ ẹnya ịrẹkụ nịnị ka ọnị ọ sị kara yị Wéē re ẹ mẹ̀ za ohinọyị Anisirẹrị dị ẹ yaa sị okutẹẹ nya a okura.

Ịzakaraya 11:8

Ịnị akakana ụhwẹ ọnya, ọnị ộ jị oseratẹmẹ ẹẹta agụvị ka ẹnịnị ệ nyị ịhyẹrẹ anị. Ọnị ẹ yị kụkụ nyẹngụ sị ẹngụ dọ ịrẹyị ẹnịnị.

Imatiwu 26:67

Dị ẹyaa jị atẹẹ kú Ijeesu eyi, di eyee hú ọ ọsẹ nị. Dị aza ẹnyị aa nya a arụhwọtọ nị,

Imatiwu 27:63

Dị ẹ ka, “Ọga, yâ tamayị ka ovenọza ọnọọ mẹ̀ yà ẹhẹ, ộ kà a ka ịhyẹgwẹta ọnị ọnị sú, ọnị rẹ vaa haa kwẹẹtẹ.”

Ịmaakị 10:33

Ọ kà, “Re! Yaa hịrẹẹ nọ Ijerusarẹmị. A vaa sị ẹmị Ozi ọza onigirimaa chire ohirẹsụ ẹbanyị irehi Ohomorihi ụvọ, ọnịrị ọzwọzọda nịnị. Ẹ vaa mẹ̀ ọkarẹyị isuu mị, dị ẹ sị mị chire aza ẹnẹ ẹ̀ yị vị aniju nịnị ụvọ.

Ịmaakị 10:34

Aza ẹnẹẹ vaa sị mịị mẹ̀ isiya, dị ẹ jị atẹ kú mi, di e re tụ́ mi ịjapa, dị ẹ wụ̀ mị. Ama ịhyẹgwẹta anị mị vaa ha hụụnị isu.”

Ịmaakị 14:34

Dị ọ kà a yị wa ka, “Ayị oyidu aa vaa wụ̀ mị. Jẹẹ ịzẹnị nịnị, dị ụ wa sị eyi pe ẹtẹ nịnị!”

Ịmaakị 15:19

Dị ẹyaa và okutẹẹ hi ọ ịrẹsụ nị. Dị ẹyaa jị atẹẹ kú ọọ nị, dị aza ẹnyị ree ku ẹtẹ (anka èe rere) aa hẹkẹ ẹ avọọ nị.

Ịmaakị 9:12

Dị Ijeesu ka, “Ịzẹyịza, Erija ọ vịdị vẹ nị, ka ọnị ọ̀ va sị avaba ịsa tụ́ udi anị. Ama sị ẹ vẹ dị a maanị chẹrẹ ẹ ka Ozi ọza onigirima vaa rị ụya irenyi-irenyi, di e re yi ọọ tịtẹ?

Iruuku 16:14

Ánihwarisi nịnị mẹ̀ wụ́ ịrẹyị ọnọnị, dị ẹyaa sị Ijeesu mẹ̀ isiya nị, agụvị ka ẹnịnị ê sì ịrẹyị ẹkẹhị.

Iruuku 19:41

Íjeesu màa vaa ngụ ịnị Ijerusarẹmị, di o re e, ộ jị òrèrè agụvị anị.

Iruuku 8:53

Dị ẹ yaa sị ọọ mẹ enyinyi nị, agụvị ka ệ yẹ ka ozi ọnọọ ô wusu.

Iruuku 9:22

Dị ọ rẹ ka, “Â nyị ka ẹmị Ozi ọza onigirima ọ̀ rị ụya ẹtẹẹtẹrẹ. Ọdọvịdị nịnị ẹnịrị ohirẹsụ ẹbanyị irehi Ohomorihi beri ọzwọzọda nịnị vee yi mii tịtẹ. A rẹ vaa wụ̀ mị; ama ịhyẹgwẹta anị, mị vaa ha hụụnị isu.”

Ịjọọnụ 11:35

Ẹgọ ộ jị Ijeesu ụvọ.

Ịjọọnụ 8:48

Dị Aniju nịnị tụ́ Ijeesu ohi, dị ẹ ka, “Aanịka yẹ yị vịdị yị kà a ka Anịsamarịya ụ vị nị, ka wâ nyị ụhwẹ echu?”

Iwe Ọhụhị Imosiisi ana aa hị́ Ọyịvatụrọda 32:15

Ẹwụ nịnị Anisirẹrị, ẹhẹ ộ sị mẹ yị wụ nịnị, dị ụ kụkụ aa mẹ̀ akamawụ hị́ Ẹnẹyịmavara, dị ụ hi ayị ọza ana tụ̀ vẹ ẹhẹ, di u yi Ẹnẹdọha ọbanyị.

Anihiburu 4:15

Ohirẹsụ ọbanyị irehi Ohomorihi ayị o zụ pe yi roo ini oze ahịmị ayị, agụvị ka oze tụra oze a zị zama a re, anka a mẹ̀ raa zama ẹyịị re nị, ama ọnị ẹ yị mẹ ịvị.

Anihiburu 5:7

Ịnị ụmẹ oni Ijeesu sị yà ẹhẹ, ộ mẹ̀ aduwa ẹtẹẹtẹrẹ, dị ọ hyakụ aa ká ẹgọ, o mèe nowuu hị́ Ohomorihi ana zụ dọ ọ tụ ka asị ọ sú, Ohomorihi ộ wụ́ aduwa anị agụvị ka ộ sị ayị yị Ohomorihi.