Ayịsaya 52:3 - IWE ỌNỊNỊ

³ Ẹnẹyịmavara ộ kà a yị aza anị ka, “Ẹ yị nyị ẹkẹhị ene e si ụmẹ ana a za wụ nịnị ọrịhị; avọọ gẹdẹ-gẹdẹ, ẹ yị nyị ịsị e re vee si, dị a dọ wụ nịnị varẹma.”

Ayịsaya 52:3 ပူးပေါင်းရင်းမြစ်များ

Ahẹ Ụgama 44:12

Ẹyị ana vị aza awụ vị ọnị ụ ná ọyịpọ̀ yị ọnịvị ayị ị kụkụ sị mẹẹ anka ịsa kẹnẹ-kẹnẹ avọọ nị.

Ahẹ Ụgama 44:13

Anokokooro ayị vi ene kuku ee nyị yi unyi dị ẹyaa mẹ yị isiya.

Ayịsaya 1:27

Ọza ana àa vara ebira anị, Ẹnẹyịmavara vaa dọ ọ ha agụvị ka ọnị vị ana aa mẹ̀ ịsa ana vọrọ.

Ayịsaya 45:13

Ẹnẹyịmavara kà ọnị vaa sị Ịsayịrọsị kwẹẹtẹ, ka ọ mẹ̀ ịsa ana vọrọ ọnị me si. Ọnị vaa zụ ọ oze ịnị ịsa tụra ịsa ọnị aa mẹ. O vee tenyi ẹkụra anị Ijerusarẹmị da, dị ọ hụrị aza ana a za ọrịhị ụvọ. Ẹ yị vị agụvị ẹkẹhị ọ vavọọ vaa mẹ.

Ayịsaya 50:1

Ẹnẹyịmavara kà, ẹnịnị wéé ro ka a ọnị dụ aza anị jịnẹ anka ọnọrụ ene yi ose anị tịtẹ avọọ nị? Ẹnịnị wéé ro ka ọnị ná wa ọrịhị nọ ẹkụra ọsa anka ọza ana ná ezi ọrịhị avọọ nị? Eyiyee de! Ịvị Ọnị ệ mẹ̀ ọ mẹ ka a za wa ọrịhị nọ ẹkụra ọsa nị. Agụvị ebira odivi ẹnịnị a dụ wa jịnẹ nị.

Ayịsaya 62:12

A vaa hị́ wụ nịnị “aza ọnịnị Ohomorihi”, aza ọnị Ẹnẹyịmavara sị dọ ha Ijerusarẹmị vị ana vaa hị́ ẹkụra ọbanyị ọnị Ohomorihi sị ịrẹyị anị. Ẹkụra ọbanyị ọnị Ohomorihi ọ yị hụrẹ ụvọ.

Ayịsaya 63:4

Ẹnẹyịmavara kà ụmẹ ọnị a sị dị aza anị ha o si tu. Ụmẹ o si tu ka ọnị ọ sị ụya rị ọnịvị aza anị nịnị.

Ijeremaya 15:13

Ijeremaya ka Ẹnẹyịmavara ộ kà a yị ọnị ka, ọnị vaa tụ ọnịvị ka ẹ̀ va kụ ọgụ aza anị ọnịrị avaba ịsa ọkụmị-ọkụmị ẹnẹ nyị, dị ọnị ọ̀ sị sị ụya rị wa agụvị ebira odivi ẹnẹ ẹyaa mẹ ngụ ẹkụra ẹnịnị zị.

Ezikẹẹrị 16:31

Utoze-utoze vị ọnị ụ da ịzị aa mẹ orii hi, di waa sẹ̀ ịrẹkaa ngụ ịzọọ zị nị. Ama wẹ́ yị sẹ̀ ịrẹka ka wa sị nyị ẹkẹhị anka ọsẹrẹka ana vọ.

Ezikẹẹrị 34:27

Ọchị ene hi ịnị aarẹ vaa tụ ẹtụtụ, ịsị ịnị aarẹ vaa mẹ ẹtẹẹtẹrẹ, dị ọzọza ra hị́ ẹtẹ anị ẹngwọọrọ-ẹngwọọrọ. Ịjị ọnị ọọ ree che ọchị ana a sị tụ wa ọkẹẹkẹrẹ, dị ọnị raa dọ wa hụrị ụvọ aza ana za wa ọrịhị nị, ẹnịnị vaa yẹ ka ọnị ọ vị Ẹnẹyịmavara nị.

Ireevi 25:54

Àa vị ka ọza ẹ́ yị zị oze ẹnẹnị ọnyọọnyị hị́ ọ varẹma, ọza ana hị́ ọ vaa hụrẹ ọnịrị ezi ọnị ọ́ ma ịzọọ ụvọ ịnị ịrayị ana á vana sịị và ịsa ịrẹmaa yị aza ana nyị.

1Ipita 1:18

Wâ yẹ nịnị ka Ijeesu Ikirisiti ọ sị wụ nịnị hị́ varẹma hụụnị oze osusu oni ohiku awụ nịnị vịdị aa zị. Ẹ́ yị vị igooru ọnịrị ọmọ eneē du, ọ sị hị́ wụ nịnị varẹma,