Ayịsaya 52:2 - IWE ỌNỊNỊ

² Ẹwụ Ijerusarẹmị, henyi ẹngụ awụ! Kwẹẹtẹ hụụnị evutu dị ụ wa yaayịtẹ ịnị aga ohinọyị awụ. Ngwa ẹba ana a sị sụ́ wụ, ẹwụ nịnị Anịzayọnị ana a za ọrịhị.

Ayịsaya 52:2 ပူးပေါင်းရင်းမြစ်များ

Ayịsaya 10:27

Ịjị ụmẹ ọnọọ òo si tù, ọ ka ọnị vaa dọ wụ nịnị tịtẹ hụụnị ụvọ Anasiriya, dị ọnị tụ̀ ọkẹẹkẹrẹ ẹnịnịị hụrẹ wụ ọrọkọ. Ọ kà avaba ẹnya ene e kune tụra wụ nịnị vị ọnị ọnị aa dọ vaa ha.

Ayịsaya 14:25

Ọ kà Anasiriya ene hi Ijuda ịnị ẹtẹ anị vị ọnị ọnị vaa kwọrọọ ha. Ọ kà vị ọnị vaa kụ́ ahụụ hi wa ịrẹsụ ịrẹsụ ataba anị nị. Ọ rẹ ka ọnị vaa tụ̀ ọkẹẹkẹrẹ ẹnịnị hụụnị ọrọkọ aza anị, dị ọnị dọ ẹnya ene e kune tụra aza anị va ha.

Ayịsaya 29:4

Ohomorihi vee hu ọ ẹtẹ, dị ahịka vị ọ kụkụ vụrị yà ini eteesu aa kà ịrẹyị nị. Mị ka ini eteesu aa yà, dị ọ kụkụ vụrị-vụrị aa kà ịrẹyị nị. Anariyẹrị vị ana kụkụ vaa sị mẹẹ anka aneku ene hi ịnị ẹtẹ ana aa vụrị ka ẹnị ẹ̀ kà ịrẹyị avọọ. Vị a vụrị-vụrị vaa wụ́ ọ màa kà ịrẹyị ini eteesu nị.

Ayịsaya 3:26

Kụkụ vaa nyị aza ana aa kụ́ụ gụ enoze; ịzọọ vị ana vaa tịtẹ anka ịzị a yà aa jị òrèrè oku avọọ. Dị ẹ tịtẹ kẹnẹ anka ọnẹẹ ana tụ́ ahwaahụ dị ọ yaayịtẹ ini eteesu avọọ.

Ayịsaya 49:21

Dị Ijerusarẹmị aa jị ọ ịrẹka ka ọnị ọ́ọ́ maanị ma ezi ẹnẹnị nị? Ọnị mẹmẹ maanị ma wa ọnị mẹ ya ịnị ayị odu ịnị ẹkụra ọzọga? Ẹnẹ pa ezi ẹnẹnị? Ịzị ẹ hụrẹ vẹ?

Ayịsaya 51:14

Ẹ yị jẹẹ dị aza ana aa mẹ ẹvaya yị ẹ ha. Ẹnịnị vee ku orubo, ụngwẹ ọ yị vaa kụ wa.

Ayịsaya 51:23

Ọnị vaa sị ako ọnọọ yị aza anaa mẹ ẹvaya yị wụ nịnị. Aza ana za wụ nịnị tana tụra ẹtẹ, dị ẹ yaa kụ ahụ hi wụ nịnị parahu anka edudu oze avọọ.

Ayịsaya 60:1

Kwẹẹtẹ Ijerusarẹmị, dị ụ waa zẹtẹ anka ọyị. Ụbanyị Ẹnẹyịmavara aa zẹtẹ ịnị ẹhẹ awụ.

Ayịsaya 61:1

Ụhwẹ Ọnịnị Ẹnẹyịmavara Ohomorihi ộ dọ avaba ayị amị, Ọ raà nyị mị, dị ọ tụ́ mị Ka ma Kà enube ọyịza yị onosiye nịnị Dị ma mẹ ụkụ aza ọnị ayị ẹnịnị dụ dị ma nọ ọ ọyịhụrẹ ụvọ aza ana a za a ọnịrị ẹngwọọrọ yị

Ayịsaya 9:4

Aza ana vịdị aa mẹ ẹchakaa yị wa, wa kụ́ aza ẹnẹẹ gara ha. Wa raà tụ̀ ọkẹẹkẹrẹ ana a vịdị sị tụ́ wa, dị a sịị sị ụyaa rị wa. Wa raà nyị ẹbẹẹba anẹkụra ọnọọ ana mẹ̀ ẹvaya, dị ẹ yaa kụ ogu ẹnịnị Wâ mẹ ka ẹ̀ nyị ehuna anka a mẹ̀ nyị ehuna Animidiya ịyẹẹyẹ avọọ.

Ijeremaya 51:45

Ẹnẹyịmavara kà, ẹwụ nịnị aza anị, Anisirẹrị ò zwè hụrị Ịbabịrọnị. Ọzọza ò zwè agụvị ẹhẹ anị, agụvị ka ọyịkụ anị aa vẹ ịrịịra.

Ijeremaya 51:50

Ẹnẹyịmavara ộ kà a yị aza anị ene hi Ịbabịrọnị ka. Wa sị ha hụrị ụvọ isu nịnị, waa na nịnị booro aanị. Asị ụ jẹẹ nịnị o. Ọ kà, dị ụ da ka ị noze rịrị eehi nịnị aanị, waa tamayị ọnị, Ẹnẹyịmavara nịnị, dị asị u hi ayị Ijerusarẹmị nịnị.

Ijeremaya 51:6

Ọ kà ọzọza ò zwè hụrị ẹtẹ Ịbabịrọnị, ọzọza ọ sị ụvọ ku ịrẹsụ oo zwè. Asị ụ zẹ ka a wụ agụvị ebira odivi ẹnịnị. Ụmẹ o si tu ka ọnị Ẹnẹyịmavara ọ̀ họ̀ oponu, ọnị vaa sị ụyaa rị wa á mẹ vọrọ.

Ezikẹẹrị 34:27

Ọchị ene hi ịnị aarẹ vaa tụ ẹtụtụ, ịsị ịnị aarẹ vaa mẹ ẹtẹẹtẹrẹ, dị ọzọza ra hị́ ẹtẹ anị ẹngwọọrọ-ẹngwọọrọ. Ịjị ọnị ọọ ree che ọchị ana a sị tụ wa ọkẹẹkẹrẹ, dị ọnị raa dọ wa hụrị ụvọ aza ana za wa ọrịhị nị, ẹnịnị vaa yẹ ka ọnị ọ vị Ẹnẹyịmavara nị.

Ịzakaraya 2:6

Ẹnẹyịmavara kà a ẹnịnị e juntu-juntu zwe hụụnị ẹtẹ eyi ẹbẹẹba agụvị ka ọnị ọ raa gara wa tụ́ oze ahị ẹbẹẹba ẹẹna.

Ịzakaraya 2:7

Ọ kà Anịzayọnị nịnị ana ra Ịbabịrọnị e juntu-juntu zwe hụrẹ ịzọọ vẹ Ijerusarẹmị.

Iruuku 21:24

A vaa sị ụhwọọ wụ̀ aza ẹnyị, dị a rẹ za aza ẹnyị ọrịhị ne hi ẹkụra irenyi-renyi. Dị anarịmadọwụ nịnị du Ijerusarẹmị ha saka-saka, pooro dị ụmẹ ẹnịnị ọ̀ va ta.”

Iruuku 4:18

“Ụhwẹ Ọnịnị Ohomorihi ộ dọ avaba ayị amị, agụvị ka ọ sị mị nyị ka ma kà enube ọyịza yị onosiye nịnị. Ộ tụ́ mị ka ma kà a yị aza ana a sụ́ ka a vaa ngwa waa tịtẹ, dị ma rẹ mẹ ogweyi nịnị ka èe re ẹtẹ; dị ma rẹ dọ aza ana aa mẹ ehunaa yịị tịtẹ;

Ẹtore 18:4

Dị mị rẹ wụ́ ọngwẹ ọsa hụrẹ ẹbẹẹba, dị ọ ka: Ẹwụ nịnị aza anị, jịnẹ tụ́ ẹhẹ hụrị Ịbabịrọnị nịnị! Asị ụ nyị ụvọ tụ́ ịnị ebira odivi ẹnịnị! Agụvị asị ẹwụrị wa na rị ụya ọnyọọnya nịnị.