Ayịsaya 51:4 - IWE ỌNỊNỊ

⁴ Ẹnẹyịmavara kà ẹwụ nịnị ana vị aza anị e batọ. Ẹnịnị ẹ wụ́ ịrẹyị anị ana vaa kụ amẹrị kwooze dị avaba anẹhẹ nịnị ee re e.

Ayịsaya 51:4 ပူးပေါင်းရင်းမြစ်များ

Ahẹ Ụgama 106:5

Navọ ize aza awụ ọnị ụ sị nyị ò ve che kú mị, di me zụ beri aza awụ jẹ ịrajẹ. Navọ ẹnịrị aza awụ è ve duduu kụ́ wụ avọ.

Ahẹ Ụgama 147:20

Nyị anẹkụra ọsa ọnị ọ maanị mẹ yị; ẹnịnị ẹ yị yẹ ọda ọnị ọ mẹ Waa kụ́ Ẹnẹyịmavara avọ nịnị.

Ahẹ Ụgama 33:12

Ẹnẹyịmavara ọnọnị, aza ana sị ọ mẹ Ohomorihi, ẹ̀ nyarị ịrẹsụ ọyịza o! Mị ka ẹwụ nịnị ọnị ọ nyị ka ọnị ọ sị mẹ aza anị, a nyarị ịrajẹ o!

Ahẹ Ụgama 50:7

Ohomorihi ka Ẹwụ nịnị Anisirẹrị aza anị, sị ụtọ pè ẹtẹ nịnị ka â nyị ịrẹyị awụ oni mi re Wâ yẹ ka ẹmị Ohomorihi ọ vị Ohomorihi awụ nịnị nị.

Ahẹ Ụgama 78:1

Ẹwụ nịnị aza amị, wụ́ ịrẹyị ọnị maa sịị zụ̀ wụ nịnị, mị ka wa sị ụtọ pè mi nịnị.

Ọyịkụra 19:6

ama ẹnị mị vaa sị mẹ ohirẹsụ irehi Ohomorihi amị nị di ẹ vị anẹkụra amị. Maanị kà a yị Anisirẹrị nịnị.”

Ọyịkụra 33:13

Wàa maanị nyị mi iyi, navọ dị ụ wa kà a zụ̀ mi isu wee sì ka wa mẹ. Maà sị yẹ dị ma zụụ hẹkẹ wụ dị ma yịị mẹ̀ ebira ene wu eyi. Wáā yẹ ka aza ẹnẹnị vị aza awụ.”

Ụhịrẹyị 6:23

Ịrẹyị ọnị ẹ yaa sị zụ ọza vị ana sị eyi ọzaa hweyi tu ịrẹyị, dị ohuvọ ọnị ẹ tụ́ ezii mẹ ka ọza ọ yẹ tu ẹhẹ nị.

Ayịsaya 1:27

Ọza ana àa vara ebira anị, Ẹnẹyịmavara vaa dọ ọ ha agụvị ka ọnị vị ana aa mẹ̀ ịsa ana vọrọ.

Ayịsaya 2:3

dị ẹ kà, vẹ ya nọ ịnị ataba Ẹnẹyịmavara nịnị, dị ya nọ ịnị irehi Ohomorihi Ijekọvụ. Ohomorihi vaa sịị zụ̀ yị ịsị a vọrọ ka ya mẹ yị vaa saasa ịrẹyị ọnị ọọ ka. Íjerusarẹmị Ẹnẹyịmavara vaa yà aa sị ọda anịị zụ̀ nị, Hụrị Ịzayọnị ọ vaa kà ịrẹyị yị aza anị nị.

Ayịsaya 26:2

Nā oze vị anẹkụra nịnị ana aa mẹ ịzẹyịza ẹ̀ ngụ eehi, dị ẹ yaa mẹ̀ ịsa ene zee wu eyi.

Ayịsaya 26:8

Ẹnẹyịmavara, ọda awụ ẹyị aa saasa nọ. Ẹwụ ị sị eyi tụra nị. Yàa tamayị ịsa ọnị ụ mẹ, dị ịnẹ sị yị há.

Ayịsaya 33:22

Avaba ẹnya ana aā kụ́ụ hi ini ẹpa ẹnẹẹ vị ana vaa vi osusu. Ọchị ọgọdọ ana a mẹ jẹẹ ịnị ẹpa vị ana vaa ma. Ọza ọ yị rẹ vaa gana ịta ana a sịị dọ ahị. Ogu ọnịvị ayị vị ọnị ị vaa kụ́. Ogu vaa gwẹtẹ, di oswahụ nịnị ẹnị re re kụ́ bẹẹ. Ọ vavọọ vaa yà agụvị ka Ẹnẹyịmavara ọnị ụvọta ọ vaa vị ohinọyị ayị, dị aa mẹ ịjọvaa tụra yị nị. Ọnị aa sị ọdaa yị nị ọnị ọ rẹ vaa dọ yịị há nị.

Ayịsaya 42:21

Ayị Ẹnẹyịmavara ô hine, agụvị ịsa ana vọrọ ọnị ọọ̄ mẹ̀. Ộ sị ụbanyị yị ọda anị, dị ọ mẹ ka ọ nyị igirima nị.

Ayịsaya 42:6

“Ẹmị Ẹnẹyịmavara ọ hị́ wụ, dị mị sị ụkata wụ nị, dị me re ka aza aa mẹ̀ ịsa ana vọrọ ịnị ẹhẹ. Oze ịnị ịpa awụ mi vee wo otoo yị avaba aza nị. Oze ịnị ịpa awụ mị vaa zịị sị ẹtohweyi vaa yị anẹhẹ nịnị nị.

Ayịsaya 49:6

Ộ ka, ẹ yị hụ ka ma vị ozi ahụ kẹnẹ. A nyị ka ma kụ ezi Ijekọvụ ana vị Isirẹrị ana ha nọ udi ụbanyị ẹnịnị. Ẹnẹyịmavara kà ọnị ọ raà nyị ọ ka ọ vị ẹtohweyi yị avaba anẹhẹ agụvị ọ sị ẹdọha yị ọza ọnyọọnya.

Ayịsaya 55:3

Ẹwụ nịnị aza amị ọ̀ sị ụtọ pe ẹtẹ, dị ụ wa ká mị vẹ nịnị. Ká mị vẹ nịnị, ka ụ vaa yàra nịnị. Mi vee wo otoo yị wụ nịnị ọnị mị vaa mẹ pooro. Ize ọnị mị wo oto anị yị Idevidi, mị vaa sịị yị wụ nịnị.

Ayịsaya 63:8

Ẹnẹyịmavara kà aza anị ẹ vị nị, ẹnịnị ẹ yị vee vene ọnị. Agụvị avọọ ọ dọ wa ha

Imika 4:2

Anẹkụra ọrụrụ-ọrụrụ vaa vẹ di ẹ ka à vẹ ẹnị ẹ̀ nọ ịda Ẹnẹyịmavara. Dị ẹ ka ẹnị aa nọ ịzọọ ịzị a dà irehi Ohomorihi Anisirẹrị tụ́. Ohomorihi vaa sịị zụ̀ ịsị a vọrọ ka yaā mẹ di ebira ayị ò zụ zee e eyi. Ẹnẹyịmavara vaa sị ịrẹyị anịị zụ̀ aza ẹkụra Ijerusarẹmị. Ịzayọnị ọ vaa yàa kà ịrẹyị anịị yị aza nị.

Iruuku 2:32

Ọnị ọ va ẹtohweyi ana vaa sị oze zụ̀ Anigiriki nị, dị ọ raa sị ụbanyịị yị Anisirẹrị ana vị aza awụ.”

1 Anịkọrịntị 9:21

Mèe tù ịdị aza ẹnẹ ẹ̀ yị mā mẹ ẹhẹ ẹnịnị anka ọda Imosiisi, dị mị raà mẹ ebiraa véné wa, agụvị dị ma rẹ zụ mẹ ka ẹ̀ dọ Ijeesu Ohinọyị oni Ohomorihi nyị ka ọ̀ dọ yị há wụ́. Ẹ yị vị ka mị sị eyi wụ ọda Ohomorihi nị, ama ịnị ụvọ ọda Ijeesu Ohinọyị oni Ohomorihi nyị ka ọ̀ dọ yị há mị kụkụ yà nị.

Iwe Ọhụhị Imosiisi ana aa hị́ Ọyịvatụrọda 18:18

Mị vaa tụ ọnịsẹ ọnya anka ẹwụ hụụnị ẹngụ ẹnịnị hi wa. Mị vaa kà a yị ọ ịrẹyị ọnị ọ́ vaa kà; dị ọ kà a avaba ịrẹyị ọnị mị kà yọ yị wa.

1Ipita 2:9

Àa vị ẹwụ nịnị yọ, ẹwụ nịnị vị aza oni Ohomorihi sị nyị. Ẹngụ ohirẹsụ irehi Ohomorihi ana aa hẹkẹ Ohomorihi Ohinọyị, ụ vị nịnị nị. Anẹkụra oni Ohomorihi nyị tụ́ irenyi yị ẹngụ anị, ụ vị nịnị nị. Aza Ohomorihi obooro ụ vị nịnị nị. Ộ nyị wụ nịnị ka waa kà a yị aza ịsa ẹbanyị-ẹbanyị oni Ohomorihi mẹ, ọ mẹ̀ hị́ wụ nịnị hụụnị ịrahụ va ngụ ini ẹtohweyi anị ene hí ọza irenu.