Ayịsaya 5:8 - IWE ỌNỊNỊ

⁸ Avaba ẹwụ nịnị ana za avaba irehi ọnịrị ẹtẹ dị waa hị́ waa hi ẹtẹ nịnị aanị, wa sị dà nịnị. Aza ana vọ e yi kuku ee vee re aha yà. Ẹwụ nịnị ịnya kẹnẹ ọ kụkụ aa vaa ra ịnị ẹtẹ ọnọọ aanị nị.

Ayịsaya 5:8 ပူးပေါင်းရင်းမြစ်များ

Ijoovu 15:28

ẹkụra ẹnịnị vị ọnịvị ẹnịnị vee du, dị jị irehi ẹnịnị eburu.

Ijoovu 20:21

Ẹnịnị ẹ mā rị ịsa vọ ẹtẹ. Agụvị avọọ avaba ogu ọnị ẹ̀ẹ nyị vị ana ta hi wa ụvọ.

Ụhịrẹyị 15:27

Ọza anaa mẹ̀ karakara ka ọnị ọ̀ zị oze asuvu rị ọgụ vị anaā kụ ẹngụkata tu anineehi anị, ama ọza anaā nyị ịhyẹrẹ ochirerenu ọyịdọ vị eneē ku orubo.

Ezikẹẹrị 11:15

Ozi-ọza, aza ana vọ hi Ijerusarẹmị aa kà ịrẹyị ẹwụrị anda awụ nịnị Anisirẹrị ana za ọrịhị ve hi ẹkụra ọsa ka; aza ana a za ne hi ẹkụra ọsa aanị ẹ́ sị zị noze baaba. Ẹnịnị ẹ́ yị kụkụ zụ hẹkẹ Ẹnẹyịmavara. Agụvị avọọ Ẹnẹyịmavara ọ́ raa sị ẹtẹ Isirẹrị mẹ ẹnị ẹyịza.

Ezikẹẹrị 33:24

Ozi-ọza, aza ana ra hi ẹkụra-ẹkụra ana jị eburu ịnị ẹtẹ Isirẹrị aanị, aa kà a ka, Abụrahamị vị ọnịnya, di a sị ẹtẹ ọnọnịị yị ọ. Ẹnị ẹ́ sị rụrụ booro aanị, ẹnị ẹ nyị ẹtẹ ọnọọ nị.

Emọsị 1:13

Ẹnẹyịmavara kà ọnị aa pịva yị Anamọnị agụvị ebira odivi odivi ẹnị ê mẹ̀. Ẹnịnị ệ há ọnịrẹẹ ịnẹ ẹkụra ana aā hị́ Anigiriyadi agụvị di e si zune ẹtẹ tụ́ ịnị ẹtẹ ẹnịnị. Ẹnịnị ẹ yị mẹ̀ sị rị.

Imika 2:1

Ọ vaa da divi yị aza ana jị areyi ịrahụ agụvị dị ẹ mẹ eto ịsa odivi ẹnị ẹ vaa mẹ oze ọ̀ọ tụ́ yị wa eyi ọ̀ọ sị nị. Ẹ vavọọ aa mẹ agụvị ka ệ mẹhị nyị ụkata mẹ ịsị ẹ ka ẹnị aa mẹ.

Imika 2:2

Aarẹ ọza ẹnẹsa vị eni eē sị eyii tụ̀ ịnị anị, dị ẹ dọ ọ. Avọọ ẹ mẹ̀ rẹẹ sị eyii tụ́ ini irehi oni irehi dị ẹ dọ ọza ana nyị nị. Ọza ọ̀ọ dà irehi anị di e si irikichi dọ ọ, ọza ọ̀ọ nyị ogu, dị ẹ rẹ vavọọ dọ ọ.

Ihabaku 2:6

Aza ẹnẹ ẹ yaa mẹ ẹvaya yị vaa jị ahẹ mẹ wa isiya. Dị ẹ yaa kà a ka ọ yị vee zee yị aza anaa mẹ ọza rị, dị aa kụ́ ogu aza gụ́ tẹ̀ yị ẹngụ ẹnịnị.

Imatiwu 23:13

“Wa sị dà nịnị, ẹwụ nịnị ọzwọzọda ọnịrị Anihwarisi nịnị. Ẹwụ nịnị ọmọzakụyẹ! Wee gu oze hi aza ka asị ẹ ngụ ịzị Ada ayị ẹbẹẹba yà aa mẹ ịjọva. Ẹwụ nịnị ụvọta ọ yị ngụ eehi, aza ana aa ngụ eehi, wẹ yị zẹẹ wa nịnị.