Ayịsaya 5:7 - IWE ỌNỊNỊ

⁷ Anisirẹrị ọnịrị Anijuda ẹ vị ụbazị Ẹnẹyịmavara Ochẹtẹẹngụ nị. Ẹnẹyịmavara ô sì ịrẹyị ụbazị ọnọọ ẹtẹẹtẹrẹ. Ô tụra eyi ka ẹnịnị vaa mẹ̀ ebira ana vọrọ, ama dị ahịka aza kẹnẹ ẹ yaa wụụ ha nị. Ô ro ka ẹnịnị vaa mẹ̀ ebira oni oni sì, ama dị ahịka ẹngụkata ana mẹ ka aza ee nowu ẹ yaa kụ́ụ tụ́ aza nị.

Ayịsaya 5:7 ပူးပေါင်းရင်းမြစ်များ

Oyinyima 4:10

Di Ẹnẹyịmavara kà: “Sị ọ mẹ aanị? Ọ kà ọ sị ọyịnyara anị wụ. Ọ rẹ ka anya anị ana và hi eteesu ee nowu, ọnị maa wụ́;

2 Ịsamụwẹrị 7:10

Re kà a yọ ka mi vee tenyi aha yị Anisirẹrị aza amị dị mị sị ahụ ẹnịnị jẹẹ. Mị vaa si aha yị wa, dị ẹ ra ịzọọ dị ẹ yị nyị ọza ana kụkụ kụ́ ọ zigi wa. Aza edivi ẹ mā vana mẹ wa eyi ngwẹ-ngwẹ anka ẹ mẹ̀ vịdị mẹ wa.

Ijoovu 34:28

Ẹnịnị ệ sị ụkata-ụkata za onosiye ka ẹ nowu na za Ohomorihi, dị ọ wụ́ owu ẹnịnị nị.

Ahẹ Ụgama 147:11

Aza ẹnị Ẹnẹyịmavara sị̀ ịrẹyị anị ẹ vị́ aza ana nyị angwahi anị dị ẹ sị ayị tụra nị, agụvị ka ệ yẹ ka vi oō sì ịrẹyị ọza pooro nị.

Ahẹ Ụgama 149:4

Ịnẹ Ẹnẹyịmavara vi ene hine tù aza anị. Aza ana kà ẹngụ ẹnịnị chi vị ọnị ọọ̄ mẹ ka ẹ̀ nyị ehuna ọnịvị ẹnịnị.

Ahẹ Ụgama 80:15

Wéē re ọchị ẹnị ẹwụ ụvọta sị ụkata awụ chire, mị ka we re ozi ẹnị ẹwụ ụvọta sị mẹ ozi ewu.

Ọyịkụra 3:7

Di Ẹnẹyịmavara va kà a yi Imosiisi dị ọ ka: Ọnị o re a màa chamayịị yị aza anị ene hi Ijipiti. Ọ kà a màa za waa mẹ̀ ụkọrọ, di e yee nowu, ọnị ộ wụ́. Dị ọnị rẹ yẹ avaba ụya ẹnị ẹ yaa rị nị.

Ụhịrẹyị 21:13

Ọza ọnị ẹ yị gụ onosiye ụvọ, ọ yị vee re ọnọgụvọ anị.

Ịrẹyị Ọzwọzịsa 4:1

Ọzwọzịsa ka ọnị o re ré avaba ẹvaya ana aza mẹẹ yị ẹngụ ịnị ẹhẹ ọnọnị. Aza ana a mẹ ẹvaya yị aa jị òrèrè ẹnịnị e yị re ọza sị wa ayị nẹtẹ agụvị ka aza ana a mẹ ẹvaya yị wa ẹẹ nyị ụkata ẹtẹẹtẹrẹ.

Ahẹ Isoromọnị 7:6

Tee! Wee zoza o. Ụ tịtẹ ọyịza-ọyịza kẹnẹ. Oyisì ọnị ụ sì ịrẹyị amị vị anaa sị́ ayị amịị hine pooro kẹnẹ.

Ayịsaya 1:21

Anẹkụra ana maanị nyị ayị ọnya ịjọnọọ wáá yị? Ẹnị ẹ kụkụ maanị aa dụ ori zị anka ọnẹẹ ana navọ ọva anị, dị aa sẹ̀ ịrẹka zị avọọ nịị? Ịyẹyẹ anẹkụra ọnọnị vị ana vịdị aa mẹ ịzẹyịza, ama booro aanị, avaba ẹnịnị kụkụ vị ọwọọza.

Ayịsaya 1:6

Hụrẹ ịrẹsụ awụ huu na ngụ ahẹtẹ awụ, ẹ yị nyị ịzị ẹ dà tịtẹ ẹnẹ ẹ̀ yị nyị ụnava. Avaba ẹngụ awụ vị ịtahụ-ịtahụ dị ẹ yaa và nị. Ọza ọ yị nyee yọ dị à hyakụ va sụ́ ọ. Ọza ọ yị sị ahọ̀nọ tụ́ ọ.

Ayịsaya 27:2

Ụmẹ ọnọọ Ẹnẹyịmavara vaa jị ahẹ gono ụbazị anị dị ọ ka,

Ayịsaya 3:14

Ẹnẹyịmavara o reè tenyi ẹngụ ka ọnị ọ̀ mẹ̀ ọkarẹyị yị azọkụ ọnịrị ọdọvịdị aza anị. Ọ kà ẹwụ nịnị ọ sị aza anị gara ha. Ogu ene hi ini eehi awụ nịnị vị ẹnya ọnị ụ kụ́ hụrẹ ịda onosiye nịnị.

Ayịsaya 3:15

Ẹmị Ananyị wụ, ẹmị Ẹnẹyịmavara Ochẹtẹẹngụ mee họ̀ use mị ka si u ro dị ụ maanị nyayịnẹ aa chamayịị yị aza amị nịnị? Sị ẹ vẹ dị ụ maanị aa za wa eyi kwọrọ ẹtẹ?

Ayịsaya 3:17

avọọ Ananyị yị vaa mẹ ka ịtahụ ẹ̀ chị hi ịnị ịrẹsụ anyẹnẹẹ Anịzayọnị, dị ọ mẹ ka ẹnịnị ọ̀ kụ́ ọmarị.

Ayịsaya 30:12

Avọọ Ohomorihi Ọnịnị ana Anisirẹrị aa hẹkẹ va kà a ka A vị ụ ka wẹ dọ ịrẹyị ana a va kà wụ nịnị dị ahịka ayịchama ọnịrị amẹrị ụ sị ayị tụra nịnị nịị?

Ayịsaya 46:12

Sị ụtọ pe ẹtẹ nịnị, ẹwụ nịnị ana ayị anị katẹngụ, ẹwụ nịnị ana hịka o vee ku dị ụ wa va ha nịnị.

Ayịsaya 5:2

Ô huru ẹtẹ ọnọọ dị ọ tọ̀ọ́ ịrẹta anị hụụnị anị; Dị ọ hị̄ ọchị ịvayịnị ozoza-ozoza hi ọ nị. Dị ọ rẹ dà irehi ọgọdọ tụ́ ịnị ụbazị ọnọọ ịzị oserẹtẹ vaa yà di oo sere e nị. Dị ọ va chị aha ịzị a vaa yàa kwọrọ ẹtụtụ igirepi ẹnẹẹ ẹ̀ẹ sị tụ́ nị. Ọta amị aa tụra eyi ka ọchị ẹnẹẹ vaa tụ́ ẹtụtụ ozoza, ama dị ahịka ẹtụtụ edivi-edivi ẹ na tụ́ nị.

Ayịsaya 59:13

Ẹnị ẹ raà mẹ akamawụ hi Ẹnẹyịmavara, di e yi ọ tịtẹ, dị ẹ yị saasa a nị. Ẹnịnị ẹ raà mẹ ẹvaya yị aza, dị ẹ va ịrẹma Ohomorihi nị. Eē vene ọza, di e yee cheeche nị.

Ayịsaya 59:14

Ẹ raà dụ ịzẹyịza ne vu, ẹnịrị ọ ẹ sị tara ẹngụ. Ịzẹyịza vị ọnị ẹ gụ hyẹdụ ịnị ikootu, dị ẹ sị tụ akaha ọnya.

Ayịsaya 59:4

Ẹ yị nyị ọza ana sị ịzẹyịza nọ ikootu, ọza ẹ yị ka ịzẹyịza, ireche kẹnẹ e che ayị ka ọ dọ ẹnị ha agụvị ẹnị e re oze mẹ̀ ịsa ọhịmị ene ro ka ọza na.

Ayịsaya 62:5

Anka ọnọrụ anaa nyị ozwoorihi ẹnẹ ẹ yị yẹ ọnọrụ, avọọ Ẹnẹyịmavara ana mẹ̀ wụ mẹ vaa nyị wụ nị. Ayị ọnọrụ meē hine tu oze avọọ, avọọ ayị Ohomorihi awụ nịnị mee hine tu wu nịnị

Ijeremaya 12:10

Ọ kà, oseratẹmẹ ọrụrụ-ọrụrụ ẹ sị ụbazị ịvayịnị anị du ha. Ẹ raa sị ahụ chaka aarẹ anị. Ẹ sị ẹtẹ anị ọkụmị-ọkụmị vara ụnọmị ọyịwụ.

Ijeremaya 24:2

Ijeremaya ka, ihwigi ene hi ini uji ịpaapa vị ozoza-ozoza. Ẹnị ene vịdị vi ẹ vị ẹnẹẹ nị. Ihwigi ene hi ịnị uji ọhụva vị ọyịvụ-ọyịvụ. Ee divi poori, ẹ́ yị hyakụ wụra rị.

Ijeremaya 50:46

Ịjị ụvọ oo ku Anibabironi nịnị avaba ẹhẹ vee zizi aza ee me nowu. Avaba anẹkụra ana vọ vaa wụ́ owu ẹnịnị.

Ezikẹẹrị 22:29

Opisa ẹnịnị vị anaa mẹ ọzaa rị, dị ẹyaa mẹ akoo yị aza. Ẹnịnị vị anaā mẹ ehunaa yị onosiye ọnịrị anẹkụra ọsa nịnị.

Ihoseya 10:1

Anisirẹrị nịnị vị ana sị mẹ anka ọchị ịvayịnị ana za ẹnya ohihi avọọ nị. Ẹtụtụ anị maa rụrụ, avọọ ẹnịnị mee hi ụta ori hu avọọ nị. Ẹkụra maa ka tụ ọvịdị, avọọ ẹnịnị mẹ raà da ụvọ tụ ịnị ụvọ hi ịrẹta yị ori ẹnẹ ẹ yaa hẹkẹ nị.

Imika 6:12

Ọzọbanyị awụ nịnị ẹ sị vara ọnyẹkẹhị ọdẹngụ, ẹ maa sị ụkata ọnịrị ako dọ aza ịsa. Ireche ọ sị aza awụ nịnị yẹ ẹngụ. Ẹnịnị ẹ yị kụkụ yara kà ịzẹyịza. Ireche ọ sị vị ebira ẹnịnị.

Imika 6:8

Eyiye, Ẹnẹyịmavara ọ raa kà īsa vọrọ yị wụ nịnị anẹhẹ Ịsị e si hụụnị ụvọ awụ nịnị ọ vị ọnọọ nị. Waā kà ịzẹyịza, dị waā vayị ọza. Dị waa mẹ̀ ịsa oni Ohomorihi sì ịnị ịrẹsụ ọkahi.

Ihabaku 1:3

Dị ọ rẹ họ̀ Ẹnẹyịmavara ụsẹ ka sị ẹ vẹ dị ọ navọ ka aza ẹnyị ẹ̀ mẹ ọsa rị, dị ọnị oo re e? Dị ọ ha ẹtẹ tụ́ aza ka ẹẹ zyaazị, ee ba egidi, ẹẹ wụ́ ẹngụ ha, dị aza ẹnyị aa kụ́ ogu ọsa mẹ̀ anị.

Ịzẹhwanaya 3:17

Ẹnẹyịmavara ana vị Ohomorihi awụ nịnị yà pe wụ. Ụkata anị aa sị wụ nịnị nyị ehuna ọnịvị awụ nịnị nị. Agụvị ka o sì ịrẹyị ẹnịnị, ọ vaa sị ayị awụ nịnị nẹtẹ, O vee hine ayị tu wu nịnị, dị aa jị ahẹ ịnohine.

Imatiwu 23:23

Wa sị dà nịnị. Ẹwụ nịnị ọzwọzọda ọnịrị Anihwarisi nịnị. Ẹwụ nịnị ọmọzakụyẹ! Ụ hyakụ aa tụ́ agẹẹwụ avị ịsẹpẹ eweyi-eweyi irenyi-renyi; ama ịsa obooro ọnị ọda kà, wa raà sị eyi jịnẹẹ nịnị, ẹhụụ ọkarẹyị ana vọrọ ọnịrị ayamva beri ẹdọwụ. Â vọrọ ka waa mẹ ẹsẹnị nịnị, dị asị u hí ayị ana vọ nịnị.

Iruuku 18:7

Wéé ro ka Ohomorihi ọ yị vaa mẹ̀ ịsa ana vọrọọ yị aza anị ọnọọ nyị, ene ee nowuu hị́ ọọ, ọọdụ ọnịrị ịrahụ, ọ̀ọ daka za wa tura ẹtẹ?

Ịjọọnụ 15:2

Avaba avọ ọnị màa há, ẹnẹ ẹ̀ yị tụ́ ẹtụtụ, dị ọ dà a ne ta. Ama avọ ana àaa tụ́ ẹtụtụ, di o tenyi ọ, dị ọ̀ọ tụ́ hu avọọ.

Iwe Ọhụhị Imosiisi ana aa hị́ Ọyịvatụrọda 15:9

Asị e rò ka ịrayị ịhịmba anaā sịị sị eyi hụụnị ụta yị ọza ọ sị gụrị ẹtẹ, agụvị avọọ wẹ yị sị. Onosiye ọnọọ òo na owu hị́ Ẹnẹyịmavara, ọza ọnọọ aa mẹ̀ ịvị.

Ijemiisi 5:4

Aza ọnị ụ dọ ụkọrọ hi ịnị aarẹ, we yi si wa ụta, ẹnịnị ee nowu. Yẹ nịnị ka Ohomorihi Ochẹtẹngụ, aa wụ́, aza ana aa kụ́ ịsa ịnị aarẹ awụụ gụ, mee nowu.