Ayịsaya 5:6 - IWE ỌNỊNỊ

⁶ Di o kuku du ẹtẹ ọnọọ ha, dị ọ navọ ọchị ịvayịnị anị dị o yi tenyi ọ, dị ọ yị rẹ kụkụ bàrà hi ọ. Di ikeyi ọnịrị avị edivi-edivi kuku hi hi ọ. Ọ yị rẹẹ kụkụ vaa zẹẹ ka orihi ọ̀ zụ tụ́ ọ.

Ayịsaya 5:6 ပူးပေါင်းရင်းမြစ်များ

1 Ohinọyị 17:1

Ịnị ụmẹ ọnya, â nyị ọnọrụ ọnya aanị ana aā hị́ Erija. Erija ọnọọ vị Anitisibi ana ra ịnị ẹtẹ Anigiriyadi. Ẹkụhị ọnya dị ọ na kà a yị Ahabị dị ọ ka, “mâ sị Ẹnẹyịmavara ana vị Ohomorihi Anisirẹrị ọnị maa hẹkẹ hị́ eku ka eguhi ọ yị hyakụ vee chire di o ve si tù ka orihi ọ̀ zụ̀ pooro dị ọ̀ mẹ ịrayị chee aanị. Ẹ yị yaa nyị orihi à yị vị mị kà a ka orihi ọ̀ zụ̀.”

1 Ohinọyị 8:35

“Aza awụ ẹ zụ mẹ̀ ịsa odivi, di u kú ihinẹba oku ka asị orihi kụkụ zụ̀. Ẹnịnị ẹ̀ẹ và eyi kà ịzẹnị dị ẹ mẹ̀ aduwa nị, dị ẹ dọ ka ẹwa vị Ohomorihi nị, dị ẹ vara hụụnị ebira odivi ẹnị ẹ yaa mẹ nị,

Ijoovu 31:40

Mèe chire ihwiiti ọnịrị ibaari tụ ịnị aarẹ, ẹ̀ vara avị ọnịrị ikeyi. Ịrẹyị Ijoovu ộ ta.

Ụhịrẹyị 24:31

Avị ọnịrị igegenechi vị ana za avaba ịsa ịnị aarẹ anị rị. Ọvọ ịrẹta ọnị ọ jị kara ụbazị anị e ku wu va hi ẹtẹ.

Ayịsaya 24:12

Ẹkụra vị ana jị eburu hi ẹtẹ, a kụ́ oze anị chaka.

Ayịsaya 30:23

Wèe chire ịsa, Ohomorihi vaa zụ̀ orihii hị́ ọ wụ, dị ẹtẹ awụ nyayịnẹ mẹ, dị ọ gwẹtẹ. Avị vị ana vaa gwẹtẹ ọnị ịsụpa awụ aa rị.

Ayịsaya 32:10

Ẹwụ nịnị ene ro ka ẹ yị nyị ịrẹyị booro aanị ẹngụ awụ nịnị vee zizi ọ̀ọ naa mẹ ịrayị ọnya tụra chee. Ọchị ịvayịnị ọnịrị ọchị ana vọ ene hi ịnị aarẹ ẹ yị kụkụ vaa tụ́.

Ayịsaya 49:19

Ijerusarẹmị ô sị du. Ẹ yị nyị ịsị ẹ vọ. Ama e vee tenyi ọ dà, dị aza hi ọ. Ọnịvị ẹnịnị ene divi sị huu da zị ana na.

Ayịsaya 55:13

Ọchị ịsayịpụrọọsị vee nyi hi ịzị avị ikeyi-ikeyi nyị hi booro aanị. Ọchị ana aā hị́ Imatiri vaa chịị tụ ịzị ikeyi nyị hi. Apọtẹrẹwa ọsọnị vaa vị̀ pooro zịna-zịna nị. A vaa sị tamayị ịsa ẹmị Ẹnẹyịmavara mẹ.”

Ayịsaya 7:19

Ẹ vavẹ dị ẹ va gara hi ini ozi ọnịrị ịnị ụtẹha. Dị ẹ vavọọ chaka kú avaba avị ene hi ịzọọ.

Ijeremaya 14:1

Ịrẹyị ọnị Ẹnẹyịmavara kà yị Ijeremaya ịnị ịpa ọyọjị anaa vẹ yị.

Ijeremaya 14:22

Ẹ yị nyị ori Anẹkụra ọnyọọnyị ana zụ zụ̀ ori; eguhi ụvọta ẹ yị zụ mẹ ka orihi ọ̀ zụ̀. Anijuda nịnị ka, tee! Ẹnẹyịmavara ana vị Ohomorihi ẹnịnị ẹnị zi eyi nị, agụvị ka ọyịnyara ọọ̄ mẹ̀ ịsa ẹnẹnị nị.

Ijeremaya 25:11

Ẹnẹyịmavara kà, avaba ẹtẹ Ijerusarẹmị vị ana vaa jị eburu. Avaba aza ana ra kara a vanaa kụ hẹkẹ ohinọyị Ịbabịrọnị mẹ ịrayị ẹtarẹwụ.

Ijeremaya 45:4

Ẹnẹyịmavara kà, ọnị ọ̀ kà a yị Ibaruki ka, ọnị Ẹnẹyịmavara vaa gara ịsị ọnị ọnị vịdị kụ gụụ ha, dị ọnị re hu ịsị ọnị ọnị vịdị chire hụrẹ ẹtẹ. Avọọ ọnị mẹ vaa mẹ avaba ẹhẹ nị.

Arụwẹ 2:6

Ộ chaka irehi Ohomorihi ịzị ịị̄ yaa hẹkẹ ẹ. Ẹ yị zẹ ka ẹnị ẹ̀ kụkụ rị eche ọnyọọnyị à vị ka ẹnị mẹ ahẹkẹ ẹkụhị ụhwọtụ. Ọ raà sị ọyịkụ Anị zụ ohinọyị nịnị ọnịrị ohirẹsụ irehi Ohomorihi nịnị.

Ihoseya 3:4

Avọọ o me vee kù dị Isirẹrị ọ vaa nyị ohinọyị, a vị dị ọ vaa zụ mẹ̀ ịsọvọ ịnị irehi Ohomorihi, a vị di o ve re oze họ̀ use ịrẹyị hụụnị ụvọ Ohomorihi nị.

Ihoseya 9:6

Ẹnịnị ẹ̀ẹ daka há hụụnị ụvọ Anasiriya nịnị, Anigipiti nịnị vaa wụ̀ wa, di e ne wa tụ Imemihwisi nị. Isiriva ana vị ogu ẹnịnị vị ana avị vaa za rị, dị igegenechi hụ̀ va jịnẹ eburu ajẹngụ ẹnịnị.

Ijowẹrị 1:7

Ẹnịnị e reè du avaba aarẹ ịvayịnị ẹnịnị ha. Ẹ raà rị avaba ọchị ihwigi. Dị ẹ hụ̀ uguha ọchị ẹnẹẹ va haa nị, dị avọ́ ọchị ẹnẹẹ wụ̀, dị ẹ kụkụ aa vwẹtẹ nị.

Emọsị 4:7

Ọnị ọ̀ rẹ za orihi jẹẹ ka asị ọ zụ ọ̀ọ mẹ sị vị ụhwẹ ẹẹta dị ịsa ịnị aarẹ ọ mẹ nị. Ọnị ọ zụ orihi aha ẹngụ dị ọ yị tu aha ọsa. Dị ọnị zụ orihi hì ịnị aarẹ ẹ̀nyị, dị ọnị ẹ yị zụ orihi ịnị aarẹ aha ọsa;

Iruuku 21:24

A vaa sị ụhwọọ wụ̀ aza ẹnyị, dị a rẹ za aza ẹnyị ọrịhị ne hi ẹkụra irenyi-renyi. Dị anarịmadọwụ nịnị du Ijerusarẹmị ha saka-saka, pooro dị ụmẹ ẹnịnị ọ̀ va ta.”

Iwe Ọhụhị Imosiisi ana aa hị́ Ọyịvatụrọda 29:23

Ẹnẹyịmavara vaa sị ohuuru ọnịrị anọ du ẹtẹ awụ nịnị ha. Ẹ yị nyị ịsa ana zụ chire, dị ọ hyakụ va chị. Ẹ yị nyị avị ọnị ọza vee re ịzọọ. Ịzọọ vaa tụ́ osusu anka Isodọmị ọnịrị Igomora ne beri Adima ọnịrị Izeboyimi ọnị Ẹnẹyịmavara sị ọyịkụ-ọyịkụ vu ẹtẹ.

Ẹtore 11:6

Ệ nyị ụkata ẹnẹ zụ sị za orihi jẹẹ ka asị ọ zụ̀ ịnị ụmẹ ẹnẹ ẹyaa kà ịsẹ. Ẹ rẹ nyị ụkata ẹnẹ zụ sị vara enyi nịnị anya. Ẹ rẹ zụ kụ́ ụkụ irenyi-irenyi vẹ ịnị ẹhẹ, ụpẹ ịrịka yà ene èe sì kẹnẹ.