Ayịsaya 5:5 - IWE ỌNỊNỊ

⁵ Wáá yẹ ịsị ọta amị vaa mẹ ụbazị ọnọọ nịnị? Ọ vaa za ụbazị ọnọọ dị o wu ịsa ana a sị họ̀ kara a dị ọ chaka ọvọ ana kara a ha. Dị ịsụpa nịnị ngụ ọ, dị ẹ rị ọ, di e du ịsa ịnị anị ha.

Ayịsaya 5:5 ပူးပေါင်းရင်းမြစ်များ

Oyinyima 11:4

Dị ẹ hị́ ẹngụ dị ẹ ka, “À vẹ ẹnị ẹ̀ dà ẹkụra ẹnịnị, di ẹnị ẹ̀ dà irehi ọgọdọ ọnya tụ́ ọ dị ọ̀ gọdọ na ngụ ịnị ihinẹba. Di aa sị ọnọọ hị́ ịrẹha ẹnịnị. Ẹ ka à yị vị avọọ vị ẹnị aa garaa hi ẹhẹ kẹnẹ nị.”

Oyinyima 11:7

Ọ kà vẹ eni è chi ne tụ́ wa, dị ẹnị ẹ̀ và ẹkụra ẹnị ẹ yaa kà zị dị asị ẹ kụkụ wụ́ ịrẹyị ẹngụ.”

Inehemaya 2:3

Dị Inehemaya kà, “taarụ! U vee ku orubo ọcha, orubo ẹya”. Ọ kà, sị ẹ vị ayohine anị ịrẹma ọnị ẹkụra ene e ne ohiku ẹnịnị tụ sị vara eburu, dị ukere oze ana na ngụ ẹkụra kụ rị ịra va ha.

Ahẹ Ụgama 89:40

Wâ za ọvọ ana kara ẹkụra anị we si o wu va hà, wa rẹ sị ịzị ẹẹ̄ naa tẹ gara hà.

Ahẹ Ụgama 89:41

Avaba aza ana aa parahu kụkụ aa kụ́ ịsa ene hi ịnị anị, dị anokokooro anị ẹnị ee nyị ọ unyi nị.

Ụhịrẹyị 24:31

Avị ọnịrị igegenechi vị ana za avaba ịsa ịnị aarẹ anị rị. Ọvọ ịrẹta ọnị ọ jị kara ụbazị anị e ku wu va hi ẹtẹ.

Ịrẹyị Ọzwọzịsa 3:3

Aa nyị ụmẹ ana a sịị wụ̀ ọza, dị a nyị ụmẹ ana a sịị mẹ ọza ụkụ nị. Aa nyị ụmẹ ene e sii wú irehi hi ẹtẹ, dị a nyị ụmẹ ana a sịị tenyi ọ tụra nị.

Ayịsaya 10:6

ka me si tụ́ aza ẹnẹ ẹ̀ yẹ ẹmị Ohomorihi. Mâ tụ́ wa ka ẹ̀ na kụ́ ogu aza ana mẹ ayị kụ́ mị. Mị ka ẹ̀ na vara wa eteesu dị ẹ̀ẹ kụ́ ahụụ hi wa ini orere.

Ayịsaya 25:10

Ẹnẹyịmavara vee sere ataba Ịzayọnị. Ama Imowabi vị ọnị ọ vaa kụ́ ahụụ hii za ẹtẹ, dị ọ mẹ̀ ụhị nyị ọ ẹtẹẹtẹrẹ.

Ayịsaya 28:18

Eku ẹnị ẹwụrị iswọọza hị́ yị ẹngụ vị ana vaa vi osusu. Ịrẹyị ẹwụrị ikuta oni u ro ka ọ sị jẹẹ vị ana vaa tụ́ ahịị ha. Ịjị ịrẹyị odivi ọ̀ọ vẹ, vi o vee hú wu ẹtẹ nị.

Ayịsaya 28:3

Ọ̀ọ vavọọ si ohweche ẹnẹẹ ene kú amu ohinọyị, dị ẹ yaa sii mẹ eyii hú ẹtẹ, dị aza kụkụ aa kụ́ ahụụ hi waa za ụdọ.

Ayịsaya 32:10

Ẹwụ nịnị ene ro ka ẹ yị nyị ịrẹyị booro aanị ẹngụ awụ nịnị vee zizi ọ̀ọ naa mẹ ịrayị ọnya tụra chee. Ọchị ịvayịnị ọnịrị ọchị ana vọ ene hi ịnị aarẹ ẹ yị kụkụ vaa tụ́.

Ijeremaya 18:11

Ẹnẹyịmavara kà, agụvị avọọ, booro aanị, Ijeremaya ọ kà a yị Anijuda ọnịrị Anijerusarẹmị nịnị ka, ọnị ọ́ sị nyima aa mẹ eto ịrẹyị ẹnịnị, ọnị vaa sị ụyaa rị wa. Ọ kà, ọ̀ kà a yị wa ka ẹnịnị ẹ̀ hụụnị ebira odivi-odivi ọ̀ yị mẹ. Ẹ̀ vara oze ẹnịnị ọnịrị ịsị ẹnẹ ẹyaa mẹ.

Ijeremaya 21:4

ẹ̀ na kà a yị Ịzẹdẹkaya ka Ẹnẹyịmavara, Ohomorihi Anisirẹrị ka, ọnị vaa và ẹnya ịrẹkụ ana yà ịnị ụvọ Ịzẹdẹkaya eyii kà a, ẹnya ịrẹkụ enee sii pe ohinọyị Ịbabịrọnị ọnịrị aza anịị kụ ịrẹkụ avọọ. Ọnị vaa kụ wa gụ ịnị akakana Ijerusarẹmị.

Ijeremaya 28:8

Ijeremaya ka, ọnịsẹ nịnị ana yà ọvịdị ọnịrị Ịhananịya ệ kà a da ka ịrẹkụ, ụngwẹ ọnịrị ụkụ vee tù anẹkụra ọrụrụ-ọrụrụ ọnịrị ohinọyị nịnị ana nyị ụkata ẹtẹẹtẹrẹ.

Ijeremaya 45:4

Ẹnẹyịmavara kà, ọnị ọ̀ kà a yị Ibaruki ka, ọnị Ẹnẹyịmavara vaa gara ịsị ọnị ọnị vịdị kụ gụụ ha, dị ọnị re hu ịsị ọnị ọnị vịdị chire hụrẹ ẹtẹ. Avọọ ọnị mẹ vaa mẹ avaba ẹhẹ nị.

Arụwẹ 1:15

Ẹnẹyịmavara ô nyị isoja ayị ana kata hu kere-kere unyi; dị ọ tụ isoja hụrị aha ọsa dị e ve vu ezwọọmụha ayị ẹtẹ nị. Ệ kwọrọ avaba aza ayị và ha anka a mẹẹ kwọrọ asẹ ịnị ụkọ avọọ.

Arụwẹ 2:6

Ộ chaka irehi Ohomorihi ịzị ịị̄ yaa hẹkẹ ẹ. Ẹ yị zẹ ka ẹnị ẹ̀ kụkụ rị eche ọnyọọnyị à vị ka ẹnị mẹ ahẹkẹ ẹkụhị ụhwọtụ. Ọ raà sị ọyịkụ Anị zụ ohinọyị nịnị ọnịrị ohirẹsụ irehi Ohomorihi nịnị.

Arụwẹ 4:12

Ẹ yị nyị ohinọyị nịnị, a vị ọza ọnyọọnyị ịnị ẹhẹ ana dọ vị ịzẹyịza ka ọnịvị Anijerusarẹmị ẹ zụ jịnẹ ẹbanoze oze ana aā zịị ngụ Ijerusarẹmị vụrụ-vụrụ.

Ịdanịyẹrị 8:13

Ịdanịyẹrị ka, ọnị ộ vana wụ ka anggẹẹrị ọnya ộ họ̀ ọsa use ka, ịzị avaba ịsa ọnị ọnị maanị vaa yà nee tu? Ịzị aza vaa maanị mẹ ịvị naa za, dị aza ẹ yị kụkụ mẹ̀ ịsọvọ hi Ohomorihi? Aanị áa mẹ yị vaa kụ́ ahụụ hị́ aza Ohomorihi di ee du irehi anị vaa hi ẹtẹ nị?

Ihoseya 2:12

Ẹnẹyịmavara kà ọnị vee du ụbazị ịvayịnị ọnịrị ọchị ihwigi ọnị onyeehi anị sị si ọ ụta ịbẹhị anị ha. Ọ́ kà ọnị vaa vara ịzọọ iruku, dị uye ini avị aa rị ịsa ene hi ịnị anị.

Ihoseya 2:14

Ẹnẹyịmavara kà ọnị e vene e nọ ịnị ụnọmị ịzị ọnị vaa tangwa ka ịrẹyị yọ, dị ọnị ọ dọ ayị.

Iruuku 21:24

A vaa sị ụhwọọ wụ̀ aza ẹnyị, dị a rẹ za aza ẹnyị ọrịhị ne hi ẹkụra irenyi-renyi. Dị anarịmadọwụ nịnị du Ijerusarẹmị ha saka-saka, pooro dị ụmẹ ẹnịnị ọ̀ va ta.”

Ẹtore 11:2

Ama asị ọnịngọ ẹtẹ ana kara irehi Ohomorihi avọọ; ma naavọ tịtẹ, agụvị ka anarịmadọwụ nịnị a sị yị nị. Ẹnịnị vaa kụ́ ahụụ hi ẹkụra Óhomorihi ọnọnịị mẹ̀ ụhwẹ ẹbẹẹva tụra ẹẹva (42).