Ayịsaya 5:2 - IWE ỌNỊNỊ

² Ô huru ẹtẹ ọnọọ dị ọ tọ̀ọ́ ịrẹta anị hụụnị anị; Dị ọ hị̄ ọchị ịvayịnị ozoza-ozoza hi ọ nị. Dị ọ rẹ dà irehi ọgọdọ tụ́ ịnị ụbazị ọnọọ ịzị oserẹtẹ vaa yà di oo sere e nị. Dị ọ va chị aha ịzị a vaa yàa kwọrọ ẹtụtụ igirepi ẹnẹẹ ẹ̀ẹ sị tụ́ nị. Ọta amị aa tụra eyi ka ọchị ẹnẹẹ vaa tụ́ ẹtụtụ ozoza, ama dị ahịka ẹtụtụ edivi-edivi ẹ na tụ́ nị.

Ayịsaya 5:2 ပူးပေါင်းရင်းမြစ်များ

2 Ịsamụwẹrị 7:10

Re kà a yọ ka mi vee tenyi aha yị Anisirẹrị aza amị dị mị sị ahụ ẹnịnị jẹẹ. Mị vaa si aha yị wa, dị ẹ ra ịzọọ dị ẹ yị nyị ọza ana kụkụ kụ́ ọ zigi wa. Aza edivi ẹ mā vana mẹ wa eyi ngwẹ-ngwẹ anka ẹ mẹ̀ vịdị mẹ wa.

Inehemaya 13:15

Ụmẹ ọnọọ ịnị ẹtẹ Ijuda mê re aza anaa kwọrọ ẹtụtụ ịnị ẹkụhị ụhwọtụ. Aza ẹnyị ee kune akụ, eche, igirepi, ihwigi, ọnịrị ẹnya ana vọ tụra ịkẹrịkẹtẹ, dị ẹyaa kụ ọ vẹ Ijerusarẹmị ịnị ẹkụhị ụhwọtụ nị. Dị mị kà wa ọnọ ka asị ẹ vana ná ịsọyịrị ẹkụhị ụhwọtụ nị.

Ahẹ Ụgama 80:8

Wâ kụ́ yị hụrẹ Ijipiti vẹ anka ọchị ịvayịnị avọọ. Dị ụ dụ anẹkụra ọsa hụụ ịzọọ, dị ụ sị yị tụ́ ịzọọ anka a mẹ̀ẹ hụ́ ọchị ịvayịnịị tụ́ aha avọọ nị.

Ahẹ Ụgama 80:9

Dị u tenyi ẹtẹ kara yị, dị yaa nyị ahụụ hị́ ẹtẹ, dị yaa yara, dị ị kụkụ dọ avaba ẹtẹ ọnọọ nị.

Ọyịkụra 33:16

Wẹ̀ yị saasa ayị na, aza ana vọ ẹ yị vaa yẹ ka we sì ịrẹyị amị ọnịrị aza awụ ana vọ. Sị ẹ kụkụ vaa sị yị vị irenyii yị ẹyịrị aza ana vọ ene hi ịnị ẹhẹ?”

Ayịsaya 1:8

Ijerusarẹmị kẹnẹ ọ kụkụ vọ nị. Ọnị vị ana sị mẹẹ anka ajẹngụ ọnịịnya ene ee sere aparị ana a jị tụ́ ịnị aarẹ ana a kụ́ ịpapara tụ́ avọọ. Mị ka Ijerusarẹmị vị ana yà anka ẹkụra ọnị ọnịrị kara okiri-okiri avọọ.

Ayịsaya 5:7

Anisirẹrị ọnịrị Anijuda ẹ vị ụbazị Ẹnẹyịmavara Ochẹtẹẹngụ nị. Ẹnẹyịmavara ô sì ịrẹyị ụbazị ọnọọ ẹtẹẹtẹrẹ. Ô tụra eyi ka ẹnịnị vaa mẹ̀ ebira ana vọrọ, ama dị ahịka aza kẹnẹ ẹ yaa wụụ ha nị. Ô ro ka ẹnịnị vaa mẹ̀ ebira oni oni sì, ama dị ahịka ẹngụkata ana mẹ ka aza ee nowu ẹ yaa kụ́ụ tụ́ aza nị.

Ijeremaya 11:17

Ọnị Ẹnẹyịmavara Ochẹtẹẹngụ ene chire wu nịnị, ọ sị ọ ka ka vị ọnị ee vu wu nịnị ẹtẹ nị agụvị ebira odivi ọnị ẹwụ nịnị Anisirẹrị ọnịrị Anijuda aa mẹ nịnị. Ọ kà wa sị ayị mẹ kụ ọnị nịnị agụvị ka wa naa mẹ̀ ịsọvọ yị Ịbaarị nịnị.

Ijeremaya 2:21

Maa nyị ụ nịnị jẹẹ anka ọza ana sị uhu ịvayịnị ene hu kere-kere dị o chire tu irenyi avọọ. Ama wee re ịsị ụ kụkụ vị nịnị booro aanị? Vị ụ kụkụ sị mẹ nịnị anka ịvayịnị ana vụ, dị ẹ̀ yị nyị ịsị ọ kụkụ rụra mẹ avọọ nị.

Ihoseya 10:1

Anisirẹrị nịnị vị ana sị mẹ anka ọchị ịvayịnị ana za ẹnya ohihi avọọ nị. Ẹtụtụ anị maa rụrụ, avọọ ẹnịnị mee hi ụta ori hu avọọ nị. Ẹkụra maa ka tụ ọvịdị, avọọ ẹnịnị mẹ raà da ụvọ tụ ịnị ụvọ hi ịrẹta yị ori ẹnẹ ẹ yaa hẹkẹ nị.

Imika 4:8

Ijerusarẹmị, ẹwụ vi irehi ọgọdọ oni oserẹtẹẹ̄ yà. Avọọ Ohomorihi mẹ̀ vaa yà ịzọọ di èe sere aza anị nị. Ụ rẹ vanaa vaa vẹ udi awụ anka ohirẹsụ ẹkụra aza awụ.

Ịrịka 23:9

Ọnị ee re wa hụrị ịrẹsụ ataba, ẹnịrị aza ẹ yị vahụra. Ẹẹ jẹẹ te yị ẹngụ ẹnịnị nị.

Imatiwu 21:19

Ô re ọchị ọnya aanị anka ọchị ezu óze. Ộ nọ ịnị ọchị ọnọọ, ẹ yị nyị ịsị o re ị́rẹsụ anị, ẹ̀ yị vị avị kẹnẹ. Dị ọ kà a yọ ka, “Wa mā vana tụ́ ẹtụtụ pooro hụrẹ ọyaanị na.” Obooboro ọnọọ, dị ọchị ọnọọ wụ nị.

Imatiwu 21:33

“Re wụ́ ụhịrẹyị ọsa nịnị! Â nyị adarehi ọnya aanị ana dà ụbazị, dị ọ họ̀ kara a nị. Dị ọ jị ụkọ ịzị a vaa yàa kwọrọ ẹtụtụ ọchị ene hi ịnị anị nị. Di o re hi ụta oserẹtẹ tụ́ ọọ nị. Di o si rere aza ẹnyị ka ọnị ọ̀ọ dọ wa ọtụrọsarẹsụ anị nị. Di o si hu aa hụrẹ eehi nị.

Imatiwu 21:34

Ịjị ụmẹ ẹtụtụ ee vee tù, dị ọ tụ́ ezi ahụ anị nọ ịda aza ẹnẹ ana a dà ẹtẹ yị, ka ẹ̀ na dọ ẹtụtụ anị vẹ nị.

Ịmaakị 11:13

Dị ọ tana eyi re ọchị ọnya aanị ana sị mẹẹ anka ezu ka ộ vị avị-avị nị. Ô ne re e ka ahịka oni vee re ẹtụtụ ị́rẹsụ anị nị. Ịjị o tù ịzọọ, ẹ yị nyị ịsị o re, ẹ̀ yị vị avị kẹnẹ, agụvị ka eè yi tù ụmẹ ọnị ọ sịị̄ tụ́.

Ịmaakị 12:1

Dị Ijeesu nyima aa sị ụhịrẹyịị kà ịrẹyịị yị wa nị; dị ọ ka, “Â nyị ọza ịnya aanị ana dà ụbazị, dị ọ hị́ ọchị ana aā hị́ ịvayịnị tụ́ ịnị anị nị. Dị ọ rẹ họ̀ kara a nị. Ộ jị ụkọ ịzị a vaa yàa kwọrọ ẹtụtụ ọchị ẹnẹẹ, dị ọ re hi ụta oserẹtẹ tụ́ ọọ nị. Ộ sị ụbazị ọnọọ rere aza ẹnyị aanị ka ọnị ọ̀ọ dọ wa ọtụrọsarẹsụ anị. Di o si hu aa hụrẹ eehi nị.

Ịmaakị 12:2

Ịjị ụmẹ anị si tù, dị ọ tụ́ ozi ahụ anị ọnya ne tù aza ẹnẹẹ ọnọọ dà ẹtẹ yị, ka ọ̀ na dọ ẹtụtụ ana vị áanị va yị ọnị nị.

Aniroomi 9:4

ẹnị ẹ vị Anisirẹrị nị, ẹnị Óhomorihi sị Mẹ ezi anị, dị ọ mẹ ka ẹ̀ nyị tụ́ ịnị ụbanyị anị nị. Ohomorihi ô wo oto irenyi-irenyi yị wa, dị ọ rẹ sị ọda anị yị wa nị. Ohomorihi ọ rẹ sị zụ wa a mẹ̀ vọrọ ka àa hẹkẹ ọnị, dị ẹ̀ rẹ dọ ịsa oni Ohomorihi kà a ka ẹ yị zụ nyị ka ọnị ọ yị vaa mẹẹ yị wa nị.

1 Anịkọrịntị 9:7

Áá nyị isoja eneē sí ẹngụ anị ụta? Wéé re ọkụrịkụ ẹnẹ ẹ̀ yị mā rị ịsa ịnị aarẹ anị da? Ẹ yị rẹ nyị ọza anaā pá ịsụpa ẹnẹ ẹ̀ yị mā rị ịsị ẹ hụụnị anị vẹ.

Iwe Ọhụhị Imosiisi ana aa hị́ Ọyịvatụrọda 32:6

Ẹwụ nịnị ọnụra ẹnẹ ẹ yị yẹ ịrẹyị, Aanị ụ mẹ vee sị Ẹnẹyịmavara ụta nị? Aa vị ọnị ọ vị ada awụ nịnị, dị ọ tụ́ wụ nịnị vẹ ẹhẹ? Ọnị ọ vara awụ nịnị ẹkụra nị.

Ọdọvịdị 16:4

Ịrẹma aanị, Ịsamịsịnị re ozi ọnẹẹ ene ze e eyi tụ ẹkụra ana ya inozi Isọrẹkị. Ịrẹha ozi ọnẹẹ ọnọọ ọ rị Iderira nị.