Ayịsaya 5:1 - IWE ỌNỊNỊ

¹ Mị vaa jị ahẹ ọnya. Ahẹ ọnọọ vị ịrẹyị ọta amị ọnịrị ụbazị anị. Ọta amị ộ nyị ụbazị tụ́ ịnị ataba ọnya ọnị ẹtẹ anị zoza ẹtẹẹtẹrẹ.

Ayịsaya 5:1 ပူးပေါင်းရင်းမြစ်များ

Ahẹ Ụgama 101:1

Ẹnẹyịmavara mị vaa jị ahẹ gono wu ka ụụ̄ sì ịrẹyị ọza dị ụ rẹẹ̄ mẹ ịzẹyịza nị.

Ahẹ Ụgama 45:1

Ahẹ ozoza-ozoza hi ịnị ayị amị oni mee sì ka ma jị M màa jị ahẹ ẹnẹẹ gono ohinọyị, ọngwẹ amị ộ swa anka ịsa ana a sịị̄ chẹrẹ ịsa mẹ̀ swa ini iwe avọọ.

Ahẹ Ụgama 60:5

Navọ wa sị ụkata awụ gụ yị ụvọ dị wa dọ yị tụ́ Wàa gụ yị ụvọ, aza oni u sì ịrẹyị anị vaa há.

Ahẹ Ụgama 80:8

Wâ kụ́ yị hụrẹ Ijipiti vẹ anka ọchị ịvayịnị avọọ. Dị ụ dụ anẹkụra ọsa hụụ ịzọọ, dị ụ sị yị tụ́ ịzọọ anka a mẹ̀ẹ hụ́ ọchị ịvayịnịị tụ́ aha avọọ nị.

Ahẹ Isoromọnị 2:16

Ọza oni mi sì aanị vị aamị, dị ẹmịrị vị aanị nị. Ịnị akakana ododo ọyịza-ọyịza ọọ̄ kụ ịsụpa anịị rị nị.

Ahẹ Isoromọnị 5:16

Ịrẹyị irenu anị o hine hu nị. Ịsavịsavị anị vị anaa vá amị. Ẹwụ nịnị anyẹnẹẹ Anijerusarẹmị aanị ọza ọnị mị maanị sì ịrẹyị anị mẹ ya nị ọ.

Ahẹ Isoromọnị 5:2

M maa sụ̀ ara, mâ ra ụra ka ọza ọnị mị maanị sì ịrẹyị anị aa sị ụvọọ ka oze nị. Na oze mi de, ẹwụ ọnị mị maanị sị̀ ịrẹyị anị, anaā sịị mị ayịị hine, ẹwụ ọnị mee zi eyi. Eguhi me chire ku mi, ịrẹsụ amị o si horo. Ẹyị ịnị ịrẹsụ amị vị o yi hunẹnẹ.

Ahẹ Isoromọnị 6:3

Ọza ọnị mị maanị sì ịrẹyị anị vị aa mị, dị ẹmị rẹ vị aanị nị. Aa kụ ịsụpa anịị rị ịzị ododo ọyịza-ọyịza hi.

Ijeremaya 12:10

Ọ kà, oseratẹmẹ ọrụrụ-ọrụrụ ẹ sị ụbazị ịvayịnị anị du ha. Ẹ raa sị ahụ chaka aarẹ anị. Ẹ sị ẹtẹ anị ọkụmị-ọkụmị vara ụnọmị ọyịwụ.

Ijeremaya 2:21

Maa nyị ụ nịnị jẹẹ anka ọza ana sị uhu ịvayịnị ene hu kere-kere dị o chire tu irenyi avọọ. Ama wee re ịsị ụ kụkụ vị nịnị booro aanị? Vị ụ kụkụ sị mẹ nịnị anka ịvayịnị ana vụ, dị ẹ̀ yị nyị ịsị ọ kụkụ rụra mẹ avọọ nị.

Ezikẹẹrị 15:2

Ozi-ọza, sị ọkụ ịvayịnị sị huna ọkụ ana vọ kẹ? Sị́ avọ anị si huna ọchị ana vọ hi ini iruku kẹ?

Ezikẹẹrị 19:10

Ọnyị awụ vị ana sị mẹẹ anka ọchị ịvayịnị ene e chire tụ ụtọ okuha avọọ, ka ee re enyi hú ẹtẹẹrẹ, dị ọchị ịvayịnị nyị avị ẹtẹẹtẹrẹ, dị ọ́ rẹ nyayịnẹ tụ ẹtụtụ nị.

Ihoseya 10:1

Anisirẹrị nịnị vị ana sị mẹ anka ọchị ịvayịnị ana za ẹnya ohihi avọọ nị. Ẹtụtụ anị maa rụrụ, avọọ ẹnịnị mee hi ụta ori hu avọọ nị. Ẹkụra maa ka tụ ọvịdị, avọọ ẹnịnị mẹ raà da ụvọ tụ ịnị ụvọ hi ịrẹta yị ori ẹnẹ ẹ yaa hẹkẹ nị.

Imatiwu 21:33

“Re wụ́ ụhịrẹyị ọsa nịnị! Â nyị adarehi ọnya aanị ana dà ụbazị, dị ọ họ̀ kara a nị. Dị ọ jị ụkọ ịzị a vaa yàa kwọrọ ẹtụtụ ọchị ene hi ịnị anị nị. Di o re hi ụta oserẹtẹ tụ́ ọọ nị. Di o si rere aza ẹnyị ka ọnị ọ̀ọ dọ wa ọtụrọsarẹsụ anị nị. Di o si hu aa hụrẹ eehi nị.

Ịmaakị 12:1

Dị Ijeesu nyima aa sị ụhịrẹyịị kà ịrẹyịị yị wa nị; dị ọ ka, “Â nyị ọza ịnya aanị ana dà ụbazị, dị ọ hị́ ọchị ana aā hị́ ịvayịnị tụ́ ịnị anị nị. Dị ọ rẹ họ̀ kara a nị. Ộ jị ụkọ ịzị a vaa yàa kwọrọ ẹtụtụ ọchị ẹnẹẹ, dị ọ re hi ụta oserẹtẹ tụ́ ọọ nị. Ộ sị ụbazị ọnọọ rere aza ẹnyị aanị ka ọnị ọ̀ọ dọ wa ọtụrọsarẹsụ anị. Di o si hu aa hụrẹ eehi nị.

Iruuku 20:9

Dị Ijeesu nyima aa sị ụhịrẹyị ọnọnịị kà ịrẹyị yị wa nị. Dị ọ ka, “Â nyị ọza ịnya aanị ana dà ụbazị, di o si rere aza anaā sịị eyii pe ụbazị nị. Di o si hu aa hụrẹ eehi nee kù nị.

Ịjọọnụ 15:1

Ijeesu ọ rẹ kà a yị ezirẹma anị ka, “Mị sị mẹẹ anka ọchị anaā tụ́ ana aā hị́ ịvayịnị avọọ nị. Ada amị vị ana sị mẹẹ anka ọza ana nyị ụbazị ene ee tenyii ọchị ọnọọ avọọ.

Iwe Ọhụhị Imosiisi ana aa hị́ Ọyịvatụrọda 8:10

“Ụ vaa rị ịsa, dị ịnẹ ha wụ, dị waa kụ Ẹnẹyịmavara Ohomorihi awụ avọ ka ọ sị ẹtẹ ozoza yị wụ nị.

Iwe Ọhụhị Imosiisi ana aa hị́ Ọyịvatụrọda 8:7

Ẹnẹyịmavara Ohomorihi awụ nịnị vaa sị wụ nịnị va ngụ ịnị ẹtẹ ozoza ịzị irehu, okuha ọnịrị orosi ne beri enyi iruvo ẹtẹ e si ịnị ịnozi ọnịrị ịnị ataba.