Ayịsaya 48:9 - IWE ỌNỊNỊ

⁹ Agụvị aza ẹẹ ga ọnị, ọnị ẹ yị kụkụ vaa kụ ayị hi wa, dị ọnị o vee vu wa ẹtẹ.

Ayịsaya 48:9 ပူးပေါင်းရင်းမြစ်များ

Ahẹ Ụgama 106:8

Ama wâ hụ agụvị ụbanyị ẹngụ awụ wâ dọ wa há, agụvị aza ẹ̀ yẹ ka wâ nyị ụkata ẹtẹẹtẹrẹ.

Ahẹ Ụgama 143:11

Ẹnẹyịmavara navọ wa hụ agụvị ụbanyị ẹngụ awụ wa dọ mi tụ́ di asị mi sú. Ẹwụ vi ana aā mẹ̀ ịsa ana vọrọ, navọ wa hụ ụvị avọọ wa dọ mị hụụnị akanya amị.

Ahẹ Ụgama 25:11

Ẹnẹyịmavara, ebira odivi amị ộ banyị ịzẹyịza ama navọ wa hụ agụvị ụbanyị ẹngụ awụ wa vagu mị.

Ahẹ Ụgama 78:38

Ama Ohomorihi ọ vị vayị ẹnịnị, dị ọ vagu wa ini ebira odivi ẹnị ẹ yaa mẹ nị. Ọ yị wụ̀ avaba ẹnịnị ha. Ụpẹ ọsa ụpẹ ọsa Ohomorihi sii nyị isuuru nị ọ mà zẹẹ ka ọnị ọ̀ kụ́ ayị tù ịzị eyi za a ne tù.

Ahẹ Ụgama 79:9

Ohomorihi, ẹwaā dị yịị ha nọ, navọ wa hụ agụvị ụbanyị ẹngụ awụ wa gụ yị ụvọ. Hụ agụvị ụbanyị ẹngụ awụ wa vagu yị, dị wa dọ yị tụ́.

Ụhịrẹyị 19:11

Ịrẹyọyẹ vị anaa sị ayị ọzaa nẹtẹ, ọza anaa sị eyi hụụnị ịrẹyị aā sị ụbanyị yị nị.

Ayịsaya 30:18

Ama Ẹnẹyịmavara ee sii sì ka ọnị ọ̀ vayị awụ nịnị Ee sì ka ọnị ọ́ vayị awụ nịnị agụvị ka Ẹnẹyịmavara ọnị vị Ohomorihi anaā mẹ̀ ịsa ana vọrọ. Avaba aza ana sị ayị tụra a ẹ̀ nyarị ịrẹsụ ọyịza.

Ayịsaya 37:35

Ọnị vee sere ẹkụra ọnọnị, dị ọnị ẹ yị zẹẹ ka à nyị ịsị ẹ mẹ̀ ẹ agụvị ụbanyị ọnị ọnị sị yị ịrẹha anị, ọnịrị agụvị oto oni ọnị wo yị Idevidi ozi ahụ anị.

Ayịsaya 43:25

Ama, ẹma vị Ohomorihi ana vagu ebira edivi ọnị ụ mẹ nịnị nị. Agụvị ọza ọnị mị vị mị maanị mẹ nị. Mi vee hí ayị ebira edivi awụ nịnị.

Ayịsaya 48:11

Ọ kà agụvị ẹngụ anị ọnị dọ wa ha nị. Ịzẹyịza, agụvị ẹngụ anị yọ nị. Ọnị ọ yị vaa zẹ ka a mẹ̀ ụhị nyị ịrẹha anị, a vị ka ọnịrị ọzọnyọzọnyị ọ ga ụbanyị ana vị áanị ịnya kẹnẹ.

Ayịsaya 65:8

Ẹnẹyịmavara kà, “ọza e yi me du igirepi ozoza ha, vị a sịị̄ mẹ eche ene zoza nị. Ẹ̀ me yi re vee vu aza amị ẹtẹ. Avọọ gẹdẹ-gẹdẹ, mị vaa hụ agụvị ezi ahụ amịị dọ waa ha.

Ijeremaya 14:7

Ẹnẹyịmavara kà, aza anị aa jị òrèrè ka, ịzẹyịza, ịvị ẹnịnị aa dọ ẹnị ivenu de, ama, ọnị navọ ọnị ọ̀ gu ẹnị ụvọ anka ọnị mẹ vịdị kà a. Ẹ ka, ụmẹ ọrụrụ-ọrụrụ ẹnị sị va ịrẹma Ẹnẹyịmavara nị, ẹnị ẹ raa rị ịvị anị.

Ezikẹẹrị 20:14

Ama ọnị ộ hụ agụvị ka a va sị ịrẹha anị sìsí ẹtẹ ọvịdị avaba anẹkụra ọnị ọnị kụ Anisirẹrị nịnị hụrị Ijipiti, ọnị ộ za avọ hi.

Ezikẹẹrị 20:22

Ama ọnị ộ za avọ hi, ọnị ọ rẹ va mẹ ọyịkụ hi wa agụvị ka a va sị ịrẹha anị sìsi ẹtẹ ọvịdị avaba anẹkụra ọnị ọnị yà eyi ẹnịnị kụ Anisirẹrị nịnị hụrẹ Ijipiti.

Ezikẹẹrị 20:44

Ẹnẹyịmavara Ananyị ụkata hu ka, ẹwụ nịnị Anisirẹrị vaa yẹ ka ọnị ọ vị Ẹnẹyịmavara nị; ịjị ọnị ọọ hụ agụvị ka à sị ụbanyị yị ịrẹha anị, dị ọnị vayị awụ nịnị nị. Ọnị ẹ́ yị vaa mẹ̀ ebira hi wu nịnị anka ẹngụ ebira odivi ọnị ụ mẹ nịnị.

Ezikẹẹrị 20:9

Ama ọnị ẹ yị rẹ va vavọọ mẹ, ọnị yaanị raa sị ẹngụ anị sìsi ẹtẹ ọnị ọọ vavọọ mẹ, agụvị ka eyi avaba aza ẹnẹ ẹnịrị Anisirẹrị nịnị rá vabẹ ọnị kà a yị wa ka ọnị vaa kụ waa hụrị ẹtẹ Ijipiti nị.

Ezikẹẹrị 36:21

Ọnọọ ọ va mẹ ka ịrẹyị ịrẹha anị ọ̀ jị ọnị areyi nị agụvị ka Anisirẹrị nịnị aa mẹ̀ ụhị nyị ịrẹha anị avaba aha ẹnẹ ẹ̀ẹ nọ.

Ijosuwa 7:9

Ịjị Anikenaani nịnị ọnịrị anẹkụra ana vọ ẹẹ wụ́ ịsị e tu ẹnị, dị ẹ vẹ ẹnị ịrẹkụ dị ẹ wụ́ ẹnị va ha. Ẹnẹyịmavara mẹẹ vaa mẹ̀ ụhị ọnọọ?

1 Ịsamụwẹrị 12:22

Ẹnẹyịmavara ọ raà wo oto ka ọnị e yi vee yi wu nịnị tịtẹ agụvị dị ọnị ọ̀ sị wụ nịnị mẹ aza anị.