Ayịsaya 48:2 - IWE ỌNỊNỊ

² Di e yee wu ka ẹnị vị anẹkụra ọnịnị ene chi ayị za Ohomorihi Anisirẹrị ọnị ịrẹha vị Ẹnẹyịmavara Ochẹtẹẹngụ.

Ayịsaya 48:2 ပူးပေါင်းရင်းမြစ်များ

Inehemaya 11:1

Ụmẹ ọnọọ, ọdọvịdị nịnị vị ana ra hi Ijerusarẹmị. Dị e Anisirẹrị ana vọ jị osisii dị ẹ nyị ovwoovu ọnya-ọnya hụụnị ovwoovu ẹẹwụ, ka ẹ̀ na ra Ijerusarẹmị ana vị ẹkụra ọnịnị, dị ovwoovu ịhịịna ana vọ ẹnị ra ẹkụra-ẹkụra ana vọ.

Inehemaya 11:18

Avaba ẹnị Anireevi ana ra ẹkụra ọnịnị ọbanyị ọnọọ vị ịrẹka tụra ẹbẹẹna tụra ẹẹna (284).

Ahẹ Ụgama 48:1

Ẹnẹyịmavara vị ana nyayịnẹ nyị ụbanyị Ọnị a vọrọ ka aza ẹ̀ẹ sị ụbanyịị yị ịnị ẹkụra Ohomorihi ayị ịzị ataba anị yà nị.

Ahẹ Ụgama 87:3

Ẹwụ ẹkụra Ohomorihi, Ohomorihi vị ana kà ọyịza-ọyịza awụ.

Ayịsaya 10:20

Ụmẹ aa vẹ ana ahịka Anisirẹrị ana vọ ẹ yị kụkụ vaa sị ayị tụra anẹkụra ana vịdị ka ẹnị aa wụ waa ha.

Ayịsaya 47:4

Ohomorihi ọnịnị Ánisirẹrị ọ dọ yị ha nị. Ịrẹha anị ọ rị Ẹnẹyịmavara Ochẹtẹẹngụ nị.

Ayịsaya 51:13

Ayị ô hi wa ka Ẹnẹyịmavara ana tụ wa, ộ gana ẹbẹẹba ku tụ ịzị ọ ya, dị ọ sị eteesu hi ẹtẹ nị. E yee hí angwa agụvị ka aza ana mẹ ẹvaya yị wa aa kụ ayị ka ẹnị a wụ̀ wa. Ịzị aza ẹnẹẹ hi booro aanị?

Ayịsaya 51:15

Ẹnẹyịmavara kà ọnị ọ vị Ohomorihi ana vara oku dị a jị ayị vụụvụ nị. Ọnị ọ rị Ẹnẹyịmavara Ochẹtẹẹngụ nị.

Ayịsaya 52:1

Ẹwụ nịnị Anijerusarẹmị kwẹẹtẹ, kwẹẹtẹ wa sị tụ ụkata nịnị. Ẹwụ ẹkụra ọnịnị Óhomorihi, waa mẹ ụbanyị anka ọza ọ̀ọ kụ́ ịta ozoza hi ẹngụ avọọ. Aza ẹnẹ ẹ̀ yị jị ụvẹvẹnẹ, ọnịrị aza ẹnẹ ẹ̀ yị nị, ẹ yị vaa zị oze ọbanyị awụụ paraahu.

Ijeremaya 10:16

Ohomorihi Ijekọvụ ọnịrị wa ẹ ị vị ọnya, agụvị ka ọnị ọ mẹ avaba ịsa nị. Ọ raa nyị Anisirẹrị nịnị ka ẹ vị aza anị. Ẹnẹyịmavara Ochẹtẹẹngụ ịrẹha anị rị nị.

Ijeremaya 21:2

Ẹnịnị ê ne tu Ijeremaya dị ẹ́ ka, aarịhịnị, ò pe ẹnị pe Ẹnẹyịmavara kà ịrẹyị agụvị ka Inebukadineza ohinọyị Ịbabịrọnị ọnịrị Isoja anị ẹ́ raa kụ ịrẹkụ ee vee tu Ijerusarẹmị. Ẹ ka ẹyịyara, Ẹnẹyịmavara vaa mẹ ịvọpa yị ẹnị dị ọ dụ Inebukadineza varẹma.

Ijeremaya 44:26

Ama booro anị, sị ụtọ pe ẹtẹ, dị wa wụ eku ọnị ọnị Ẹnẹyịmavara sị ịrẹha anị hị́ agụvị ẹwụ nịnị Anisirẹrị ene hi Ijipiti: Ọnị ẹ́ yị ma vana zẹẹ ka wa sị ịrẹha anị hị́ eku nịnị, di waa kà a ka: Waa sị Ẹnẹyịmavara ana hwọ hị́, dị ọ yàra hị́ eku nịnị.

Ịdanịyẹrị 9:24

Ịrayị ẹtarẹwụ oze ịhịmba Ohomorihi jị ka ọ vaa mẹ dị aza anị ana vị Anijerusarẹmị ẹ va hụụnị ebira odivi ọ̀ yị mẹ, dị a kụ ebira odivi hụrị ẹtẹ nị. A vaa mẹ ka à kụkụ mẹ̀ ịsa ana vọrọ pooro, dị ẹtẹ ọnị Ịdanịyẹrị ré aanị ọnịrị ịrẹyị ọnị ọnịsẹ kà aanị sị gẹ. Dị a varẹma ve tenyi irehi Ohomorihi ana ya Ijerusarẹmị.

Imika 3:11

Ohinọyị awụ nịnị vị anaā dọ ochirerenu àaa mẹ̀ ọkarẹyị. Ohirẹsụ irehi Ohomorihi vị ana aa mẹ̀ ụkọrọ ka ọnị ọ̀ dọ ẹkẹhị kẹnẹ. Ọnịsẹ ẹnị raa kà ịsẹ ka ẹnị ẹ̀ sị dọ ẹkẹhị. Ama ẹ yaa kịị kà a kà Ẹnẹyịmavara jẹẹ ẹnị ịrẹma. Ẹ ka Ẹnẹyịmavara jẹẹ ẹnị ịrẹma ẹ yị nyị ịrẹyị ene vee tù ẹnị.

Imatiwu 27:53

dị ẹ hụụnị ikuta jịnẹ vẹ, Ịjị Ijeesu sị ha kwẹẹtẹ; dị ẹnịnị nọ ịnị ẹkụra ọnịnị, dị aza ọrụrụ-ọrụrụ re wa nị.

Imatiwu 4:5

Dị Echu rẹ sị ọọ hịrẹ nọ Ijerusarẹmị ana vị ẹkụra ọnịnị, dị ọ sị ọọ na tụ́ oregerege ini irehi Ohomorihi nị.

Aniroomi 2:17

Ẹwụ nịnịị yọ? Waa hị́ ẹngụ awụ nịnị Aniju, dị ụ kụkụ sị ayị tụra ọda nịnị, du wee wo oto ka aza Ohomorihi ụ vị nịnị nị.

Ẹtore 11:2

Ama asị ọnịngọ ẹtẹ ana kara irehi Ohomorihi avọọ; ma naavọ tịtẹ, agụvị ka anarịmadọwụ nịnị a sị yị nị. Ẹnịnị vaa kụ́ ahụụ hi ẹkụra Óhomorihi ọnọnịị mẹ̀ ụhwẹ ẹbẹẹva tụra ẹẹva (42).

Ẹtore 21:2

Ẹmị Ịjọọnụ, mée re ẹkụra ọnịnị ọnọọ ana vị Ijerusarẹmị ka ee chíi hụrẹ ẹbẹẹba ịda Ohomorihii vẹ. Di e tenyi ọọ ẹngụ anka ọnẹẹ anaa mẹ ọvị yị ọva anị avọọ nị.

Ẹtore 22:19

Ọza ana àa sị hụụnị ịrẹyị ịsẹ ana a chẹrẹ tụ́ ini iwe ọnọnị, Ohomorihi vaa sị áanịị kwooze hụụnị ịnị ọchị anaā mẹ ka ọza ọ̀ yàra pooro zịna-zịna, dị ọ rẹ sị áanị kwooze hụụnị ẹkụra Ohomorihi ọnọọ ana a chẹrẹ tụ́ ini iwe ọnọnị.

Ọdọvịdị 17:13

Imika o hi ụhwẹ za ẹtẹ dị ọ ka booro anị ma yẹ ka Ẹnẹyịmavara vaa mẹ ọyịzaa ka mi vẹ mmẹ ra sị Anireevi mẹ ọnụtụ yị ẹmị rị ori aanị.