Ayịsaya 47:3 - IWE ỌNỊNỊ

³ Aza vee re ahwaahụ awụ. Ẹnịnị vee re a mẹ̀ và wụ nẹtẹ, dị ụhị nyị wụ. Ẹ nyị ọza ana va zụụ za mịị jẹẹ ka à sị mị họ̀ oponu.

Ayịsaya 47:3 ပူးပေါင်းရင်းမြစ်များ

Oyinyima 3:7

Ẹ mẹ̀ yị rị ọ kẹnẹ eyi ẹnịnị ẹ si hweyi, di e re ka ịnị ahwaahụ ẹnị yà nị. Dị ẹ na dị ẹ na jị avị, dị ẹ gẹ ẹ di e si kú ẹngụ nị. Ịrẹha ọchị ọnọọ ọ rị itena, dị a rẹẹ hị́ ọ ihwigi nị.

Ayịsaya 20:4

Avọọ ohinọyị Anisiriya mẹ̀ vaa kụ́ Anijipiti ọnịrị Anikusi ọrịhị, dị ọ tụ́ wa ahwaahụ dị ahịka ahụ osusu ẹ yaa sịị zị nị. Ozweyi ọnịrị ọzọkụ ẹ vavọọ vaa kụ́ nị. Iruvo ẹnịnị vị ana vaa kụ́ụ hi ẹhẹ. Ụhị vaa nyị Anijipiti ịhị ọnọọ.

Ayịsaya 3:17

avọọ Ananyị yị vaa mẹ ka ịtahụ ẹ̀ chị hi ịnị ịrẹsụ anyẹnẹẹ Anịzayọnị, dị ọ mẹ ka ẹnịnị ọ̀ kụ́ ọmarị.

Ayịsaya 35:4

Kà ẹ yị aza ana ayị aa hụrẹ ịnẹ ka asị angwa rè hí wa; ẹ̀ nyị ọtụtụrụma, ka Ohomorihi ẹnịnị aa vaa dọ wa há. Dị ọ ụya rị ọnịvị ẹnịnị.

Ijeremaya 13:22

Waa naa họ̀ nịnị ka sị ẹ vẹ dị ịrẹyị ẹnẹnị maanị ee tù u nịnị? Yẹ ka, agụvị ebira odivi ẹnẹmẹhị ọnị wa mẹ nịnị yọ nị. Ọnị ọ mẹ ka à hụ̀ ịta hụrẹ ẹwụ nịnị uruvo, dị a si ụkata-ụkata sị ụya rị ụ nịnị nị.

Ijeremaya 13:26

Ẹnẹyịmavara ọnị ụvọta vaa tụ wụ nịnị ahwaahụ, dị ọ mẹ̀ ụhị nyị wụ nịnị.

Ijeremaya 51:11

Ẹnẹyịmavara ọ na raa hị́ ẹnị ohinọyị Animediya nịnị, agụvị ka ee si ka ọnị ò vu Ịbabịrọnị ẹtẹ. Avọọ Ẹnẹyịmavara mẹmẹ vaa mẹẹ họ̀ oponu irehi anị ọnị ẹnịnị du ha nị. Ọdọvịdị isoja anaa vẹ wa ịrẹkụ ka, ọzọza ọ sị ọpa anị dị ò nee. Ọzọza ọ̀ sị ogonto anị rị ụvọ o.

Ijeremaya 51:4

Ẹnịnị vị ana a vaa tọ̀ ụnava, dị e sú va hi ẹtẹ oze ene hi ẹkụra ẹnịnị.

Ijeremaya 51:56

Ẹnẹyịmavara kà ẹnịnị ệ vẹ ka ẹnị è ve vu Ịbabịrọnị ẹtẹ. Ẹ sị isoja Anibabironi nịnị za dị ọkịta ẹnịnị ku che nị. Ọ kà, ọnị ọ̀ vị Ohomorihi anaā sịị ụyaa rị aza anaa mẹ ịsị edivi nị. Ọnị ee sí Anibabironi nịnị atọ.

Ezikẹẹrị 16:37

ịrẹyị ọnọnị, ọnị vaa kụ aza ẹnẹ ẹwụrị vịdịị sẹ̀ ịrẹkaa gụ, hi ọnị ụ sì ịrẹyị anị ọnịrị ọnị wee kuku sì ịrẹyị anị. Ọnị vaa tụ́ wụ ahwaahụ, dị ẹnịnị è ré ahwaahụ awụ.

Ịnahụmị 3:5

Ẹnẹyịmavara Ochẹtẹẹngụ kà, ọnị vaa sị ụya rị Ininivẹ! Ọnị vaa tụ́ wa ahwaahụ dị anẹkụra ọzọza ee re e, dị ọnị mẹ̀ ụhị nyị wa eyi avaba ẹkụra irenyi-irenyi.

Aniroomi 12:19

Ẹwụ nịnị ẹyịnyara amị, asị u sí atọ ịrẹyị ẹngụ awụ nịnị, oo! Ama naavọ yị Ohomorihi, di ò sí ọọ, agụvị ka â vịdị chẹrẹẹ ka Ohomorihi Ananyị yị ka, “Emeē sí atọ nị, mi vee sí atọọ varẹma.”

Iwe Ọhụhị Imosiisi ana aa hị́ Ọyịvatụrọda 32:35

Ẹnẹyịmavara vaa họ̀ oponu, dị ọ sị ụya rị wa. Ụmẹ aa vẹ ọnị ọnịvị ẹnịnị vaa hyẹdụ; ụmẹ ọnị ịrẹyị odivi vee si tu wa ọ sị gụrị ẹtẹ.

Ẹtore 16:19

Dị ẹkụra ọbanyị ọnọọ che hi oze ẹẹta nị. Dị ẹkụra avaba ẹhẹ hyẹdụ va hi ẹtẹ nị. Ohomorihi ọ́ọ tamayị ẹkụra ọbanyị Ịbabịrọnị ọnọọ, dị ọ ká ọyịkụ ọbanyị anị tụ́ ini ako yọ ka ò hú ọọ nị.

Ẹtore 18:20

Ẹwụ nịnị ene hi ẹbẹẹba ọ̀ọ jẹ! Ẹwụ nịnị aza Ohomorihi ọnịrị ezirẹma Ijeesu beri ọnịsẹ nịnị ọ̀ọ jẹ agụvị Ịbabịrọnị, agụvị ka Ohomorihi o reè sị ọ atọ wụ nịnị!