Ayịsaya 45:3 - IWE ỌNỊNỊ

³ Ọ kà ọnị vaa sị ogu yị ọ hụụnị aha ohozi ịzị ẹ tẹ̀. Ịjọnọọ ọ vaa yẹ ka ọnị ọ vị Ẹnẹyịmavara nị. Ọnị Ohomorihi Anisirẹrị ọ raà sị ịrẹha anị hị́ ọ.

Ayịsaya 45:3 ပူးပေါင်းရင်းမြစ်များ

2 Ịtọpa 6:17

Isoromọnị ộ dà ịpẹ ka Ẹnẹyịmavara ọ mẹ̀ ịsa ọnị ọ ka yị ozi ahụ anị Idevidi.

Ẹzịra 1:2

Ịzẹyịza, dị Ịsayịrọsị ka Ẹnẹyịmavara, Ohomorihi ana nyị ẹbẹẹba ọ raà sị ịjọva avaba ẹhẹ chire ọnị ụvọ. Dị ọ nyị ọnị ka ọnị ọ da irehi anị tụ Ijerusarẹmị ịnị ẹtẹ Ijuda nị.

Ọyịkụra 33:12

Ẹkụhị ọnya di Imosiisi va kà a yị Ẹnẹyịmavara dị ọ ka, “Ụ ka ma kụ́ aza ẹnẹnị dị yaa na, ama wệ yị va kà a mị ọza ọnị ụ vaa tụ́ ka ò pe mi kụ́ wa na. Ụ rẹ ka wâ yẹ mị ẹtẹẹtẹrẹ, ka ebira amị ô zee wu eyi.

Ọyịkụra 33:17

Dị Ẹnẹyịmavara kà a yị Imosiisi dị ọ ka, “Ịsị wàa ka ma mẹ, mị vaa mẹ̀ ẹ, agụvị ka mâ yẹ wụ ẹtẹẹtẹrẹ, di ebira awụ re zee mi eyi nị.”

Ayịsaya 41:23

Kà a yị yị ịsị ẹ vaa mẹ̀ ụhwọọ agụvị ya yẹ ka ori ụ vị nị. Mẹ̀ kà etore awụ nịnị ọ sẹ. Mẹ̀ ịsa ọyịza, a vị ịsa odivi ọnya ene ve chire ọza angwa.

Ayịsaya 43:1

Isirẹrị, Ẹnẹyịmavara ana tụ́ wụ ka, “Asị ụ hí angwa ka mị vaa dọ wụ ha. Ma raà sị ịrẹha awụ hị́ wụ, áamị ụ vị nị.

Ayịsaya 48:15

Ọnị aa hị́ Ịsayịrọsị ka ọnị ọ tụ ọ ụtụ nị. Ọnị vaa gụ ọ ụvọ ka o re mẹ.

Ayịsaya 49:1

Sị ụtọ pe ẹtẹ ẹwụ nịnị anẹkụra ana ra utenyi. Batọ ẹwụ nịnị anẹkụra aha ene noze. Ẹnẹyịmavara ộ sị mị nyị dị a va yẹ ka â ma mị. Ịnị ịhị ozi ọnyị amị mị ya dị ọ sị ịrẹha yị mị nị.

Ijeremaya 41:8

Ama â nyị aza ẹnị ẹẹwụ ịnị aza ẹnẹẹ. Ẹnịnị ệ kà a yị Isimẹrị ka, aarịhịnị, asị ọ wụ ẹnị de. Ẹ ka ẹnị aa sị ihwiti, ibaari ọnịrị angwẹ orivi beri ẹhụ ẹnẹ ẹnị kụ́ tẹ̀ ịnị aarẹ. Ịzẹyịza, dị Isimẹrị navọ wa nị.

Ijeremaya 50:26

Ọ kà wa zị oze ụvọnị-ụvọnị kwẹẹtẹ tu ọ nịnị. Gara oze irehi ịzị ẹ kụ ẹnya ẹnịnị tẹ hi. Gú ẹnya ẹnịnị jẹẹ, á mẹẹ gu ịsọyịrị jẹẹ avọọ, dị we du wa ha nịnị saka-saka, asị a nyị ịsị ụ vọ tịtẹ yị wa nịnị vụrụ-vụrụ.

Ijeremaya 50:37

Ọ kà, è vu avaba umaata ẹnịnị ọnịrị ụkẹkẹ ịrẹkụ ẹnịnị ẹtẹ. À wụ̀ avaba isoja ọzọga ẹnẹ ẹ na kụ hụrị aha ọsa vẹ va ha, ẹnịnị ẹẹ da vị ọkụmị kẹnẹ. È du avaba ogu ẹnịnị ha beri avaba ịsa ẹnẹ ẹ sị ụkata-ụkata na kụ hụrị aha ọsa avọọ.

Ijeremaya 51:13

Irehu ene hi Ịbabịrọnị ẹẹ rụrụ, dị ẹtẹ ọnọọ rẹ nyị ogu ẹtẹẹtẹrẹ nị. Ama eyi anị ọ sị nị, a sị avaba ịsị ọ sị eyi tụra gara ha.

Ijeremaya 51:53

Ọ kà Anibabironi nịnị ẹ̀ẹ daka hịrẹ nọ ẹbẹẹba ịnị eguhi, dị ẹ́ na dà irehi tụ ịzọọ yị ẹngụ ẹnịnị ka asị á nyị ịsị ẹ mẹ̀ ẹnị nị, ọnị vị anaa ịị tụ aza dị e ne vu wa ẹtẹ.